Titusemut 2:2 - Labrador Inuttitut Heritage Bible

² Ituit âmaingajôjârtailititsainarᴋovlugit, ᴋuksalailugatik, nâmatuinartomiglo pilutik, atsuilerᴋovlugit okpernermelo, naglingnermelo, ᴋenuersârnermelo.

Titusemut 2:2 Iomraidhean Croise

Hiobe 12:12

Ilâ atâtatsiarne ilisimaneᴋarpok, sillatuneᴋarlunelo inutoᴋaujune.

Imgerut 92:14

Inutoᴋaunermingne sulle perorteromârput, ipteᴋarlutiglo ᴋunulijuitsomârput.

Salomob Okâl 16:31

Nutjat ᴋêrtojut nertornautib niaᴋotiksarivait, nachvârtaulertut idluarnerub apᴋutingane.

Jesaiase 65:20

Tagvane nutaraᴋarungnairomârpoᴋ uvluinalingmik, itomiglõnêt uvluksaminik inoᴋsitomik. Toᴋolertoᴋ jârelik 100 nik inôsuktôjomârpoᴋ, toᴋolertorlo jârelik 100 nik issumagijaujomârpoᴋ idluitullijotut pidlartaujotut.

Leviticus 19:32

Nikovilerit ᴋêrtojûb sângane, ittôjûblo kênanga opigiuk, Gûdîllo koksasugvigiuk; Uvanga Nâlegauvunga.

Markuse 5:15

Jêsuselo tikipât, Sâtanaseliolauᴋtorlo annorâtsiartoᴋ, silatôvlunelo iksivajoᴋ takovât; erᴋsivlutiglo.

Lukase 8:35

Tagva takojartoramitsuk tamanna, Jêsuse tikipât, inuglo sâtanasêrutjaujok naipipât, annorâlijalertok silatovlune iksivajok Jêsusib itigangita sângane; erᴋsivlutiglo.

Apostelit Piniarningit 24:25

Paulusele oᴋâlangmat idluarnermiglo, ikliguktailinermiglo, erᴋartuijoᴋaromârtomiglo, Fêlikse ᴋoaᴋsârpok oᴋarlunelo: Mânna aularit; ulapingikuma ᴋaiᴋojomagivagit.

Rômiunut 12:3

Saimanermulle tunergusiamnut oᴋaupapse ilûnase atunit, piojorijoᴋarᴋonago nangminerminik; nâmatuinartomigle issumaᴋaritse ilipsingnik, ilûnase ingmikôrluse, okpernipsingnut tunitjivionipsingnut Gûdemit.

I Korintemiunut 15:34

Tupatsialerluselo idluituliniarase; ilangit Gûdemik tukkisineᴋangimatta; kangusuᴋovluse taimâk oᴋarpunga.

I Korintemiunut 9:25

Inugaᴋatautijulle ilûnatik assianik pinasuangilat; ipkoale niaᴋôtiksak asserorniartok pijomavlugo, uvagulle asserojuitomik piniarpogut.

II Korintemiunut 5:13

Pinialuadlaruptale, tamattominga Gûde pivlugo pivogut; nâmatuinartuligupta, tamattominga pivluse pivogut.

Galâtsiamiunut 5:23

Perᴋojat taimailiortut akkerartungilait.

Filippimiunut 4:8

Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

I Tessalônikamiunut 5:6

Taimaimat siningniarata assiptitut; erᴋomaniartale silatuniarlutalo.

I Tessalônikamiunut 5:8

Uvagulle, uvlub ᴋitorngaringmatigut, silatuniarta; atimavlugik okpernerlo naglingnerlo, sagvingmiutarivlugik, niaᴋôteᴋarlutalo nerriungnermik piulijauniarnermik.

I Timôteusemut 1:10

Assiniartullo, nukapitjaniglo uivêriklertut, inungniglo tigliktut, saglotojullo, angerluktullo assingillo taimaitut ajoᴋertûtsemik atsuilinartomik akkerartortut pivlugit;

I Timôteusemut 1:14

Nâlegaptale saimarsautâ angiluartoᴋsôlauᴋpok (uvamne), okpernerlo naglingnerlo Kristûse Jêsusemêtûk.

I Timôteusemut 1:2

Timôteusemut ernimnut nalâgôrtomut okpernerme: Gûdib Atâtapta, Nâlekablo Jêsusib Kristûsib saimarsautiminut, nâpkigosungnerminullo, ullapirsautiminullo ilagilitittôk!

I Timôteusemut 1:5

Perᴋojat nalonairtitangat angnerpâk imaingmat: Naglingnek ômamut ivsornaitomut, issumamullo passijaksaungitomut, okpernermullo takkormôjuitomut.

I Timôteusemut 3:11

Taimâktauk nuliangit ilusitsiariktuksaugivut, terliaᴋataitaililutik idluartomik iliortuksauvlutik, nertornartuksauvlutiglo ilinganerne ilûnaine.

I Timôteusemut 3:2

Taimaimat ajoᴋertuinerôjok passijaksausuertuksauvok, arnab atautsib uinga, kamatsiatsainarlune, nâmatuinartomik pilune, ilusitsiariklune, siniktarviogajuklune, ajoᴋertuitsiarajuklune;

I Timôteusemut 3:4

Iglomioᴋatiminik pairᴋsitsiartok, nâlektunik ilusitsiariktuniglo ᴋitorngaᴋartok;

I Timôteusemut 3:8

Taimâktauᴋ (illagêt) kivgangit ilusitsiariktuksaugivut; maggôilinagit oᴋautsitik, vainetuluadlaratik, nachonartomik perᴋutiniarasuartailivlutik.

I Timôteusemut 5:1

Itomik suangniarnak, atâtatulle ᴋaiblarniaruk; inôsuktut angutit ᴋatangutititut;

Titusemut 1:13

Kigligiutsinek tamanna nelâgôrpok. Taimaimat inertidlakit, okpernerme atsuiliolerᴋovlugit,

Titusemut 1:8

Siniktarviogajuklune, ajungitomiglo nagligosuklune, nâmatuinartomik pilune, idluarlunelo, ivsornailunelo, ikliguktaililunelo;

Titusemut 2:7

Ilûnânele nangminek igvit takotilerit ajungitulinermik igjaraksauvlutit, illaᴋangitomik ajoᴋertûseᴋardlutit opinarlutillo,

Filemônemut 1:9

Naglingnermulle kaiblatuinarnersarivagit, uvanga imaitunga Pauluse inutoᴋaujunga, mânale ᴋelaksugaujungatauᴋ Jêsuse Kristuse pivlugo.

I Pêtrusib 1:13

Tamanna pivlugo issumapsigut ᴋeterusersimatitse, udjertoritse, saimarsaullo tunergusiariniartase Jêsusib Kristusib tikiviksangane tattigivingniarsiuk,

I Pêtrusib 4:7

Tamaitaᴋsuille naggatiksangat ᴋaglilerpoᴋ.

I Pêtrusib 5:8

Silatuniaritse erᴋomavluselo; akkerartortise Sâtanase arvertarmat loevetut nipliajoᴋsoatut, êjaksarsiorlune nelianik.

II Pêtrusib 1:6

Illisimanermullo nâmatuinartulinermik, nâmatuinartulinermullo ᴋenuersârnermik, ᴋenuersârnermullo nâlengnermik Gûdemik;