Titusemut 2:14 - Labrador Inuttitut Heritage Bible

¹⁴ Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Titusemut 2:14 Iomraidhean Croise

Genesis 48:16

Engelib ajortunit tamainit piuliklertub uvamnik, tâpsoma nukapiâk ukkoa saimauserligik, taijaulerᴋovlugik attimnik atâtângmalo attîgingnik Abrahablo Isaablo, aglisivalliarᴋovlugik unuksivalliarᴋovlugiglo nuname!

Imgerut 130:8

Tâpsomalo Israelitit piulijomârpait ajorninginnit illûnainit.

Imgerut 135:4

Nâlekab Jako annerilaungmago ingminut, Israelelo perᴋotiminut.

Exodus 15:16

Erᴋsinerub ᴋoaksârnerublo tupvigilârpait; tallerpikpit pitsartuningagut aulangilârput ujaraᴋtut; inuᴋotitit ᴋângiuterᴋârtinagit, Nâlegak, inuit pisiarijatit ᴋângiuterᴋârtinagit.

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Hesekiel 37:23

Ivsornartitsomângilallo nangminermingnik kingorngane gudingoaᴋotimingnut, piniarnernullônêt maᴋojungnartunut, tapanerijamiglônêt nelianut; piulijomârpakkale inigijanginit tamainit idluitulivigilauᴋtanginit, ivsornaititsomârpakkalo: taimaglo inuᴋutaujomârput uvamnut, Gudeojomârpungalo tâpkonunga.

Leviticus 25:41

Taipsomanele anijuksauvok ilingnit, tâmna ᴋitorngangillo ilagilugit, utertuksauvorlo ilaminut, atâtagilauktamelo kingormgutijanginut utertuksauvok.

Mâlaki 3:3

Iksivajomârporlo auksititsilune sujungaititsilunelo silberemik, Lêviblo erningit sujungaititsomârpait, epᴋêjarlugillo goldetut silberetullo; tunergusilârpullo Nâlekamut tunergutinik nerᴋiksanik idluarnerme.

Numbers 25:13

Tâpsomungalo kinguvânginullo angerniolârpoᴋ ajoᴋertuijônermik soraijuitomik; ilungertudlarlaungmat Gûdine pivlugo, Israêlikullo ulapᴋosilaungmagit.

Numbers 7:15

Tuktuvak inôtsuk atauseᴋ, saugaᴋ angusâloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

Mattêuse 1:21

Ernermik ernijomarpok; tâmna Jêsusemik atseraraksarivat, inuᴋotine piulijomârmagit ajorninginit.

Mattêuse 20:28

Sorlo Inûb Erninga tikingimat, kivgartortaujomavlune, kivgartoriartorlunele, inôserminiglo tunijivlune unuktut piulijaujutiksanganik.

Mattêuse 3:12

Tâpsoma ipsortûtine tigumiarpâ; ᴋematulivingme natinga sanneromârpâ, ᴋakᴋôjaksatsiallo ᴋematulivingminut katitsomârpait; piungitulle ôtsomârpait ikomamut ᴋamisuitomut.

Johannese 10:15

Sôrlo Atâtab ilitaringmanga, uvangalo âtâta ilitarigapko. Inôseralo tunivara saugat pivlugit.

Johannese 6:51

Uvanga ᴋakᴋôjauvunga ômanartok, ᴋilangmit tikitok. ᴋakᴋôjamit tamattomangat nerriniartok, inôniarpok isoᴋangitomut. ᴋakᴋôjarlo tuniniartara, uvinigivara, tuniniartara, silaᴋsoarmiut inôᴋovlugit.

Apostelit Piniarningit 15:14

Simon unipkâlaukpok, ᴋanok Gûdib nalojut isumagilaungmagit, nalipsatainarlugit, tâpkonangat inungnik ilaliulaungmat aterminut.

Apostelit Piniarningit 15:9

Adsigêngitomiglo uvaptingnut tâpkonungalo pititsilaungilak, ômatingillo sujungaitilaukpait okpernermut.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

Apostelit Piniarningit 9:36

Joppemele ilinniartoᴋalaukpok arnamik Tabêamik atilingmik, Grîkit taijangannik Dorᴋasemik; tâmna ajungituliᴋattalaukpok pitsiarlunelo aklujunut.

Galâtsiamiunut 1:4

Tâmna ingminik tunilauᴋpoᴋ ajornivut pivlugit, piulijomavluta silamit mattomangat ajortomit, Gûdib Atâtapta pijomajanga maliklugo.

Galâtsiamiunut 2:20

Inôvunga, uvangaungitorle, Kristusele ilumne inôvoᴋ. Mânale uviningme inôsera inôserivara okpernerme Gûdib erninganut, nagliktimnut, ingminiglo tunijomut pivlunga.

Galâtsiamiunut 3:13

Kristusible piulilauᴋpâtigut perᴋojat ômigijautitsininganit, nangmineᴋ ôminartitaulaungmat pivluta, aglaksimangmat: Ominarsile neliat ᴋejungme nivingajoᴋ.

Efêsusemiunut 1:11

Tâpsomûna uvaguttauᴋ kingormgujijuksautitauvogut, sivorngagut anerimajogut issumasimaninganut, tamaitaᴋsoarnik piniartub pijomajame issumasimaninga maliklugo;

Efêsusemiunut 2:10

Sanamajigigaptigo, pingortitauvluta Kristuse Jêsuseme ajungitulerᴋovluta, Gûdib sivorngagut âᴋiksulaungmatigut, taimailiorᴋovluta.

Efêsusemiunut 5:2

Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

Deuteronomy 14:2

Inôᴋatigêngogapse ivsornaitut Nâlekamut Gûdingnut, Nâlekablo annerivâse inuᴋutauᴋovluse adseungitunik nangminerminut, inôᴋatigêksoarnit tamainit nunab ᴋânganêtunit.

Deuteronomy 26:18

Nâlekablo uvlome kigligiutjivigivâtit inuᴋotigijomagamitit nangminerijomavlutit, sorlo angervigilaungmatit, malitsiartuksaugavillo tâpsoma perᴋojanginik tamainik;

Deuteronomy 4:20

Nâlekab ilaliormase anitiluselo kikiangmik auktitsivingmit, Egiptenemit, inuᴋutauᴋovluse kingormgutijaksamik tâpsomunga, sorlo uvlome igapse.

Deuteronomy 7:6

Inuᴋutaugapse ivsornaitut Nâlekamut Gûdipsingnut; Nâlekab Gûdivît annerivâtit inôᴋatigêksoarnit tamainit nunab ᴋânganêtunit inuᴋutauᴋovlutit adseungitok tâpsomunga.

I Timôteusemut 1:15

Oᴋausek okpernartoᴋsôjok tamadja, angijomik nâleluariaᴋarnek, Kristûse Jêsuse nunamut tikingmat idluitulijut piulijartorlugit, tâpkonangat uvanga anginerôjunga.

I Timôteusemut 2:10

Arnalle, Gûdemik nâlektut, pijariaᴋarningititut, ajungitulinermut.

I Timôteusemut 2:6

Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.

I Timôteusemut 6:18

Pitsiarnerᴋovlugit, ajungitulinermiglo akluiᴋovlugit, ᴋununatik tunijerᴋovlugit ikajorᴋovlugillo assimingnik;

Titusemut 2:7

Ilûnânele nangminek igvit takotilerit ajungitulinermik igjaraksauvlutit, illaᴋangitomik ajoᴋertûseᴋardlutit opinarlutillo,

Titusemut 3:8

Tamadja oᴋausek okpernartoᴋsôjok. Pijomavunga tamakkoninga ajoᴋertuerᴋovlutit soᴋosijuilutit, okpertut Gûdemut ajungitulinernik ataruilerᴋovlugit. Tamakkoa idluarput atornarlarmiglo inungnut.

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

Ebrêerinut 10:24

Nangminiptingniglo udjartortigêkta, kajungersartigêngnermut, naglerᴋovluta ajungitulerᴋovlutalo.

Ebrêerinut 9:14

Anginersavaksôjomik tagva Kristusib aungata (ivsornartoᴋarane ingminik Gûdemut tunigame, Anerneᴋ ajungineᴋ issoᴋangitoᴋ pitsartutigilugo) epᴋêjarpait issumavut piniarnernit toᴋonartunit, Gûdemik ômajomik kivgartorᴋovluta.

Jâkobusib 4:8

Gûdemut ᴋaglititse, tâpsoma tagva ᴋagliniarpâse. Aggase ubvarsigik, ilipse ajortolit, ômatiselo sujungaitisigik ilipse maggogusertose.

I Pêtrusib 1:18

Kaujimavluse nunguniartomit silberemullônêt goldemullônêt piulijaunginapse piusekullupsingnit atâtanut adsiunipsingnit;

I Pêtrusib 1:22

Tarniselo sujungaitisigik mikseᴋârneᴋ nâleklugo Anernermut, ᴋatangutinik nagligosoᴋovluse takkormôjuidluse; ômamullo ivjornaitomut nagliktigêvigitse!

I Pêtrusib 2:12

Nelojullo akorngane, ajungitomik arvertaritse: ilipsingnik terliaᴋataijut idluitulinerarluse, ajungitulinipsingnik takoᴋovlugit, Gûdemiglo nertordlerᴋovlugit kiglisiniarviub uvlungane.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

I Pêtrusib 3:18

Kristusetauᴋ atausiardlune âniatitaungmat ajornivut pivlugit, idluartoᴋ idluitut pivlugit, pititsomavluta Gûdemut, uviningmigullo toᴋotauvlune, anernermigulle ômartitauvoᴋ.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

I Johannesib 1:9

Ajornivulli kigligiksautigiguptigik, tâmna nitornartôvluni idluartôvoᴋ, issumagijungnaivigigamitigut ajorniptingnit, sujungaitilutalo idluitunit tamainit.

I Johannesib 3:2

Nagliktakka, mâna Gûdib ᴋitorngarivâtigut saᴋᴋijârsimangilarlo sulli ilingajomârnivut. Kaujimavavulli saᴋᴋijârniarpat, adsiginiaraptigo; takoniaraptigo ilinganinga.

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;