Titusemut 2:13 - Labrador Inuttitut Heritage Bible

¹³ Nerriugijaksak piloringnartok, Gûdiviksûblo piulijipta Jêsusib Kristûsib sakᴋerniksanga ânanaudlartok utaᴋilugo;

Titusemut 2:13 Iomraidhean Croise

Jesaiase 25:9

Taipsomane oᴋartoᴋaromârpoᴋ: Ahâk, tâmna Gûdigivavut, tâmna nerriugivavut, tâpsomalo piulivâtigut; tamnauvoᴋ Nâlegaᴋ nerriugijavut; kuviasukluta iggiaᴋomijarta piuliklerninga pivlugo!

Mattêuse 16:27

Inûb Erninga tikitsomârmat Atâtame ânanauningane Engeleᴋotine illagivlugit; tagvalo ilûnaita akkiniarvigijomârpait piniarningit maliklugit.

Mattêuse 25:31

Inûble Erninga ânanaunermine tikikune, Engelit ajungitut tamaita illagilugit, iksivajomârpok iksivautamine ânanaunersoalingme.

Mattêuse 26:64

Jêsusib oᴋautivâ: Nelâgut oᴋarpotit. Oᴋautivapsele, mânamit Inûb Erninga takojomârpase iksivajoᴋ pitsartunerub talerpiata tungâne, ᴋilaublo nuvujangitigut akᴋartok.

Markuse 14:62

Jêsusele oᴋarpoᴋ: Tâmnauvunga. Inûblo Erninga takojomârpase iksivajoᴋ (Gûdib) pitsartujub talerpiata tungâne, ᴋilaublo nuvujangitigut akᴋartoᴋ.

Markuse 8:38

Uvamnigle oᴋautsimniglo kangusuktoᴋ kinguvângoᴋatigêne tâpkonane assiniartune ajortulijunelo, tâmna Inûb Erningatatauᴋ kangugijomârpâ, tikikune atâtame ânanauningane, Engelit hailigit illagilugit.

Apostelit Piniarningit 24:15

Gûdelo okperivlugo nerriungneᴋarpunga tâpkoa nangminek nerriugijanganik, pijomârtome makiviksaᴋaromârmat tokungajunut, idluartunullo idluangitunullo.

Rômiunut 15:13

Gûdible nerriuktitsijub ilumertilise tamainik ᴋuviasungnermiglo ulapirsaumiglo okpernermut, nerriugijaksaᴋarmarerᴋovluse Anernerub ajunginerub pitsartuninganut.

Rômiunut 5:5

Nerriungnerle kangusuktitsiniangilaᴋ. Gûdib naglingninga kovimangmat ômatiptingnut, Anernermut ajunginermut tunergusiarijaptingnut.

Rômiunut 8:18

Issumavikkama, naliutub tamattoma kappianarningit adsigêktitaksaungimatta ânanaunersoarmut saᴋᴋijârtitaujomârtomut uvaptingne.

I Korintemiunut 1:7

Taimaglo ajoksangilase tunergutit nalînik, nerriukposelo Nâlegapta Jêsusib Kristûsib sakᴋeromârninganik;

II Korintemiunut 4:4

Silaᴋsûb tamattoma Gûdingata okpingitut taipkoa issumangît takpêtilauᴋpait, oᴋautsit tussarnertut Kristûsemik, Gûdib adsingata pinnarnarninganik, ᴋaumaningat ᴋaumaᴋonago taipkonunga.

II Korintemiunut 4:6

Gûdele, ᴋaumajomik nuerᴋojijoᴋ tâᴋtomit, ômatiptingne ᴋaumarsaivoᴋ, uvaptigut nellonarungnaititauᴋovlugo illitarsineᴋ Gûdib pinnarnarninganik Jêsusib Kristûsib sângane.

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Kolossamiunut 1:27

Gûdib nelonaijaivigijomangmagit nelonartub tamattoma inornadlarninganik nelojune, tâgva Kristûsemik ilupsingnêtomik, ânanâvaksônermik nerriugutiksaujomik.

Kolossamiunut 1:5

Nerriugijaksak pivlugo, ᴋomergutaumajok ilipsingnut piksauvlune ᴋilangme, sivorngagut tussalauktase oᴋautsitigut tussarnertutigut mikseᴋârtutigut.

Kolossamiunut 3:4

Kristûsele inôtigijase sakᴋerpat, ilipsetauk sakᴋeᴋatigijomârivase pinnarnartoksôjome.

II Tessalônikamiunut 2:16

Nâlegaptale Jêsusib Kristusib (nangmineᴋ), Gûdiptalo Atâtapta, uvaptingnik nagligosuktub, saimarsainerminullo manigornartomik nâksaungitomik, nerriugijaksamiglo ajungitomik tunitjivigilauramitigut,

II Tessalônikamiunut 2:8

Idluitulijoᴋ tagva saᴋᴋeromârpoᴋ; tâmna Nâlekab nungutsomârpâ ᴋanerme anerninganut, pêrlugolo tikivingme saᴋᴋijârninganut.

I Timôteusemut 1:1

Pauluse Jêsusib Kristûsib Apostelinga, Gûdib piulijipta, Nâlekablo Jêsusib nerriugijaksaᴋartitipta perᴋojanganut,

II Timôteusemut 1:2

Timôteusemut ernimnut nagligijamnut: Gûdib Atâtab, Kristûsiblo Jêsusib Nâlegapta saimarsautiminut nâpkigosungnerminullo, ullapirsautiminullo illagilitittok.

II Timôteusemut 4:1

Tagva kigligiutsivunga Gûdib Nâlekablo Jêsusib Kristûsib sângane, tâmna erᴋartuijomârmat inôjuniglo toᴋungajuniglo sakᴋervingme nâlegauvingmelo naliuningane.

II Timôteusemut 4:8

Ilâ mâna idluarnerub niaᴋôtâ ilimavok piksamnut, Nâlekab idluartomik erᴋartuijub tunijomârtanga uvamnut uvluksame ipsomane; uvamnutuinaungitorle, ilûnainulletauk sakᴋerninganik ᴋuviasûteᴋartunut.

Titusemut 1:2

Nerriugilugo inôsek nâksaungitok, tamanna Gûdib saglotuitub angersimanerilauᴋtanga, silaᴋsoak pigiarᴋârtinago;

Titusemut 1:4

Titusemut ernimnut nelâgôrtomut okperneᴋaᴋatigêngnivuk pivlugo: Gûdib Atâtab Nâlegaptalo Jêsusib Kristûsib piulijipta saimarsautiminut, nâpkiningnerminullo, ullapirsautiminullo illagilitittôk?

Titusemut 3:4

Gûdible piulijipta ilannâᴋaringa nagligosungningalo Sakᴋijârmânik,

Ebrêerinut 9:28

Taimaktauᴋ Kristuse atausiardlune tunergutautitaumavoᴋ unuktoᴋsuit idluituliningit pêjarlugit. Aipânigle saᴋᴋeromârpoᴋ ajortolionane neriuktunut tâpsominga, piulijaujutiksauvlune.

I Pêtrusib 1:3

Nertortaule Gûde Nâlegaptalo Jêsusib Kristusib Atâtanga nâpkiningnersoarminut ernertâripsâlaungmatigut, ômanartomik nerriugijaksaᴋarᴋovluta, Jêsusib Kristusib makininganut toᴋungajunit;

I Pêtrusib 1:7

Okpernise idluartôvlune, angijomiglo pivianarnersauvlune goldemit nungujomârtomit, ikomamut ôktortauvaktomit, naipitauᴋovlugo nertornarlune nelâgôrlunelo, nâlengnarlunelo, Jêsusib Kristusib saᴋᴋerviksangane;

II Pêtrusib 1:1

Simon Pêtruse, Jêsusib Kristûsib kivganga Apôstelingalo. okpernermik pivianartomik uvaptitut pimaᴋatiptingnut idluarnerme, Gûdipta piulijiptalo Jêsusib Kristûsib pititsininganut.

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

I Johannesib 4:14

Takolauᴋpogut kigligiutsivogullo, Atâtab Erneᴋ tililaungmago piuliklitioᴋovlugo silaᴋsoarmiunik.

Jûdasib 1:21

Gûdiblo naglingninganêtsainaritse, nerriugilugolo Nâlegapta Jêsusib Kristûsib nâpkiningninga inôtsemut nâksaungitomut.

Takotitaunermik 1:7

Ahâk, ᴋaivok nuvujatigut, ijillo ilûnatik takojomârpât, tâpsomingalo kappisilauktuttauk, inûᴋatigêllo nunaksoarmiut ilûnamasiatik avâladlaromârput. Ilâ, Amen.