Titusemut 2:11 - Labrador Inuttitut Heritage Bible

¹¹ Gûdib saimarsautâ piulijaunartok sakᴋersimangmat inungnut tamainut;

Titusemut 2:11 Iomraidhean Croise

Imgerut 67:2

Apᴋosininga illitarijauᴋovlugo nuname, nallojullo akorngane piuliklerninga.

Imgerut 84:11

Gûde Nâlegak seᴋᴋiniôngmat, sappulutaungmallo; Nâlegak saimarveᴋarnermik, nertornarnermiglo tunnijivok; idluitailijut ajoksarᴋoniangilait ajungitomik.

Imgerut 96:10

Nallojut akkorngane oᴋaritse: Nâlegak attanniôvok; tamana pivlugo nuna pallangilak aularanelo. Tâpsoma inuᴋattigêksuit idluarsarpait namaktomik.

Jesaiase 45:22

Sâgialeritse uvamnut, piulijaujomârpose tagva, sillaᴋsoarmiôjose tamapse; uvanga Gûdeogama, assimniglo Gûdeᴋangimat.

Jesaiase 49:6

Oᴋarporlo: Nãmangilaᴋ, kivgarigapkit kinguvarêt Jâkokkut makkitillugit torᴋortaumajullo Israêlikkunit uttertingmivlugit, ᴋaumaksaijungortipagittauᴋ nallojunut, piuliklerutigivlutit sillaᴋsûb kiglinganut.

Jesaiase 52:10

Nâlekab talline ivlernartoᴋ saᴋᴋertipâ, nallojut illũnamatsiatik tautuktillugit; sillaᴋsûblo issungit illũnatik Gûdipta piuliklerninganik takovut.

Saggaria 12:10

Dâvidiblo kinguvânginut Jerusalemiunullo kovijomârpara anernek saimanartitsijok ᴋenutitsijorlo; takojomârpullo kapilauktamingnik; ᴋeagijomârpâllo sorlo ernetuak ᴋeagijaungmat, ogguarutigijomârpâllo sorlo ᴋitorngak angajuklek oggorijaungmat.

Saggaria 4:7

Kinauvêt, ᴋaᴋaksoangojotît? Serûbabelib sângane naternangoromârpotit: tâpsomalo ujarak pijariaᴋortojok tikiutilârpâ ᴋôrᴋsudlarnermut: Pilluangolerle, pilluangolerle.

Mattêuse 28:19

Tamanna pivlugo aileritse, inuᴋatigêksuillo tamaita ajoᴋertorsigik, baptilugillo Atâtab, Ernerublo, Anernerublo ajunginerub atinganut;

Markuse 16:15

Oᴋautivaillo: Silaᴋsoarmut ilûnânut ainiaritse, oᴋautsillo tussarnertut oᴋautigisigik inungnut tamainut.

Lukase 24:47

Oᴋâlaᴋojilunelo atermine ᴋaᴋialernermik issumagijaujungnainermiglo ajornernit inuᴋatigênut tamainut, Jerusalemiut pigiarᴋârlugit.

Lukase 3:6

Uvinilit (silaksoarmiut) ilûnatik Gûdib piuliklertiksauᴋojanga takojomârpât.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 1:9

Tamadja mikseᴋârtok ᴋaumajok, inungnik ilûnnainik ᴋaumarsaijok, nunamut tikitunik.

Apostelit Piniarningit 11:23

Tâmna tagvunga pigame, Gûdiblo saimanersoanga misigileramiuk, ᴋuviasulerpok kaiblarlugillo tamaita pivait, ômamut ilûnânut nipingatsainarᴋovlugit Nâlekamut.

Apostelit Piniarningit 13:43

katimavingmêtut katimajarêrmatta, Jûdit unuktut Jûdioᴋataujullo Gûdemik nâlektut Pauluselo Barnabaselo malikpakit; tâpkoale oᴋautivlugillo kaiblarpait, Gûdib saimarsautânut nipingatsainarᴋovlugit.

Apostelit Piniarningit 13:47

Nâlekab perᴋungmatigut imâk: Nalojunut ᴋaumartiksangortilaukpagit, piulijiksauᴋovlutit silaksûb isuanut.

Apostelit Piniarningit 17:30

Naliutune inuit nalojôtilugit Gûdib kamagingitsertulaukpait; mânale inuit ilûnaita nunalingne tamaine ᴋaᴋialerᴋovait;

Apostelit Piniarningit 20:24

Tamakkoale tamaita sivôragingilakka, inôseralo nangminek ivleringilara, ᴋuviasuklunga nunamênera nâniaromavlugo, kivgartorneralo Nâlekamut Jêsusemut perᴋojaumanera, oᴋautigivlugo Gûdib saimarsautâ oᴋautsinut tusarnertunut.

Rômiunut 10:18

Oᴋarpungale: Tamattominga tussalaungilât? Aukak; (oᴋâlajut) nippingat nunalingnut tamainut tussartauvoᴋ, oᴋausingillo silaᴋsûb issunginut pimavut.

Rômiunut 5:15

Idluitulinerle tunergullo saimanartoᴋ adsigêngilâk. Unuktut toᴋungmatta atautsib idluitulininganut, anginersamik unuktut Gûdib saimarsautâniglo tunergutâniglo pititaumaluarput, inûb atautsib Jêsusib Kristusib saimarsautânut.

Rômiunut 5:2

Tâpsomûnalo okpernermut apᴋotiksarsigapta saimanermut (nâpkigijaunermut) tamattomunga pigijaptingnut, nertôtivoguttauᴋ nerriungneᴋarnermik pinnarnartoᴋsoarmik, Gûdib tunijomârtanganik (okpertunut.)

II Korintemiunut 6:1

Uvagulle piniarᴋattaugapta kaiblarpapsetauᴋ Gûdib saimarsautânik sulinase pilerᴋonase.

Galâtsiamiunut 2:21

Gûdib saimarsautâ pijungnaitiniangilara; perᴋojanulle idluarsititauneᴋ pikpat, Kristuse sulinane toᴋonajalauᴋpoᴋ.

Efêsusemiunut 2:5

Ajorniptingne toᴋungalaurapta, ômartilauᴋpâtigut Kristuse illagilugo, (saimanermut piulijaumagapse),

Efêsusemiunut 2:8

Saimanermut piulijaumagapse okpernikut; ilipsingnik taimaingilase, Gûdible tunergutâ tamanna.

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Kolossamiunut 1:6

Tamakkoa ilipsingnut tikisimangmatta, sorlotauk silaksoarmiunut tamainut, kibligutivlutiglo, ilupsingnetauk uvlormit taimangat tussaumalaurapse tamakkoninga Gûdiblo saimarsautâ nalâgut illitarivlugo.

II Tessalônikamiunut 2:16

Nâlegaptale Jêsusib Kristusib (nangmineᴋ), Gûdiptalo Atâtapta, uvaptingnik nagligosuktub, saimarsainerminullo manigornartomik nâksaungitomik, nerriugijaksamiglo ajungitomik tunitjivigilauramitigut,

I Timôteusemut 1:14

Nâlegaptale saimarsautâ angiluartoᴋsôlauᴋpok (uvamne), okpernerlo naglingnerlo Kristûse Jêsusemêtûk.

I Timôteusemut 2:4

Tâpsoma inuit ilûnaita piulijauᴋojomavait, mikseᴋârnermiglo ilitarsititaulerᴋovlugit.

II Timôteusemut 1:10

Mânale nalonairtisimavok piulijipta Jêsusib Kristûsib sakᴋijârninganut; tâpsoma toᴋo nukkingerutingmago, inôtsemiglo asserojuinermiglo ᴋaumajomut pititsingmat oᴋautsinut tussarnertunut;

II Timôteusemut 4:17

Nâlekable nangeᴋatigivânga nakoksitilungalo, oᴋausek tamanna nâmaktomik oᴋautigijauᴋovlugo uvapkut, nalojullo ilûnatik tussaumavât. Piulijauvungalo Loevib sigguanit.

Ebrêerinut 12:15

Udjertoritselo Gûdib saimarsautânik kingurailertoᴋarᴋonago; amârmik ᴋassilinartomik perortoᴋarᴋonago, akkerartortigêngnermik saᴋᴋertitsilune, unuktullo tâpsomunga ivsornartitaulerkonagit.

Ebrêerinut 2:9

Tâmnale anikitomik Engelinit mingnersautitaujoᴋ, Jêsusiongmat takovavut, toᴋub ânernadlarningagut niaᴋôsersimajoᴋ nertornarnermik nâlengnarnermiglo, Gûdib nâpkiningninganut toᴋomik ôksiniarᴋovlugo tamaita pivlugit.