Titusemut 1:7 - Labrador Inuttitut Heritage Bible

⁷ Ajoᴋertuinerôjok passijaksausuertuksaungmat, Gûdib iglunganik pairsijotut; ingminênâᴋijomanane, ningarosuksâranelo, vainetuluadlarane, ileranaromanane, nachonartomik perᴋutiniarasuarane;

Titusemut 1:7 Iomraidhean Croise

Genesis 49:6

Kaggimiolerangamik, tarniga tagvanêrᴋolungitara; katimalerangamik, ivlernartoᴋutiga (tarne) illaurᴋolungitara; ningarlutik inuarmanik, ᴋuksalailutik tuktuvait illakungortimattikik.

Salomob Okâl 14:17

ᴋenusaraitok silainermik pinniarpok; nellangaitorle ominartoksôvok.

Salomob Okâl 15:18

Angut ningaumajartok akkerartorneᴋartitsivok, ᴋenuêrsartorle aivanermik ikublatitsivok.

Salomob Okâl 16:32

ᴋenuêrsârtok ajunginersauvok sôngojomit; kajungilarnerminiglo Nâlektitsijok, sâlaᴋartomit iglugasaksoarnik.

Okaluktok 7:9

Tuaviniarnak annernerne ningarosulerlutit; ningarnek Nokᴋangangmat sillaitut ômatingine.

Jesaiase 28:7

Ukkoaletauᴋ (Jûdakkut) vainetornermut tallatitauvut, imiksamullo tallanartomut kaibjaititauvut. Ajoᴋertuijullo nallautaijullo imiksamut tallanartomut tallatitauvut, vainetornermullo sãlagijauvut, imiksamullo tallanartomut kaibjaititauvut; takkotitjutinik tautuktitauvlutik tallaput, erᴋartuivingmêdlutik kaibjaivut.

Hesekiel 44:21

Ajoᴋertuijullo neliat vainetortuksaungilaᴋ iteromalerune avaluliorsimajomut ilullermut.

Leviticus 10:9

Igvillônêt ernitillônêt vainemik imiksamiglônêt tallanartomik imerniarase ilagêktut tupinganut itilerupse, toᴋoᴋonase; perᴋojak tamanna soᴋosijuituksauvok kinguvârêngnipsingnut ilûnainut:

Mattêuse 24:45

Nelialle nertornartôvlune silatovlunalo kivgauvâ, kivgaᴋotinginut angajoᴋautitaumajok atanerminut, nerᴋiksanginik tunijerᴋovlugo tâpkonunga, naliutijarangât?

Lukase 12:42

Nâlegarle oᴋarpok: Pimaklertok silatovlunelo nertornartok pijariaᴋortojok, Nâlekab pairsijungortitanga kivgaᴋotiminut, tunijerᴋovlugo piksanginik naliutijarangat.

Efêsusemiunut 5:18

Tallaniaraselo vainetornermut; tamanna idluangilutaungmat, Anernermigle ilumertauleritse;

Filippimiunut 1:1

Pauluse Timôteuselo, Jêsusib Kristusib kivgâgik, ivjornaitunut tamainut Kristuse Jêsuseme Filippimêtunut, ajoᴋertuinerôjunullo (illagêllo) kivganginut.

Titusemut 1:5

Tamanna pivlugo Kretamut ᴋemalauᴋpagit, igvit nâmaksititserᴋovlutit âᴋilaungitamnik sulle, angajoᴋaunerôjuniglo (illagêt) pitilugit iglugasaksoarne tamaine, sorlo perᴋolaurapkit:

Titusemut 2:3

Taimaktauk ningiut ivsornaitutitut inôniarᴋovlugit, terliaᴋataisuerlutik, vainetuluadlaratik, ajungitomik ajoᴋertuivlutik.

I Pêtrusib 4:10

Kivgartortigêgitselo saimarsaumut ilûnase atunit tunergusiapsingnut, pimaklertutitut ajungitutitut Gûdib saimarsautinginik sunatuinarnik.

I Pêtrusib 5:2

Kristusib inuᴋotingit perᴋojaumajut ilipsingnut pairiniarsigik udsertorlugillo; ᴋununermut pinase ᴋunutuidlusele; kangunartomik perᴋutiniaromanermut pinase, ômamulle ilungertortomut,

II Pêtrusib 2:10

Sugaluluartomik uvinik maliklugo inôjut, ivsornartunik ikliguktut, nâlekaniglo nachojut, inungmik silasiujuitut, ingmingnik piojoridlartut, sajugatiglo atanionerit mitautigilugit;