Titusemut 1:3 - Labrador Inuttitut Heritage Bible

³ Neliunerminele oᴋautsine ᴋaujijautilaukpâ oᴋâlanikut; tamattominga uvanga perᴋojaujunga Gûdib piulijipta perᴋojanganut:

Titusemut 1:3 Iomraidhean Croise

Jesaiase 12:2

Ahâk Gûde piulijigijara! Tattiksaᴋarpunga sivoranangalo, Gûde Nâlegaᴋ pitsartutigigapko imgerutigivlugolo; tâmna piulijigivara.

Jesaiase 45:15

Illa, igvit Gûdeovotit ijertortoᴋ, Israêlib Gûdigijanga, piuliklerteojotit.

Jesaiase 45:21

Oᴋâlatitse, tamaungarluselo ᴋaggimioleritse! Kia itsaᴋsoarnit tamanna tussartautipaûk ᴋaujijautillugolo sivornganenit? Uvanga Nâlegaujunga tamanna pinialungitarâ? Assimniglo Gûdeᴋangilaᴋ, idluartôjomik piuliklerteojomiglo Gûdeᴋangilaᴋ assimnik.

Daniel 11:27

Atanîglo tâpkoa tamarmik ômatitik ajortomik issumalugomârpuk, nirrivingmilo atautsimi iksivavlutik sagloninik oᴋaromârpuk; sulijomângilagli; naggatiksaᴋ naliutilârmat naliutomi kajusijutaujomi.

Daniel 8:23

Ataniovingitalo naggatiksangita tungâni, idluitulivaliatuinarpatta, ataniᴋ, iᴋsinartomik kênalik, nalonartuniglo tukkisijoᴋ, nikovitsomârpoᴋ.

Daniel 9:24

Vôgit 70 kititaumavut inôᴋatingnut iglugasaksoarnullo ivsornaitoᴋotingnut, tapatoniᴋ sorairᴋovlugo, nâmangitulinilo noᴋarᴋovlugo, idluitulinilo pêjartauᴋovlugo, idluarnilo nâksaungitoᴋ itititauᴋovlugo, takotitjutillo nalautainilo nâmaksititauᴋovlugit, ivsornainipâglo mingoartauᴋovlugo.

Habakûb 2:3

Takotitjutib neliuniksane tikitsiaringmago, naggatiksamullo aisâdlarpoᴋ sagloniangilarlo; muludlaraloarpat utaᴋituinaruk; neliutidlalârmat, nelautsinginiangilarlo.

Markuse 1:15

Oᴋarlunelo: Neliutoᴋ neliusimavoᴋ, Gûdiblo nâlegauvia ᴋanitomut tikisimavoᴋ; ᴋaᴋialeritse oᴋautsillo tussarnertut okperisigik.

Markuse 13:10

Sivorngagullo oᴋautsit tussarnertut oᴋautaujuksauvut inuᴋatigênut tamainut.

Markuse 16:15

Oᴋautivaillo: Silaᴋsoarmut ilûnânut ainiaritse, oᴋautsillo tussarnertut oᴋautigisigik inungnut tamainut.

Lukase 1:47

Anernermalo Gûde Piulijiga ᴋuviasugvigivâ.

Apostelit Piniarningit 10:36

Oᴋautsit taipkoa Gûdib tilikliutigilauktangit Israêlib ᴋitornganginut ᴋaujimavase, oᴋautjauᴋongmagit ulapirsaumik Jêsuse Kristusekut, ilûnatik Nâlegangatigut.

Apostelit Piniarningit 17:26

Inugasaksuillo kinguvângoᴋatigêt tamaita pingortilaukpait aungmit atautsemit, nunaksoak ilûnât inuᴋalertilugo, sivorngagullo isumasimatigivait naliuningita sivitujariangit, ᴋanorlo ᴋaningitigijomut nunaᴋariangit;

Rômiunut 15:19

Nalunaikutanut pitsartudlartunut tatamnartunullo, Gûdib Anerningata pitsartuninganut. Taimak, Jerusalemit aularlunga, erᴋânelo ilûnâne Illîriamut tikidlunga, Kristusib oᴋausingit tussarnertut oᴋâlatigilauᴋpakka tamainut;

Rômiunut 16:25

Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;

Rômiunut 16:26

Mânale nalonairsimavoᴋ, nalautaijullo aglanginut issoᴋangitoᴋsûb Gûdib perᴋojanga maliklugo oᴋautigijaujoᴋ, nalojunut tamainut, okpilerniarᴋovlugit nâlaklutik,)

Rômiunut 5:6

Ajulidlalaurapta taipsomane, Kristusib naliutitsiartome toᴋotigivâtigut ajortoliksôtiluta.

I Korintemiunut 9:17

ᴋununanga oᴋâlaguma, akkilertaujomârpunga; ᴋunugalloarumale, piniarnermik tamattominga perᴋojauvunga.

Galâtsiamiunut 4:4

Neliuningale neliusimangmat, Gûdib ernine tilivâ, arnamit erniangojoᴋ, perᴋojanik nâleklune;

Efêsusemiunut 1:10

Naliutikpatta uvlut oᴋautigijauᴋovlugo, tamaita ᴋilangmêtullo nunamêtullo atautsemut niaᴋomut katititsomavlugit Kristuseme, tâpsomuna nangmineᴋ;

Efêsusemiunut 2:17

Tikisimagivoᴋ, oᴋautsinut tussarnertunut ullapirsaumik oᴋâlavlune ilipsingnut, ungasiktomêlauᴋtose, ᴋanitomêlauᴋtunullo.

Filippimiunut 1:13

Imâk: ataniviksûb iglunganêtunut tamainut ᴋaujijaulerpoᴋ, ᴋelarutikka Kristuse pivlugo pingmatta;

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Kolossamiunut 1:6

Tamakkoa ilipsingnut tikisimangmatta, sorlotauk silaksoarmiunut tamainut, kibligutivlutiglo, ilupsingnetauk uvlormit taimangat tussaumalaurapse tamakkoninga Gûdiblo saimarsautâ nalâgut illitarivlugo.

I Tessalônikamiunut 2:4

Sôrlole Gûdemut nautsertortauᴋârluta sungertûtigijauvlutalo oᴋautsinik tussarnertunik oᴋâlaᴋojaugapta, taimâk oᴋâlavogut; inungnut idluarijaujomanata, Gûdemulle ômatiptingnik kiglisiniartomut.

I Timôteusemut 1:1

Pauluse Jêsusib Kristûsib Apostelinga, Gûdib piulijipta, Nâlekablo Jêsusib nerriugijaksaᴋartitipta perᴋojanganut,

I Timôteusemut 1:11

Gûdib piloriktub oᴋausingit tussarnertut ânanaudlartut maliklugit; tâpkoa oᴋautigijaksarilugit perᴋojauvunga.

I Timôteusemut 2:3

Tamanna idluarmat, ᴋuvianarlarmelo Gûdemut piulijiptingnut;

I Timôteusemut 4:10

Tamattomunga torârtitsivluta sananasuaraptatauk, mitautigijaulaptalo, Gûde ômajok tatigigaptigo, inuit ilûnatik piulijingat anginersamigle okpertut.

II Timôteusemut 4:17

Nâlekable nangeᴋatigivânga nakoksitilungalo, oᴋausek tamanna nâmaktomik oᴋautigijauᴋovlugo uvapkut, nalojullo ilûnatik tussaumavât. Piulijauvungalo Loevib sigguanit.

Titusemut 2:10

Augigutsinatik, ilûnânele nertornarlutik ajungilarmiglo sakᴋerlutik; Gûdib piulijipta ajoᴋertûtânik nertornarsititserᴋovlugit ilûnâne.

Titusemut 2:13

Nerriugijaksak piloringnartok, Gûdiviksûblo piulijipta Jêsusib Kristûsib sakᴋerniksanga ânanaudlartok utaᴋilugo;

Takotitaunermik 14:16

Nuvujablo ᴋângane iksivajub nuna annaulerpâ kibluitiminut, nunalo katersoiviolerpok.