Titusemut 1:2 - Labrador Inuttitut Heritage Bible

² Nerriugilugo inôsek nâksaungitok, tamanna Gûdib saglotuitub angersimanerilauᴋtanga, silaᴋsoak pigiarᴋârtinago;

Titusemut 1:2 Iomraidhean Croise

Jesaiase 1:20

Kunulerupsele tappatolerluselo, saviksoarmut nungutaujomârpose, Nâlekab ᴋanninga taimak oᴋarmat.

Numbers 23:19

Gûde inôlungilaᴋ saglosômik, erniolungilarlo inungmut ᴋaᴋialersômik: oᴋarsimangilâᴋ, piniarnialungilaûglô? Oᴋauseᴋalauᴋâlônêt nelautsitinialungitaminîk?

Mattêuse 25:34

Tagva Nâlekab talerpingme tungânêtut oᴋautijomârpait: ᴋaititse, Atâtama nagliktangit, nâlegauvik kingormgutilersiuk, ilipsingnut pijarêrsimajok silaksûb pigiarninganit.

Mattêuse 25:46

Tâva taipkua ânianartoksoarmut nungusuitomut pijomârput; idluartulle inônermut nâksaungitomut.

Markuse 10:17

Anilaungmallo apᴋosinermut, inuit illangata ingiarsijub sêrᴋortorvigilugo aperivâ: Ajungitotit ajoᴋertuijoᴋ, sumik piniartuksauvîk, inôtsemik nâksaungitomik kingormgujerᴋovlungâ?

Markuse 10:30

Mattomanêdlune 100 ertortunik piniarivoᴋ iglunik, ᴋatangutiniglo, anânaniglo, ᴋitornganiglo, perorsêvingniglo, mâne ômigijaunermine, silaᴋsoarmelo pijomârtome inôgumik nungusuitomik.

Johannese 10:28

Inôtsemiglo nungusuitomik tunitsivigivakka, aserorniatsangilallo, arᴋtaijoᴋarniangilarlônêt tâpkoninga aggamnit.

Johannese 17:2

Sôrlo pitsartunermik tunitjivigigangne uviningnut tamainut, inôtsemik nungusuitomik tunijerᴋovlugo ilûnnainut, tunijarnut tâpsomunga.

Johannese 17:24

Atâtak pijomavunga, najugamne tâpkoatauk uvamnêᴋovlugit, tunilauktatit uvamnut, ânanaunimnik tunilauktarnik uvamnut takoᴋovlugit; nagligilauramga silaksoak tunganilijauᴋârtinago.

Johannese 5:39

Aglangne ᴋeneritse; inôtsemik nungusuitomik pitaᴋarasugigapse tâpkonane; tâpkoangovullo kigligiutsijut uvamnik.

Johannese 6:54

Uvinimnik nerrijok, aumniglo imertok, nungusuitomik inôguteᴋarpok, uvangalo ômartitsomârpara uvlut naggatiksangane.

Johannese 6:68

Tagva Sîmonib Pêtrusib kiovâ: Nâlegak, namût aijuksauvitâ? Igvit oᴋauseᴋarpotit nungusuitomik inôgutilingnik.

Apostelit Piniarningit 15:18

Gûdib piniarnine tamaita ᴋaujimavait silaksûb pigiarninganit.

Rômiunut 1:2

Tamakkoa (Gûdib) nalautaijoᴋotimigut sivorngagut angerutigilaungmagit aglangne hailigine,

Rômiunut 16:25

Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;

Rômiunut 2:7

Imâgle: ᴋenuersârlutik ajungitulinermut pinasuartut nertornartomiglo nâlangnartomiglo soᴋosijuitomiglo taipkoa inôgumik nungusuitomik tunisivigijomârpait;

Rômiunut 5:2

Tâpsomûnalo okpernermut apᴋotiksarsigapta saimanermut (nâpkigijaunermut) tamattomunga pigijaptingnut, nertôtivoguttauᴋ nerriungneᴋarnermik pinnarnartoᴋsoarmik, Gûdib tunijomârtanganik (okpertunut.)

Rômiunut 5:21

Sorlo ajorneᴋ ataniotilaungmat toᴋokut, taimaktauᴋ saimaneᴋ atanioterᴋovlugo idluarsititsinikut inôtsemut nâksaungitomut (pititsivlune), Jêsuse Kristusikut Nâlegaptigut.

Rômiunut 5:4

Kenuersârnerle ôksimanermik ᴋaitsivoᴋ, ôksimanerle nerriungnermik ᴋaitsivoᴋ;

Rômiunut 6:23

Ajornerub akkiliutâ, tagva toᴋo; Gûdible tunergutâ saimanartoᴋ, tagva inôseᴋ nâksaungitoᴋ Kristuseme Jêsuseme Nalegaptingne.

Kolossamiunut 1:27

Gûdib nelonaijaivigijomangmagit nelonartub tamattoma inornadlarninganik nelojune, tâgva Kristûsemik ilupsingnêtomik, ânanâvaksônermik nerriugutiksaujomik.

I Tessalônikamiunut 2:15

Taipkoa Nâlegaᴋtauᴋ Jêsuse toᴋolauᴋpât, nelautaijitiglo, unangmilauᴋpâtigullo, Gûdemullo idluarijaungilat, inungnullo tamainut akkerartorput;

I Tessalônikamiunut 5:8

Uvagulle, uvlub ᴋitorngaringmatigut, silatuniarta; atimavlugik okpernerlo naglingnerlo, sagvingmiutarivlugik, niaᴋôteᴋarlutalo nerriungnermik piulijauniarnermik.

I Timôteusemut 6:12

Sorsungniarit ajungitomik okpernerub sorsungninganik, inôsek nâksaungitok tiguniaruk, tamattomunga ᴋaiᴋojaumagavit, nalonaigaumiglo ajungitomik nalonailêmavlutit unuktut tussâtilugit kigligiudsijungnartut.

I Timôteusemut 6:19

Taimailiordlutik ingmingnut tungaviksautsiartunik perᴋutiksarsiniarᴋovlugit naliutuksamut, inôtsemik nâksaungitomik tigusijungnarᴋovlugit.

II Timôteusemut 1:1

Pauluse Jêsusib Kristûsib Apostelinga, Gûdib pijomajanganut, angersimanek inôgutilik Kristûse Jêsusemêtok maliklugo,

II Timôteusemut 1:9

Tâpsoma piulilaungmatigut, ᴋaiᴋolutalo ᴋaiᴋojinermut ivsornaitomut, piniarnivut pitjutiginagit, issumasimanerminulle saimanerminullo tunitsivioniptingnut Kristûseme Jêsuseme silaksoak pigiarᴋârtinago;

II Timôteusemut 2:10

Tamanna pivlugo kappianartut tamaita ᴋenuersârutigivakka anerimajut pivlugit; tâpkoatauk piulijaunermik Kristûseme Jêsusemêtomik perᴋovlugit, ânanaunek nâksaungitok illagilugo.

II Timôteusemut 2:13

Uvagut okpingikalloaruptalônêt, tâmna nelâgôtsainarpok; ingminik missiarutigijungnangilak.

II Timôteusemut 2:15

Pinasuatsialerille Gûdemut takotilutit idluartomik sanajotut passijaksaungitotut, mikseᴋârnerub oᴋausinginik ingmigôlingatitsijotut idluartomik.

Titusemut 2:13

Nerriugijaksak piloringnartok, Gûdiviksûblo piulijipta Jêsusib Kristûsib sakᴋerniksanga ânanaudlartok utaᴋilugo;

Titusemut 2:7

Ilûnânele nangminek igvit takotilerit ajungitulinermik igjaraksauvlutit, illaᴋangitomik ajoᴋertûseᴋardlutit opinarlutillo,

Titusemut 3:7

Uvagut tâpsoma saimarsautânut idluartitaumalertogut, nerriungnermut kingormgujijuksauᴋovluta inôtsemik nâksaungitomik.

I Johannesib 2:25

Tamadja angininga, uvaptingnut inôtsimik nâksaungitomik (tunitsivigijomavluta) angimat.

I Johannesib 5:20

Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.

Jûdasib 1:21

Gûdiblo naglingninganêtsainaritse, nerriugilugolo Nâlegapta Jêsusib Kristûsib nâpkiningninga inôtsemut nâksaungitomut.

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 17:8

Nergjut takojat ilauktok itsungnairpok, ama anijomârpok netteᴋangitoksoarmit, aijomârlunelo asserortauvingmut; nunablo inungit, ateᴋartut aglaksimangitunik aglangne ômanartune silaᴋsûb pigiarninganit, tataminiaromârput, nergjut ilauktok itsungnairtorlo takogunitsuk sulle ingmat.

I Samuel 15:29

Sâlaᴋarte Israeleme saglolunginivok, ᴋaᴋᴋialingilarlo; innuôlunginame suna ᴋaᴋᴋialerutigilugo pijuksaungmat.