Takotitaunermik 9:20 - Labrador Inuttitut Heritage Bible

²⁰ Amiakoᴋarporle sulle inungnik, kappianartunut tamakkonunga toᴋotaungitunik, ᴋaᴋialingituniglônêt aggangmik piniarningit pivlugit, Sâtanaselo gûdingoallo goldit, silberillo, ᴋaᴋorlillo, ujarᴋallo, ᴋejuillo sanamajut, tautugungnangitullônêt tussarungnangitullônêt arvertarungnangitullônêt tuksiarvigigamigit.

Takotitaunermik 9:20 Iomraidhean Croise

II Atannit 22:17

Tamanna pivlugo, kemmalaungmanga, Gûdiblo assingit isserluanititsivigilaungmattigik, ningaksaromavlunga aggarmik pinniarninginut tamainut; tamanna pivlugo ilunngertornera iglugasaksuit tamakkoa pivlugit, ikkoalavok, kamitauniangilarlo.

II Kronika 28:22

Tettijaunimelo nalliuningane, Ahase attannek idluitulliganerpok sulle Nalekamut;

II Kronika 34:25

Tamanna pivlugo, ᴋemmalaungmanga, Gudiblo assingit isserluanititsivigilaungmattigik, ningaksarlunga aggangita pinniarninginut sunatuinarnut. Ningarneralo navijaujuksauvok iglugasaksoarnut makkonunga, ᴋamitauniangilarlo.

Imgerut 106:37

Ernitiglo pannitiglo tunnergutautipait Sâtanasinnut.

Jesaiase 2:8

Gûdingoarnik nunangat tatapoᴋ; tallermik piniartangit, aggamik sannajangit tugsiarvigivait.

Jesaiase 41:7

Inungoamik sanasôᴋ manigoivoᴋ goldelerijomik, maniksaijoᴋ ujaratsiakut manigoivoᴋ katjuktomik katjugvingme, oᴋarlunelo kusseᴋsiamut nippititaumajoᴋ pivlugo: tamanna nãmakpoᴋ — kikkianullo atsungerpât, aulataujungnarᴋonago.

Jeremia 1:16

Erᴋartuinikkalo tâpkoninga idluituliningit pivlugit oᴋautigijomavakka, ᴋemangmanga tipitsiariksaumiglo ikoâlatitsilaungmatta assimnut, aggangmingnullo sanajamingnik tuksiarviᴋalaungmatta.

Jeremia 25:6

Malingniaraselo Gudib assinginik kivgartoromavlugit opigijomavlugillo, ningarsârniarasingalo aggapse sulianginut; pikaluktitsomangilapselo.

Jeremia 44:8

Taimaidluse ningarsârpapsinga aggapse sanajanginut, tipigiksautinik isserluanititsigapse gudingoanut assimnut nuname Egipteneme nunagijartortapsingne; nakartauᴋovluse, oᴋarnerlutauᴋovluselo mitautauᴋovluselo inôᴋatigêksuit nunamêtut tamaita akorngane.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremia 51:17

Inuit ilûnatik silaitôvut ilisimaneᴋaratik, goldelerijut ilûnatik kangusuktitauvut gudingoaliarimajamingnut; gudingoaliarimajanga auktisimajoᴋ sagloniovoᴋ, anerneᴋangimat.

Daniel 5:23

Angijorortipotilli ᴋilaub Nâliganganut; tâpsomalo iglungata ᴋajûtangit sângnut âtauvut, igvillo nâligarijatillo nuliatillo panervgatillo vainitorposi tâpkonangat, nitordlipotillo gudingoarnik silbirimit, goldimillo, ᴋaᴋorlimit, kikiangmillo, ᴋijungmit, ujarᴋanillo sinamajunik, tautulungitunik, tusângituniglo, ᴋaujimangituniglo; Gudelo, aggangmini anininik apᴋotigijarniglo piᴋartoᴋ, nitulungilat;

Daniel 5:4

Vainitorput, nitorpaillo gudingoat goldimit silbirimillo, ᴋaᴋorlimit, kikiangmillo, ᴋijungmit, ujarᴋanillo sanamajut.

Leviticus 17:7

Tunergutiksatik tunijaksaringilait mânamit Satanasingoarnut ajortuligosugvigijamingnut. Perᴋojak tamanna soᴋosijuituksauvok tâpkonunga kinguvânginullo.

Migga 5:13

Inungoaliarimajatillo napajullo kipijomârpakka akunapsingnit; aggakpîllo sanajangit tuksiarvigijungnairaksarivatit.

Mattêuse 21:32

Johannesib tikilaukpâse ajoᴋertorluselo apᴋotiksamik idluartomik, ilipselo okperingilase; pimaklertille anguniarpaktullo okperivât. Tamanna takolauralloarapsiuk, ᴋaᴋialingilase, kingorngagut tâmna okeringmilugo.

Apostelit Piniarningit 17:29

Tagva ilaᴋarapta Gûdemik, isumajuksaungilagut Gûdioniub adsingingmago inungoak goldeojok, silbereojorlônêt, ujaraujorlônêt, inub isumaminut sanajanga.

Apostelit Piniarningit 19:26

Takovluselo tusarluselo, Efêsusemetuinaungitok, Asiamele illûnânekasak Paulusib ôma inuit unuktut kajungersainiminut allaitingmagit, oᴋarlunelo: Gûdeungilagôk aggangnut sanamajut.

Apostelit Piniarningit 7:41

Uvlunelo taipkonane nochangoaliorput tunergutiksaniglo ᴋaitsivut Gûdeungitomut, aggangmiglo sanajangit ᴋuviasûtigivait.

II Korintemiunut 12:21

(Sivôravungalo) piuluatangititauniarama pivluse, tikingmiguma, kiksartuksauniarlungalo unuktut idluitulilauᴋtut pivlugit, ᴋaᴋialilaungitullo maᴋojungnartulinerilauᴋtatik, assiniarnerilauᴋtatiglo illoᴋeudlarnerilautatiglo pivlugit.

Deuteronomy 31:29

ᴋaujimagama toᴋuma kingorngane asserormarilârapse ilipsingnik, sangulârapselo apᴋomit perᴋojijutigimajamnit ilipsingnut; idluitûblo nelaulârpâse uvlune kingorliojune; pinialârapse Nâlekab idluigijanganik, tâmna ningarsarlugo aggapse sulianginut.

Deuteronomy 32:17

Tunerguserput tornganut, Gûdeungitunut; Gûdinut ilitarnangitunut, Gûdinut nutânut, mânaᴋamernitanut, atâtagijapse sivôragilaungitanginut.

Deuteronomy 4:28

Tagvanelo kivgartulârpose Gûdingoarnik, inuit aggangita sanajanginik, ᴋejungnik ujarᴋaniglo, tautulungitunik tusangituniglônêt, nerrilungitunik naijungnangituniglônêt.

I Timôteusemut 4:1

Anernerle tukkisinartomik oᴋarpok, neliutut kingorlingine ilangit okpernermit katangniaromârmatta, ungajomârmattalo anernernut uivêriklertunut, Sâtanasiblo ajoᴋertûsinginut.

Takotitaunermik 15:1

Nelunaikutablo assianik takovunga ᴋilangme angijoksôjomik tatamnadlartomiglo: Engelit 7 it kappianartunik kingorlerpânik 7 nik peᴋartut; tamakkonunga Gûdib ningausinga nâmaksititaumangmat.

Takotitaunermik 16:8

Engelillo sitamangata iluleᴋutime imanga kovivâ seᴋinermut, tâmnalo pititaulerpok inuit ôlugit ikomamut.

Takotitaunermik 9:19

Pitsartuningit ᴋaninginêngmatta, pamiungitalo ᴋuglugiat adsigivait, niaᴋoᴋarlutiglo akᴋunaijutiksanik.

Takotitaunermik 9:21

Kaᴋialingilallotauk inuarnermingnit, Angaᴋonermingnillo, assiniarnermingnillo, tiglingnermingnillo.