Takotitaunermik 9:14 - Labrador Inuttitut Heritage Bible

¹⁴ Tamattoma Engelit 6 ingat tiptulautilik oᴋarvigivâ: ᴋelarutjâkit Engelit ipkoa sitamat ᴋelaksorsimajut kôksûb Eufratib saniane.

Takotitaunermik 9:14 Iomraidhean Croise

Genesis 15:18

Uvlorme tamattomane Nâlekab Abra angervigivâ, oᴋarlune: Nuna tamanna tunijomârpara kinguvâksarnut Egiptenib kôksoanganit kôksoarmut Faratemut,

Genesis 2:14

Kôt pingajuata attinga Hidêkele; tâmna Assiriab kiglingagut kôkpoᴋ. Kôllo sittamangat tagva Farat.

II Samuel 8:3

Davidib Hadad-Eser, Rehobib erninga Zobamiut attanningat sâlagigiva, ingergarame, pitsartunine aingmilugo, kôngmut Fratemut.

Jeremia 51:63

Aglaillo makkoa nâvlugit atuarêrungne, tagva ujarᴋamik ᴋelaksorvigikit egilugillo kôb Farâtib ᴋerᴋânut;

Deuteronomy 1:7

Sanguleritse, ingergarluselo aileritse Amorikut ᴋakᴋaanginut senilinginullo tamainut naᴋsarsoarme, ᴋakᴋaanelo, naternamelo, seᴋernganelo, imarbiublo kiglingane, nuname Kanaaneme, Libanonemelo, kôksoak Farat tikidlugo.

Josua 1:4

Sunaᴋajuitomit, Libanonemillo mattomangat, koksoarmut Fratemik attelingmut tikkilugo; Hethiterit nunangat illunât, imarbiksoarmut kangianetomut kiglilervise illingajuksauvut.

Takotitaunermik 16:12

Engelillo 6 ingata iluleᴋutime imanga kovivâ kôksoarmut Eufratemut; imersoanga tagva ipterilerpok, apᴋotiksaulerᴋovlugo atanernut seᴋiniub nuilervianit pijunut.

Takotitaunermik 7:1

Makkoa kingorngatigut Engelit sitamat takogivakka, nangertut nunaᴋsûb terreᴋungine sitamane, tigumiartut nunab anoringinik sitamanik, anore anordlerᴋonago nunamut, imânullônêt, napârtullo nalianut.

Takotitaunermik 7:2

Engelillo tâpkoa assingat takogivara, nuilertok seᴋiniub nuilervinganit, Gûdib toᴋosuitub naᴋitjutânik peᴋartok; nippersoarmullo nipliadlarpok Engelinut sitamanut nuna imârbiglo aᴋᴋunarniarlugik perᴋojaumajunut.

Takotitaunermik 8:2

Engeliniglo 7 nik takovunga, tâpkoa Gûdib sânganut pivut, tiptulautiniglo 7 nik tunitsiviolerput.

Takotitaunermik 8:6

Engelillo 7 it tiptulautinik 7 nik pilit opalungairsimavut tiptulausijarniardlutik,

Takotitaunermik 9:15

Engelillo taipkoa sitamat ᴋelarutjârtauvut, opalungairsimajut, stunde, uvlok, takᴋek, jâre neliutituarpatta, inuit pingasuililugit pingajuingit toᴋodlugit.