Takotitaunermik 8:7 - Labrador Inuttitut Heritage Bible

⁷ Engelillo sivorlingat tiptulausijarpok. Nettaᴋonalerpok tagva, ikomamiglo aungmiglo akusimajungnik nunamut kataktoᴋarpok. Kataktoᴋarpok. Napârtullo pingasuilivlugit pingajuingit ikitauvut nungudlugit, (nunablo) nutaijoktungit ilûnatik nungutauvut.

Takotitaunermik 8:7 Iomraidhean Croise

Imgerut 105:32

Nattarᴋonarnik tunnitsivigivait sillalub inningane, ikkomablo ikkoalaninganik nunangane;

Exodus 9:33

Tagva Mosese Faraomit anivok iglugasaksoarnillo, agganelo isangmagit Nâlekamut kallerungnairpok nattarᴋonarungnairlunelo, silaluglo katagungnairpok nunamut.

Jesaiase 28:2

Ahâk, pitsartujoᴋ sôngojorlo Nâlekab pijigivâ; aᴋᴋunaᴋsoatut nattarᴋonnaliksoatut, aᴋᴋunaᴋsoatut asserorsaijotut, sillaluksoatut imersoarnik kattaktitsijotut illiorlune nunamut ochotitsomârpait.

Jesaiase 29:6

Kilangmiugasaksuit Nâlegangata (Jerusaleme) tikkitsomârpâ kallidlartillugo, nuna sajukpiluktillugo, serᴋorpaluktillugo, anorersoaᴋartillugo aᴋᴋunaᴋsoamiglo ikkomaᴋsoamiglo nungutsijomik.

Jesaiase 30:30

Nâlekablo nippine nâlengnartoᴋ tussaksautitsomârpâ, takkuksautillugolo talline issamijoᴋ ᴋanningaumajârnikut ikkomablo nungutitsijub ikkoaladlarningagut kallukullo sillaluksoakullo nattarᴋonnatigullo.

Jesaiase 32:19

Nettarᴋonnaromârporlo napârtut nakkallugit, iglugasaksuillo naᴋiglijaujomârput.

Hesekiel 38:22

Erᴋartoromârparalo nûsilingnartomullo aungmullo: tâpsomungalo siaktitanginullo inugiartoᴋsoanullo ilagijanginut silaluᴋojijomârpunga silaluksoarmik supojijomik, nattarᴋonâniglo angijunik, ikomamiglo orᴋsorutemiglo.

Joel 2:30

Tatamnadlartuniglo saᴋᴋijârtitsijomârpunga ᴋilangmelo nunamelo, aungmik, ikomamiglo, isserlungniglo napajunik.

Jâkobusib 1:11

Sekᴋinek kiaksôvlune nuilermat, iviksukat ᴋunulerput, nuvugolângillo katakput, tautuallo ânanaudlartok asserudlarpok: taimaktauk akluitok apᴋotimine paneromârivok.

Josua 10:11

Israelitillo ᴋemângmagit attersarlutik apᴋome Bet-Horonemut, Nalekab kattagvioᴋovait ᴋillangmit nattarᴋonâlungnik Aseka tikkilugo, toᴋᴋolerᴋovlugit. Unuktunniglo toᴋᴋotaujoᴋarnersaulaukpok nattarᴋonâlungnut Israelib ᴋittorngangita toᴋᴋolauktanginit saviksoarmut.

I Pêtrusib 1:24

Uvinilit ilûnatik iviksukatitun-ingmatta, inûblo pinnarnarninga ilûnane iviksukat nuvugolângititun-ingmat. Iviksukat panilerput nuvugolângillo ᴋunorlerput;

Takotitaunermik 12:4

Pamiominullo uvloritjat pingasuililugit pingajuingit nusukpait, nunamullo egidlugit. Kuglugiaksoarâluglo tâmna arnab ernisuktub sânganut pivok, ernijarêtuarpat, ᴋitornganga nerrijomavlugo.

Takotitaunermik 16:2

Sivorliublo kovijartorpâ iluleᴋutime imanga nunamut. Kappianartoksoarmik asserornartomik tagva ajuadlarput inuit nergjutsûb nelunaikutanganik peᴋartut, adsingoanganiglo tuksiarveᴋartut.

Takotitaunermik 16:21

Nettaᴋonaksuille oᴋumailutâlûktut maggûktut oᴋumaitigijut ᴋilangmit katakput inuit akᴋunardlugit; inuillo Gûde mitautigivât kappianartoksoak nettaᴋonartoksoak pivlugo, kappianarninga angijovaksôngmat.

Takotitaunermik 6:8

Takogivunga, ahâglo, horsemik ᴋataktângajomik; tâpsomalo ᴋânganêtok toᴋomik ateᴋartok, tâᴋtoksûblo (toᴋungajut iningata) malikpâ. Tâpkoalo ajugautitauvut nunamêtut sitamaulivlugit sitamaingit toᴋoniardlugit, saviksoarmullo, kângnermullo, toᴋonartomullo, pisuktinullo nunamêtunut.

Takotitaunermik 7:1

Makkoa kingorngatigut Engelit sitamat takogivakka, nangertut nunaᴋsûb terreᴋungine sitamane, tigumiartut nunab anoringinik sitamanik, anore anordlerᴋonago nunamut, imânullônêt, napârtullo nalianut.

Takotitaunermik 9:15

Engelillo taipkoa sitamat ᴋelarutjârtauvut, opalungairsimajut, stunde, uvlok, takᴋek, jâre neliutituarpatta, inuit pingasuililugit pingajuingit toᴋodlugit.

Takotitaunermik 9:18

Pingasunut tâpkonunga inuit pingasuililugit pingajuingit toᴋotauvut, ikomamullo iserlungmullo, orᴋsorutemullo ᴋaninginit anijunut.

Takotitaunermik 9:4

Oᴋautjauvullo, iviksukat nunamêtut, nutaijoktullônêt, napârtullônêt asserorlugit perᴋonagit, inuille kissêta, Gûdib naᴋitjutânik ᴋaungmiuteᴋangitut.