Takotitaunermik 8:5 - Labrador Inuttitut Heritage Bible

⁵ Engeliblo iluleᴋut iserluanititsivik tiguvâ, ilulerlugolo ikomamik Altâremit, nâvidlugolo nunamut. Nippersoakarpok tagva, kallungmiglo ᴋaumalangmiglo, nunablo sajukpilâdlarninganik.

Takotitaunermik 8:5 Iomraidhean Croise

I Atannit 19:11

Tamnalo oᴋarpok: Annilerit, nangeriartorlutillo ᴋakᴋame Nâlekab sângane. Ahâglo Nâlegak ᴋângerpok, annorelo angijoksoak sôngojorlo, ᴋakᴋanik kopluijok, ᴋairtuniglo serᴋomitsijok sivurlerpok Nâlekamik; Nâlegarle annoremêlaungilak. Annorible kingorngane nunab sajukpiludlarninga; Nâlegarle nunab sajukpiludlarninganêlaungilak.

Imgerut 18:13

Nâlegarlo kallilaukpok ᴋillangme, ᴋotsingnerpângojublo nippine annitipa nattarkonâluktigut aumatigullo ikkomaliktigut.

Exodus 19:16

Sunaubvalo, uvlut pingajuane uvlâkut kalluit ᴋaumalaillo, nuvujarlo isortak ᴋakᴋamêpok, tiptulautiblo nipinga niperᴋortudlartok; inuillo ilûnnatik tangmârvingmêtut sajudlarput.

Jesaiase 29:6

Kilangmiugasaksuit Nâlegangata (Jerusaleme) tikkitsomârpâ kallidlartillugo, nuna sajukpiluktillugo, serᴋorpaluktillugo, anorersoaᴋartillugo aᴋᴋunaᴋsoamiglo ikkomaᴋsoamiglo nungutsijomik.

Jesaiase 30:30

Nâlekablo nippine nâlengnartoᴋ tussaksautitsomârpâ, takkuksautillugolo talline issamijoᴋ ᴋanningaumajârnikut ikkomablo nungutitsijub ikkoaladlarningagut kallukullo sillaluksoakullo nattarᴋonnatigullo.

Jesaiase 66:6

Nipliajoᴋarpoᴋ pervalâjomik iglugasaksoarnit, nipliajoᴋarpoᴋ kattimaviksoarmit, Nâlegaᴋ nipliavoᴋ, ômigijiminik akkiniartoᴋ.

Jeremia 51:11

Kargjutit kênaksarsigik; sapulutat tigumiatsiarsigik; Nâlakab Mediamiut ataningita anerninga tupaktisimavâ; Babilone issumaginamiuk asseroromavlugo; tâmnaungmat Nâlakab akkiniarutinga, katimaviksoarne akkiniarutigingmago.

Leviticus 16:12

Tigusijuksauvorlo pujôrtitsivingmik aumanik tatatomik tunerguservingmit Nâlekab sângane, agganalo tatalugit isserluanerutiksanik mamaktunik serᴋalisimajunik, âlugillo upkôb iluanut;

Saggaria 14:5

ᴋemâjomârposelo ᴋaᴋaksoama naksangagut; ᴋaᴋaᴋsûb naksanga Azelemut kigleᴋaromârmat; ilâ, ᴋemâjomârpose sorlo ᴋemâlaurapse nunab sajukpiludlarninganit Usiab Jûdab ataningata uvlungine; Nâlegarlo Gudît tikitsomârpok, ivsornaitullo tamaita ilagijomârpatit.

Mattêuse 24:7

Inuᴋatigêt inuᴋatigênut assimingnut sorᴋsugomârmatta, ataniovingmiullo, ataniovingmiunut assimingnut; kângnartoksoarmiglo ᴋanimaluâlungnartomiglo pijoᴋaromârpok, nunallo sunatuinarme sajukpilugomârput.

Lukase 12:49

Ikomamik ikitsijartorpunga nunamut; suna pijomanersarivigô ikoalajarêrninganît?

Apostelit Piniarningit 16:26

Tagvainarlo nuna sajukpiludlarpok, parngnanairsimaviub tungavinga aulataudlarlune; tagvainarlo upkuangit ilûnaita upkuêrtauvut, ᴋelarutillo ilunaita ᴋelarutjârput.

Apostelit Piniarningit 4:31

Tuksiarmattalo, iglo katimavigijangat aulavok, ilûnatiglo Anernermik ajunginermik ilumertauvut, Gûdiblo oᴋausinginik oᴋâlavut sivôranatik.

Takotitaunermik 11:13

Tagvainarlo nuna sajukpilâdlarpok angijomik, iglugasaksuillo tallimaujortôlilugit tallimaujungit ochovut, toᴋotauvullo nunab sajukpilâdlarninganut inuit 7,000 it, amiakullo ᴋoaᴋsângadlarput nertordlerlutiglo ᴋilaub Gûdinganik.

Takotitaunermik 11:19

Gûdiblo Tempelinga ᴋilangme upkuêrtaulerpok, Testamentingatalo iklervinga takuksauvok Tempelingane, ᴋaumalaᴋarporlo, nippersoakalarmelo, kallidlarlarmelo, nuna sajukpiludlarlarmelo, nettaᴋonadlarlarmelo.

Takotitaunermik 4:5

Iksivautaᴋsoarmillo anivut ᴋaumalaglo kalluglo nippillo; nennergutillo 7 it ilomalit ikoalavut iksivautaᴋsûb sângane, tamadja Gûdib Anerningit 7 it.

Takotitaunermik 6:12

Takogivunga, naᴋitjutit 6 ingat (Saugârsûb) angmarmago, ahâglo, nuna sajukpilâdlarpok, seᴋinerlo tâᴋtoksôlerpok pôksajatut merᴋunit senamajotut, taᴋᴋerlo auktun-ipok.

Takotitaunermik 8:3

Engelillo tâpkoa asingat sakᴋerpok, Altârib sanianut pivlune, iluleᴋullo iserluanititsivik golde tigumiarpâ, unuktuniglo iserluanerutiksanik tunitsiviolerpok, tunijerᴋovlugo ivsornaitut ilûnatik tuksiarninginut, Altareme goldeme iksivautaᴋsûb sânganêtome.