Takotitaunermik 8:12 - Labrador Inuttitut Heritage Bible

¹² Engelillo sitamangat tiptulausijarivok. Seᴋinek tagva pingasuililugo pingajuat, takᴋerlo pingasuililugo pingajuat, uvloritjallo pingasuililugit pingajuingit tâᴋtoksôlerput, uvlub ᴋaumaninga pingasuililugo pingajuat pêrlugo, unnuarlo taimainivok.

Takotitaunermik 8:12 Iomraidhean Croise

Jesaiase 13:10

Kilaub uvloriangit siaktungillo ᴋaumanarungnairput, seᴋᴋinerlo târlune nuilerpoᴋ, taᴋᴋerlo ᴋaumangilaᴋ.

Jesaiase 24:23

Taᴋᴋerlo kangusugomârpoᴋ, seᴋinerlo ᴋattagomârpoᴋ, ᴋilangmiugasaksuit Nâlegangat attanersoangongmat Zionib ᴋaᴋᴋangane Jerusalemelo, angajoᴋângortitangitalo ânanaunersoangat takkuksaulermat.

Jeremia 4:23

Nuna ulernaigilauᴋpara, sunaubvalo ilênarsimajoᴋ sunataᴋaranalo; ᴋilaillo, tâpkoalo ᴋaumajoᴋangilat.

Joel 2:10

Nuna sajukpilukpoᴋ sângine; ᴋilait sajukput; seᴋineᴋ taᴋᴋerlo tâᴋsipuk, uvloriallo ᴋaumanitik saᴋᴋijârtailitipait;

Joel 2:31

Seᴋineᴋ ablatsangoromârpoᴋ tâᴋtomut, taᴋᴋerlo aungmut, Nâlekab uvloᴋsoanga sivôranartoᴋ neliutiᴋârtinago.

Joel 3:15

Seᴋineᴋ taᴋᴋerlo tâᴋsilerpuk, uvloritjallo ᴋaumanitik saᴋᴋijârtailititsomârpât.

Amos 8:9

Imaitsomârporlo uvlorme tâpsomane, oᴋarpok Nâlegak Nâlegaujok; Seᴋinek nipitilârpara uvlub ᴋeterarningane, nunalo tâksilârpok uvlub ᴋerᴋane.

Mattêuse 24:29

Uvlulle taipkoa kappianartut kingorngatigut seᴋinerlo takᴋerlo ᴋaumajungnairomârpuk, uvloritjallo katagomârput ᴋilangmit, Kilaublo pitsartuningit aulataujomârput.

Mattêuse 27:45

Stundillo 6 inganit nuname ilûnâne tâᴋtoksôlerpok, stundit 9 ingat tikidlugo.

Markuse 13:24

Uvlut taipkoa kappianartut kingorngatigut, seᴋineᴋ taᴋᴋerlo ᴋaumajungnairomârpuk.

Markuse 15:33

Stundillo 6ingata kingorngagut nuname ilûnâne tâᴋtoksôlerpoᴋ stundit 9ingat tikilugo.

Lukase 21:25

Seᴋinerlo, takᴋerlo, uvloritjallo nelunaikutaᴋaromârput; inuillo nunamêtut erᴋsinermut sivôradlaromârput; imarbiksoarlo malliksuavaksuillo iktulijâromârput.

Apostelit Piniarningit 2:20

Seᴋinek ablatsaujomârpok tâksoarmut, takᴋerlo auktunitsomârpok, Nâlekab uvloᴋsoanga naliuterᴋârtinago.

II Korintemiunut 4:4

Silaᴋsûb tamattoma Gûdingata okpingitut taipkoa issumangît takpêtilauᴋpait, oᴋautsit tussarnertut Kristûsemik, Gûdib adsingata pinnarnarninganik, ᴋaumaningat ᴋaumaᴋonago taipkonunga.

Takotitaunermik 12:4

Pamiominullo uvloritjat pingasuililugit pingajuingit nusukpait, nunamullo egidlugit. Kuglugiaksoarâluglo tâmna arnab ernisuktub sânganut pivok, ernijarêtuarpat, ᴋitornganga nerrijomavlugo.

Takotitaunermik 16:10

Engelillo tallimangata iluleᴋutime imanga kovivâ nergjutsûb iksivautanganut. Ataniovingalo tâktoksôlerpok, oᴋatiglo kêvait âniadlarnermut.

Takotitaunermik 6:12

Takogivunga, naᴋitjutit 6 ingat (Saugârsûb) angmarmago, ahâglo, nuna sajukpilâdlarpok, seᴋinerlo tâᴋtoksôlerpok pôksajatut merᴋunit senamajotut, taᴋᴋerlo auktun-ipok.

Takotitaunermik 9:15

Engelillo taipkoa sitamat ᴋelarutjârtauvut, opalungairsimajut, stunde, uvlok, takᴋek, jâre neliutituarpatta, inuit pingasuililugit pingajuingit toᴋodlugit.

Takotitaunermik 9:18

Pingasunut tâpkonunga inuit pingasuililugit pingajuingit toᴋotauvut, ikomamullo iserlungmullo, orᴋsorutemullo ᴋaninginit anijunut.