Takotitaunermik 8:11 - Labrador Inuttitut Heritage Bible

¹¹ Uvloriak tâmna Sungarmik ateᴋartok; tâpkoalo imangit pingasuililugit pingajuingit sungaulerput. Inuillo unuktoksuit toᴋovut imanginut, sungermatta.

Takotitaunermik 8:11 Iomraidhean Croise

Exodus 15:23

Tikinamiglo Mâramut, Mârab imangit imerungnangilait sungarnimata; tamanna pivlugo nuna tamanna atserartauvok Mâramik (sungarnitomik).

Salomob Okâl 5:4

Kingorngagulle kassilingnarpok Wermutetut, ippiktoksolarmelo saviksoatut igluktut kênaliktut.

Jeremia 23:15

Taimaimat imâk oᴋarpoᴋ Nâlagaᴋ Zebaot nalautaijut pivlugit: Ahâk, mamaitoᴋsoarmik nerrititsomavakka, imertilugillo sungarmik; nalautaijunit Jerusalemêtunit takkormôrnek anisimangmat nunamut ilûnânut.

Jeremia 9:15

Taimaimat imâk oᴋarpoᴋ Nâlagaᴋ Zebaot, Israêlib Gudinga: Ahâk, inugasaᴋsuit tamakkoa mamaitoᴋsoarnik nerrititsomavakka, imermiglo sungârnitomik imertitsomavlugit.

Jeremiab Ogguarutigijangit 3:19

Erᴋalaukit kapiasungnera patanganeralo, perortullo mamaidlartut sungarlo.

Jeremiab Ogguarutigijangit 3:5

Karmaliorvigivânga ilumalungalo sungarnitomut ânilakteradlarnermullo.

Amos 5:7

Ilipse idluarsainermik mumiksijose perortotut sungânitotut ilingatilugo, idluarnermiglo egitsijose nunamut;

Amos 6:12

Horsit pangalisôngovât ᴋairtunê? Tagvanelônêt makperteraijoᴋarniarᴋâ tuktuvangnût? Idluarsainek mumigapsiuk sungartut ilingatilugo, idluarnerublo paungangit sungârnitotut;

Saggaria 13:8

Pijomârporlo nuname ilûnâne, oᴋarpok Nâlegak, avgoâk maggûk kipijaujomarmatta toᴋolutiglo, pingajuingille amiakôjomârput.

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.

Deuteronomy 29:18

Akunapsingnêtoᴋarᴋonago angutimiglônêt, arnarmiglônêt, ᴋitorngarêngniglônêt, kinguvârêngniglônêt, ômatekut tunutomik Nâlekamik Gûdiptingnik, inôᴋatigêksuit tâpkoa Gûdingoangit kivgartoromavlugit; amâᴋarᴋonago akunapsingne mamaitoâlungmik tipilingmik, ᴋasilinartomiglo nutaijoktotaᴋartomik;

Ebrêerinut 12:15

Udjertoritselo Gûdib saimarsautânik kingurailertoᴋarᴋonago; amârmik ᴋassilinartomik perortoᴋarᴋonago, akkerartortigêngnermik saᴋᴋertitsilune, unuktullo tâpsomunga ivsornartitaulerkonagit.

Takotitaunermik 12:4

Pamiominullo uvloritjat pingasuililugit pingajuingit nusukpait, nunamullo egidlugit. Kuglugiaksoarâluglo tâmna arnab ernisuktub sânganut pivok, ernijarêtuarpat, ᴋitornganga nerrijomavlugo.

Takotitaunermik 8:7

Engelillo sivorlingat tiptulausijarpok. Nettaᴋonalerpok tagva, ikomamiglo aungmiglo akusimajungnik nunamut kataktoᴋarpok. Kataktoᴋarpok. Napârtullo pingasuilivlugit pingajuingit ikitauvut nungudlugit, (nunablo) nutaijoktungit ilûnatik nungutauvut.

Takotitaunermik 9:15

Engelillo taipkoa sitamat ᴋelarutjârtauvut, opalungairsimajut, stunde, uvlok, takᴋek, jâre neliutituarpatta, inuit pingasuililugit pingajuingit toᴋodlugit.

Takotitaunermik 9:18

Pingasunut tâpkonunga inuit pingasuililugit pingajuingit toᴋotauvut, ikomamullo iserlungmullo, orᴋsorutemullo ᴋaninginit anijunut.

Ruth 1:20

Tâmnale oᴋarpok: Tainiarassinga Naemimik, taingarsingale Maramik, ajugakangitub angijomik kiksartilaungmânga.