Takotitaunermik 8:10 - Labrador Inuttitut Heritage Bible

¹⁰ Engelillo pingajuat tiptulausijarivok. Uvloriaksoak tagva ᴋilangmit kattakpok, nennergutsoatun ikoalajok, kôllo pingasuililugit, puailavîllo tupvigivait;

Takotitaunermik 8:10 Iomraidhean Croise

II Kronika 32:3

Angajoᴋâᴋotine, sôngojoᴋotinelo kachimioᴋattigivait, immektârvit iglugasaksuit sillatânêtut mattujomavlugit; ikajorpâllo.

Jesaiase 12:3

Kuviasukluse imeᴋtariaromârpose puilavingmit piulijaunartomit.

Jesaiase 14:12

Aiai! kattakpotit ᴋilangmit, uvloriangojotit ᴋausiut! Nunamut ochotitauvotit, nunaᴋatigêksoarnik aksorôdjijotit.

Saggaria 13:8

Pijomârporlo nuname ilûnâne, oᴋarpok Nâlegak, avgoâk maggûk kipijaujomarmatta toᴋolutiglo, pingajuingille amiakôjomârput.

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.

Mattêuse 25:1

Tamanna naliutikpat, Gûdib nâlegauvia uigasuktitut tallimaujortutitut itsomârpok, ᴋollermingnik tigusijutitut, anijutitullo, uiksak pagrearlugo.

Lukase 10:18

Oᴋautivaille: Sâtanase takolauralloarpara kataktok ᴋilangmit, sorlo ᴋaumalâk.

Jûdasib 1:13

Imarbiub malliksoangititut idlutik ᴋappoalijokut anitsijutitut kangusûtigijaksamingnik; uvloritjat maungatuinaᴋ pijut, taipkonunga tâᴋtoᴋsoaᴋ ᴋaumaneᴋangimariktoᴋ ᴋumergutauvoᴋ issoᴋangitomut.

Takotitaunermik 1:20

Uvloritjallo 7 it talerpimnêtut takojavît nelonarningat pivlugo, nennergoarvîllo goldit pivlugit. Uvloritjat tâpkoa 7 it Engeliovut illagêktotalingnut 7 inut, nennergoarvîllo 7 it takojatit tamadja illagêktotalît 7 it.

Takotitaunermik 12:4

Pamiominullo uvloritjat pingasuililugit pingajuingit nusukpait, nunamullo egidlugit. Kuglugiaksoarâluglo tâmna arnab ernisuktub sânganut pivok, ernijarêtuarpat, ᴋitornganga nerrijomavlugo.

Takotitaunermik 14:7

Nippersoarmullo oᴋarpok: Gûde kuksasungniarvigisiuk nertorsiuglo akkiniarviksanga neliutingmat; tuksiarvigisiuglo ᴋilangmiglo nunamiglo imarbingmiglo, imiuglo puilavinginik pingortitsijok.

Takotitaunermik 16:4

Engeliblo pingajungata iluleᴋutime imanga kovivâ kôngnut puilavingnullo; aungolerput tagva.

Takotitaunermik 6:13

Kilaublo uvloriangit nunamut katakput, sorlo aᴋpit aᴋpiᴋutinit katangmatta anorersoarmut aulataujaraigamik.

Takotitaunermik 8:7

Engelillo sivorlingat tiptulausijarpok. Nettaᴋonalerpok tagva, ikomamiglo aungmiglo akusimajungnik nunamut kataktoᴋarpok. Kataktoᴋarpok. Napârtullo pingasuilivlugit pingajuingit ikitauvut nungudlugit, (nunablo) nutaijoktungit ilûnatik nungutauvut.

Takotitaunermik 9:1

Engelillo tallimangat tiptulausijarpok. Uvloriak tagva takovara ᴋilangmit kataktok nunamut; tâmna tunitsiviolerpok pêrumik netteᴋangitomut.

Takotitaunermik 9:15

Engelillo taipkoa sitamat ᴋelarutjârtauvut, opalungairsimajut, stunde, uvlok, takᴋek, jâre neliutituarpatta, inuit pingasuililugit pingajuingit toᴋodlugit.

Takotitaunermik 9:18

Pingasunut tâpkonunga inuit pingasuililugit pingajuingit toᴋotauvut, ikomamullo iserlungmullo, orᴋsorutemullo ᴋaninginit anijunut.

Idluarsaijut 15:11

Tagva Judakunnit angutit 3,000 dit attersarput ᴋairosungmut Ethamemetomut, oᴋarlutiglo Simsonemut; ᴋaujimangilatît Filisterit ataniotingmatta uvaptingnut? Sôgle tagva taimaitomik pinniarvigilaukpittigut? Tapsoma oᴋautivait: Sorlo pinniarvigilaungmanga, taimak pinniarvigilaurivakka.