Takotitaunermik 7:3 - Labrador Inuttitut Heritage Bible

³ Oᴋarlunelo: Nuna akᴋunarniarnago, imârbiglônêt napârtullônêt, Gûdipta kivgangit naᴋitjutilugit (nelunaikuserdlugit) ᴋaungitigut perᴋârtinata.

Takotitaunermik 7:3 Iomraidhean Croise

Exodus 12:13

Augle nalonaikutariniarpase iglune innigijapsingne: auglo takogupko ᴋângervigijomavapse, asserornartoksoarlo ilipsingnêtuksaungilak asserorluse, nuna Egipten sugiarupko.

Exodus 12:23

Tagva Nâlegak tamaunâromavok Egiptenemiut sugiarlugit; auglo ᴋollânêtok nappajungnêtorlo takoguniuk, Nâlekab upkuak ᴋângeromavâ, aserorsaijorlo itertailitiniarpâ iglupsingnut sugiarluse.

Jesaiase 27:8

Nãmatuinartomik pidlarpattit taipsomane, avigavit taipkonangat. Nuktipait anorersoarmut, uarngnartillugo.

Jesaiase 54:17

Sakkut illũnatik, sorsugvigijomavlutit senajaujut, sullijomângilat, oᴋallo ilũnaita erᴋartoromavlutit pilertut igvit erᴋartoromârpattit. Tamadja Nâlekab kivgangita kingormgutijaksangat idluarᴋutiksangallo uvamnit pijoᴋ, oᴋarpoᴋ Nâlegaᴋ.

Jesaiase 6:13

Inuille unurningita tallimaujortungit tagvanẽtsomârput sulle; taipkoa pititaujariaᴋaromârivut ikkomamut, kissianele — sôrlo terebintemut aigemullo kippaᴋarmat (kippijaukpanik) — taimak taipkoa kippangat kinguvâksauvoᴋ ivsornaitoᴋ.

Jesaiase 65:8

Nâlegaᴋ oᴋarpoᴋ imâk: Sôrlo vainiksatalik nagvârtaungmat paungalukat akkornganne oᴋartoᴋarlunelo: asserorniarnagit, attorungnartunik illaᴋarmatta, — taimailioromârpungatauᴋ kivgakka pivlugit, illũnainiungitoᴋ asseroivlunga.

Hesekiel 9:4

Nâlekablo oᴋautivâ: Iglugasaksoatigôrit Jerusalemekut, ᴋaungitigullo nelunaikuserkit inuit anersaumijut ogguartullo maᴋojungnartut tamaita tagvane piniarutaujut pivlugit.

Hesekiel 9:6

Inuᴋoartut, nukapiat, uigasuit, sorutsit, arnallo toᴋosigik nungulugit: Kissimik nelunaikusertaumajut aktorniarasigik; iglumnelo pigialeritse. Pigiarput tagva angajoᴋângojune iglub sânganêtune.

Daniel 3:17

Taimaigiaᴋarpat, Gudivut kivgartortavut sapilungilaᴋ piuliluta kiaksautiâlungmit ikomaliksoarmit; piulijomavâtigullo aggangnit, ataniᴋ.

Daniel 3:26

Nebukadnezarilo aivoᴋ kiaksauteâlub ikomaliksûb pânganut: niplilunilo oᴋarpoᴋ: Sâdrak, Mîsak, Abednigolo kivgaujosi Gudemut ᴋotsingnipaujomut, anititsi tamaungarlusilo. Sâdrakilo, Mîsakilo, Abednigolo anivut ikomab iluanit.

Daniel 6:16

Ataniᴋ piᴋojivoᴋ tagva, Danielilo ᴋaipât igilugolo loivit itisâluanut. Ataniublo nipliluni Danieli oᴋautivâ: Gudivît soraijuitomik kivgartortavît piuliniarpâtit.

Sefania 2:3

Nâlegak ᴋenersiuk, ilûnnase sinaungaitose nuname, tâpsoma perᴋojanganik nâlektose; idluarniksak ᴋenersiuk, sinaungainek ᴋenersiuk; ijertortauniangimangâpse Nâlekab ningarningata uvlungane.

Mâlaki 3:18

Uteromârpose tagva ulernairtuiluselo idluartullo idluitullo adsigêngininginik, Gudemiglo kivgartortut, tâpsomingalo kivgartolungitut adsigêngininginik.

Mattêuse 24:22

Uvlullo taipkoa ikitlijauniangipatta, inuk atauserlônêt piulijaunajangilak; anerimajulle pivlugit uvlut taipkoa ikitlijaujomârput.

Mattêuse 24:31

Engelinalo tilijomârpait tiptulautilijartut nipperᴋortojunik; anerijangillo katitilugit anorenit sitamanit, ᴋilaub issuanit issuanut.

Johannese 12:26

Kivgartoromajûb uvamnik, maliklinga; najukamnelo kivgara tagvanêtsomarivok. Atâtamalo uvamnik kivgartorniartok nertoromârpâ.

Johannese 3:33

Tâpsomingale illaliortub, tâpsoma naᴋiterpâ Gûdib mikseᴋârtôninga.

Rômiunut 6:22

Mânale ajornermit ᴋelarudjârtaumagapse, Gûdemullo kivgaumalerdluse, piksarsivose ivjornaijutiksapsingnik; naggatânelo inôtsemik nâksaungitomik.

Takotitaunermik 13:16

Tamaitalo imailingatipait, mikijut angijullo, akluitut aklujullo, kivgaungitut kivgaujullo nelunaikuserdlugit talerpingitigut ᴋaungitigullônêt.

Takotitaunermik 13:17

Pisiniartoᴋarᴋonago niuverniartoᴋarᴋonagolônêt taimak nelunaikusersimangitomik nergjutsûb atinganiglônêt, atingata kittitanganiglônêt.

Takotitaunermik 14:1

Ama takogivunga Saugârsungmik Zionib ᴋakᴋangane nangertomik tâpsomalo 144,000 it illagivait, tâpkoalo ᴋaungine aglaksimajokarpok tâpsoma atâtangata atinganik.

Takotitaunermik 14:9

Engeliglo pingajungata tâpkoa malikpak nippersoarmullo oᴋarlune; Neliata nergjut tâmna adsingoangalo tuksiarvigigunigik, nelunaikutanganiglo ᴋaungmigut aggangmigullônêt tigusigune,

Takotitaunermik 19:2

Erᴋartuiningit mikseᴋârtôvlutiglo idluartôngmatta, anguniartoksoak erᴋartulaungmago, anguniarnerminut nunamik asseroilauktok, kivgamelo aungit akkiniarutigilugit, tâmna pidlalaungmago.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.

Takotitaunermik 22:4

Kênangalo takojomârlugo; atingalo ᴋaunginêtsomârpok.

Takotitaunermik 6:6

Nippemiglo tussarpunga ômajut taipkoa sitamat akornganit oᴋartomik: sanaugaksat, ôktût atausiardlugo, kênaujârsungmik atautsemik akkeᴋarlit, sanaugâluksallo, ôktût pingasuertorlugo, kênaujârsungmik atautsemik akᴋeᴋarlît, orᴋsorle vainelo asserorniarnagik!

Takotitaunermik 7:1

Makkoa kingorngatigut Engelit sitamat takogivakka, nangertut nunaᴋsûb terreᴋungine sitamane, tigumiartut nunab anoringinik sitamanik, anore anordlerᴋonago nunamut, imânullônêt, napârtullo nalianut.

Takotitaunermik 7:2

Engelillo tâpkoa assingat takogivara, nuilertok seᴋiniub nuilervinganit, Gûdib toᴋosuitub naᴋitjutânik peᴋartok; nippersoarmullo nipliadlarpok Engelinut sitamanut nuna imârbiglo aᴋᴋunarniarlugik perᴋojaumajunut.

Takotitaunermik 9:4

Oᴋautjauvullo, iviksukat nunamêtut, nutaijoktullônêt, napârtullônêt asserorlugit perᴋonagit, inuille kissêta, Gûdib naᴋitjutânik ᴋaungmiuteᴋangitut.