Takotitaunermik 7:2 - Labrador Inuttitut Heritage Bible

² Engelillo tâpkoa assingat takogivara, nuilertok seᴋiniub nuilervinganit, Gûdib toᴋosuitub naᴋitjutânik peᴋartok; nippersoarmullo nipliadlarpok Engelinut sitamanut nuna imârbiglo aᴋᴋunarniarlugik perᴋojaumajunut.

Takotitaunermik 7:2 Iomraidhean Croise

II Atannit 19:4

Imakkâ Nâlekab Gûdivit tussaromangmangagit Rabsakib oᴋausingit ilunnaita, tillijaumajub angajoᴋaminut Assiriamiut attaninganut, Gûde omatsainartok mittautigilugo, suarlugolo oᴋautsinut, Nâlekab Gûdivit tussarlauktanginut. Tagva igvit amiakojut sulle innugiartoksoarnit tuksiarutigilaukit.

Imgerusersoak 8:6

Pitilaunga paisijotut ômattingnut, paisijotut tallernut. Naglingnek sôngongmat toᴋᴋotut, singnânerlo pallangaipok kappianaviktut. Aumaninga ikkomauvok ikkoalaniolunelo Nâlekamit.

Jesaiase 41:2

Kia pângat ᴋairᴋovaûk idluarnermik naipitsẽnartoᴋ, arvertalreangat nane? Kia nallojut pijaurᴋovagît, attanersuit sãlagijaurᴋovlugit tâpsomunga? Saviksoangata illingatipait pujortut, pittiksingata illingatipait sanniktitut tiktaujutitut.

Hesekiel 9:4

Nâlekablo oᴋautivâ: Iglugasaksoatigôrit Jerusalemekut, ᴋaungitigullo nelunaikuserkit inuit anersaumijut ogguartullo maᴋojungnartut tamaita tagvane piniarutaujut pivlugit.

Mâlaki 3:1

Ahâk, sivorlerijara tilivara, tâpsomalo apᴋutiksaᴋ âᴋiksolârpâ sivunamne: Nâlegarlo, ᴋenertase, tikiaᴋilârpoᴋ katimaviksoaᴋôtiminut: angiᴋatigêngnerub sivorlerijanga, ᴋuviagidlartase, ahâk, tâmna ᴋaivoᴋ, oᴋarpoᴋ Nâlegaᴋ Zebaot.

Mâlaki 4:2

Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Mattêuse 16:16

Tagva Sîmonib Pêtrusib kiovâ oᴋarlunalo: Kristûseovotit, Gûdib ômajub erninga.

Mattêuse 26:63

Jêsusele niplingilak. Ajoᴋertuijoksûblo kiovlugolo oᴋautivâ: Gûdib ômajub kênangata sângane aperivagit, oᴋautitigut Kristûseomangârpit, Gûdib Erninga.

Johannese 6:27

Nerᴋiksamik nungusârtomik pinasuarase, inôtsemulle nungusuitomut itsainartomik, Inûb Erningata tuniniartanganik ilipsingnut; tâmna Gûdib Atâtab naᴋitjusilaungmago.

II Korintemiunut 1:22

Naᴋisimavâtiguttauᴋ, Anernermiglo tunitsivigiluta nelunaikutaksaptingnik ômatiptingnut.

Efêsusemiunut 1:13

Tâpsomûna ilipsetauᴋ oᴋauseᴋ mikseᴋârtoᴋ tussaumagapsiuk, tamadja oᴋautsit tussarnertut piulijauviksapsingnik; tâpsomûnatauᴋ okpilerapse, Anernermik ajunginermik angerutaumajomik naᴋititsiviovose.

Efêsusemiunut 4:30

Gûdiblo Anerninga ajungineᴋ kiksartiniarasiuk, tâpsominga naᴋititsiviomagapse uvlormut piulijauviksamut.

Deuteronomy 5:26

Kinauvâ uvinilingnit tamainit tusarimajok Gûdib ômajûb nippinganik oᴋâlajomik ikomab iluanit uvaptitut, inôgannerlunelô?

I Tessalônikamiunut 1:9

Nangmineᴋ taipkoa oᴋautigingmase, ᴋanoᴋ angitigijomik nâlekaptigut; ᴋanorlo Gûdemut sâgiarapse, tunudlugit Gûdeungitut, kivgartoromavlugo Gûde ômajoᴋ mikseᴋârtorlo;

II Timôteusemut 2:19

Gûdible tungavilianga sôngojok aulajungnangerpok, imaitomik nalunaikutalik; Nâlekab pine illitarivait; imaitomiglo: Kristûsib atinganik taisijok idluitulinermik atorungnairle.

Ebrêerinut 12:22

Ilipsele Zionib ᴋaᴋᴋanganut tikisimavose, Gûdiblo ômajub iglugasaksoanginut, Jerusalemut ᴋilangmêtomut, Engelillo tausendeoᴋattartut unuktoᴋsôninginut,

Takotitaunermik 1:3

Pilorikpok atuarsijok, tâpkoalo tussartut oᴋautsinik tamakkoninga nalautsijomârtunik, torᴋorlugillo aglaksimajut makkonane; naliuningat ᴋaningmat.

Takotitaunermik 10:1

Engelemiglo assianik sôngojoksoarmik takovunga, ᴋilangmit aᴋᴋartomik; tâmna nuvujamik annorârsimavok, ajagutaᴋaporlo niaᴋungane, kênanga seᴋinertun-ipok, itigangillo sukatitut ikomaliktitun-iput.

Takotitaunermik 10:4

Kalluillo 7 it nippitik anitsarêrmatigik, aglagomalauktakka; nippemigle ᴋilangmit pijomik tussarpunga, uvamnut oᴋartomik: Naᴋitjusikit kalluit 7 it oᴋausingit, tâpkoa aglangniarnagit.

Takotitaunermik 16:12

Engelillo 6 ingata iluleᴋutime imanga kovivâ kôksoarmut Eufratemut; imersoanga tagva ipterilerpok, apᴋotiksaulerᴋovlugo atanernut seᴋiniub nuilervianit pijunut.

Takotitaunermik 5:2

Engelelo pitsartujoksoak takogivara, nippersoarmut oᴋâladlartok: Aglait ukkua makperlugit naᴋitjutingillo serᴋomidlugit kina nelopᴋotinajangilâk?

Takotitaunermik 8:3

Engelillo tâpkoa asingat sakᴋerpok, Altârib sanianut pivlune, iluleᴋullo iserluanititsivik golde tigumiarpâ, unuktuniglo iserluanerutiksanik tunitsiviolerpok, tunijerᴋovlugo ivsornaitut ilûnatik tuksiarninginut, Altareme goldeme iksivautaᴋsûb sânganêtome.

Takotitaunermik 9:14

Tamattoma Engelit 6 ingat tiptulautilik oᴋarvigivâ: ᴋelarutjâkit Engelit ipkoa sitamat ᴋelaksorsimajut kôksûb Eufratib saniane.

Takotitaunermik 9:4

Oᴋautjauvullo, iviksukat nunamêtut, nutaijoktullônêt, napârtullônêt asserorlugit perᴋonagit, inuille kissêta, Gûdib naᴋitjutânik ᴋaungmiuteᴋangitut.

I Samuel 17:26

Tagva Davide angutinut nangerᴋattigijaminut oᴋarpok: Sunamik tamna pinniarvioniarᴋa Filisteremik ominga ullimarniktok, kangusuktitaunermiglo tamattominga pejaijok Israelemit? Kinauvâle Filistere kippisimangitok una, Gudib omatsainartub sorsuktuksaksoaᴋotingit mittautigingmagit?

I Samuel 17:36

Taimak kivgavit tamarmik Loewelo aklarlo annaulaukpak. Taimaglo manna Filistere tamna kippisimangitok îtuksauvok taipkoa illangatut; Gudib omatsainartub sorsuktuksaksoaᴋotingit mamailisarlaungmagit.