Takotitaunermik 7:17 - Labrador Inuttitut Heritage Bible

¹⁷ Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.

Takotitaunermik 7:17 Iomraidhean Croise

Imgerut 22:26

Pattangajut nerrijuksauvut, ᴋâgungnaituksaulutiglo; Nâlekamiglo apperᴋuteᴋartut nakorijomârpât; ômattise innôjuksauvut issoᴋangitomut.

Imgerut 23:5

Igvit sâmne sâmik (nerrimavingmik) âᴋiksoivotit ômigijima takkoane. Igvit niaᴋora mingoarpat orksomut, imilarmalo namaktomik.

Imgerut 28:9

Innugaksoaᴋotitit ikajorkit, kingormgutijatillo pitsartutilaukit pairilugillo, ᴋagvertilugillo issoᴋangitomut.

Jesaiase 12:3

Kuviasukluse imeᴋtariaromârpose puilavingmit piulijaunartomit.

Jesaiase 25:6

Kilangmiugasaksuillo Nâlegangat âᴋiksoijomârpoᴋ ᴋaᴋᴋame tamattomane nerrimârviksoamik orᴋsulingmik nunaᴋatigêksoarnut tamainut, nerrimârviksoamik vainelingmik issungitomik, orᴋsulingmiglo pattermik vainelingmiglo issungitomik sannêjarsimajomik.

Jesaiase 25:8

Toᴋo nungutitsomârpâ issoᴋangitomut, Nâlekablo Gûdib allarteromârpait ᴋugvit kênarnit tamainit, inuᴋotimelo nachonautingat pêjaromârpâ nunane tamaine, Nâlegaᴋ taimak oᴋarmat.

Jesaiase 30:19

Illipse, Zionib inungit, Jerusaleme igloᴋartose, ᴋeajungnairitse! Niplialerupse nâpkigilarpâse, akkiolârpâse mãnakut, tussarunise.

Jesaiase 30:25

Kaᴋᴋanelo poᴋtojune tamaine ᴋaᴋᴋârulangnelo angijune tamaine kôᴋaromârpoᴋ imeᴋadlartunik unatadlarnerub angijovaksûb nalliuningane, nuvugusersuit ocholerpatta.

Jesaiase 35:10

Nâlekab uttertitangit uttileromârput, Zionemullo tikkitsomârput iggiaᴋomijarlutik; ᴋuviasungnerub nâksaungitub ᴋollangiaromârpait, ᴋuviasungnerub serrinerublo tikkitsomârpait; kiksarnerlo anersauminerlo ᴋemâjomârpuk.

Jesaiase 40:11

Mianersijotut kattimajoᴋotine mianerivait. Saugârait kattitipait tallerminut sârdliarlugillo, saukkallo amâmaktitsijut tassiutsiarpait.

Jesaiase 49:9

Oᴋarᴋovlutit parngnanairsimavingmẽtunut: annititse! tâᴋsiortunullo: saᴋᴋeritse! Apᴋosinerne nerᴋiksarsijomârput, ᴋaᴋᴋârulangnelo tamaine nerrimârviksaᴋaromârput.

Jesaiase 51:11

Nâlekablo uttertitangit uttileromârput, Zionemulle tikkitsomârput iggiaᴋomijarlutik, ᴋuviasungnerub nâksaungitub ᴋollangiaromârpait, ᴋuviasungnerub serrinerublo tikkitsomârpait, kiksarnerlo anersauminerlo ᴋemâjomârpuk.

Jesaiase 60:20

Seᴋineᴋotit nippileromâtsangilaᴋ, taᴋᴋeᴋotillo nunguleromânginivoᴋ, Nâlegaᴋ ᴋaumautigijomârangne issoᴋangitomut; tagva uvlut kappiasugvigijatit sorairomârput.

Jesaiase 65:19

Jerusaleme alliagijomârpara inuᴋotikkalo ᴋuviagivlugit; tussartaujungnairomârporlo tagvane ᴋeajub nippinga ogguartublõnêt nippinga.

Jeremia 2:13

Inuᴋotikka maggungnik idluitulisimangmatta; ᴋemakpânga uvanga puailaviojunga ômanartomik imalingmik, sanavlutiglo imeᴋarviksanik, imeᴋarviksanik piotsangitunik imeᴋarungnangitunik.

Jeremia 31:9

Keavlutik tamaungaromârput, ᴋenutilugillo tassioromârpakka; ingerartitsomârpakka kôt imalît saningine, apᴋome naggojome nâkliveᴋangitome; atâtaugama Israêlimut, Efraimelo ernerivara angajuklerpâk.

Hesekiel 34:23

Mianersijuksarlo atausiojoᴋ tâpkonunga makititsomârpara, tâpsomalo nerripkalârpait, tagva kivgara Davide; tâpsoma nerripkalârpait, mianersijuksauvorlo tâpkoninga.

Migga 5:4

Tâmnalo nangeromârpoᴋ nerripkailunelo saugaᴋotiminik Nâlekab pitsartuningane, Nâlekab Gudime attingata inornarningane; tâpkoalo iniksarsijomârput; mâna tâmna angijôdlaromârpoᴋ nunaᴋsûb issungit tikidlugit.

Migga 7:14

Inukotitit pairikit ajaupiarnut, kingormgutijavît katimgajoᴋsôningit, apsimautilutik inôjut napârtolingme Karmelib ᴋerᴋane; Basaneme Gileademelo nerrilit, sorlo itsarsoarme.

Mattêuse 2:6

Igvit Betlehem nuname Jûdêame, mingnerpângungilatit iglugasangnit assingnit Jûdêamêtunit; ilingnit pijomârmat Nâlegak inuᴋotiminut Israêlib kinguvânginut ataniojuksak.

Mattêuse 5:4

Piloridlarput kiksartut; manigortaujomârmatta.

Johannese 10:11

Uvanga tikipunga, inôtsemik piksaniglo nâmaktunik peᴋarᴋovlugit.

Johannese 10:14

Uvanga mianersijôvunga ajungitok, pikkalo ilitarivakka, ilitarijauvlungalo pimnut,

Johannese 4:10

Jêsusib kiovâ oᴋautivlugolo: Gûdib tunergutâ illitarilerungne, kinaungmangâllo ilingnut oᴋartok: Imertilaunga; tuksiarviginajarpat, tâpsomalo tunitjiviginajarpâtit imermik inôgutilingmik.

Johannese 4:11

Arnab oᴋautivâ: Nâlegak ᴋalutiksaᴋangilatillônêt; imeᴋtarviglo itingmat. Nakît inôgutilingmik imeᴋaralloarᴋêt?

Johannese 4:14

Imermigle tunergusiarijaminik uvamnut imerniartok imerungniarungnairpok issoᴋangitomut; imerle tuniniartara tâpsomunga iluane puilavioniarpok imermik, inôtsemut nungusuitomut puilajomik.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

I Pêtrusib 5:2

Kristusib inuᴋotingit perᴋojaumajut ilipsingnut pairiniarsigik udsertorlugillo; ᴋununermut pinase ᴋunutuidlusele; kangunartomik perᴋutiniaromanermut pinase, ômamulle ilungertortomut,

Takotitaunermik 14:4

Tâpkoa tagga, arnanut ipeᴋtotisimangitut; uigasôgamik, Saugârsuglo namut pijarangat malikpât. Tâpkoa pisiangovut inungnit sivorlerpângovlutik Gûdemut Saugârsungmullo.

Takotitaunermik 21:22

Tempelemiglo tâpkonane takungilanga; Nâlegak Gûde ajugaᴋangitovitôjok Saugârsuglo Tempelegingmagik.

Takotitaunermik 21:23

Iglugasaksuillo seᴋinermut takᴋermullônêt ᴋaumarsartaujariaᴋangilat; Gûdib ânanauningata ᴋaumartingmagit, Saugârsuglo ᴋaumautigivât.

Takotitaunermik 21:4

Kugviornerillo tamaita Gûdib allarterniarpait ijinginit, toᴋolo itsungnairpok, kiksarnermiglônêt, niplianermiglônêt, ânianarnermiglônêt pijokarungnainiarpok; sivorliojut itsungnairmatta.

Takotitaunermik 21:6

Oᴋarvigigivânga: Pimajarêrpok. Alfauvunga Omegauvlungalo, pigiarniovlungalo naggatauvunga. Imeruktok imiub ômanartub puilavinganit imertitsomavara akkeᴋangitomik.

Takotitaunermik 22:1

Unertuivorlo uvamnut kôngmik issungitomik, ômanartomik imalingmik, alligoᴋtut ᴋaumatigijomik; tâmna anivok Gûdib Saugârsûblo iksivautaksoanganit.

Takotitaunermik 4:11

Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.