Takotitaunermik 7:16 - Labrador Inuttitut Heritage Bible

¹⁶ Kângungnailutiglo imerugungnainiarput, seᴋinermullo pijauniangilat, kiab asianullônêt.

Takotitaunermik 7:16 Iomraidhean Croise

Imgerut 121:5

Nâlekab sappumijarpâttit; Nâlegak tachalinerivat aggakpît tallerpikpît ᴋângene.

Imgerut 121:6

Uvlôtillugo seᴋᴋinermut kappijauᴋonak, takᴋermullonet unuarme.

Imgerut 143:6

Aggakka issakpakka illingnut; tarnima imerugvigivâtit nunatut pannertotut, Sêla.

Imgerut 42:2

Tarniga ᴋêlerpok Gûdemut, Gûdemut ômatsainartomut. Kakkugo tagvunga tikkitsomârᴋik Gûdib kênangata sângane saᴋᴋijârlunga perᴋovlunga?

Imgerut 63:1

Gude, igvit Gûdigivagit; uvlârârsukut ᴋenneromavagit; tarnima kêniarvigivâtit, uviningma ᴋêmitigvigivâtit nuname ipterilingajome, pannertomelo immeᴋangitome.

Imgerusersoak 1:6

Takkonârniarassinga, taimak ᴋernertigijôgama, seᴋᴋerngub taimak pallerlaurmanga. Anânama ᴋittorngangita ningarivânga. Udsertortingortilaukpânga perorsêvingnik Weineliksanik; perorsêvigale Weineliksak nangminerijara sapputilaungilara.

Jesaiase 25:4

Igvit sangẽtut pitsartutigivâtit, ajoᴋsartut sapputjauvigivâtit kappianartoᴋalerangat, ᴋemâvigivâtit sillarnerlukpat, tachalinerivâtit kiaᴋarpat, attanionerdluktut ᴋanningaumajârningat aᴋᴋunaᴋsoatut ᴋarmaᴋsoamut akkingmiktotut illingangmat.

Jesaiase 32:2

Angutit attunit illingajomârput sôrlo oᴋᴋoalineᴋ aᴋᴋunaᴋsoame, sôrlo sillaluilitaᴋ, sôrlo kôgvik imermik nuname ermgitome, sôrlo ᴋairtoᴋsûb tachalininga nuname pannertome.

Jesaiase 41:17

Ajulertut ajoᴋsartullo imermik ᴋennerasuarput, peᴋangilarle, oᴋangit ᴋẽlerput imerosungnarmat, tâpkoa uvanga Nâlegaujunga tussaromavakka, uvanga Israêlib Gûdinga ᴋemagomangilakka.

Jesaiase 49:10

Kâgomângilat imerulugatiglo, kiangmullõnêt seᴋinermullõnêt pijaujomângilat, nâpkigijingata pairijomârmagit tassiorlugit imernut puilajunut.

Jesaiase 65:13

Tamanna pivlugo Nâlegaᴋ Gûde oᴋarpoᴋ imâk: Ahâk, kivgakka nerrijuksauvut, illipsele kâktuksauvose; ahâk, kivgakka imertuksauvut, illipsele imeruktuksauvose; ahâk, kivgakka ᴋuviasuktuksauvut, illipsele kangusuᴋtuᴋsauvose.

Jona 4:8

Seᴋinerlo nuingmat, Gudib kanangâᴋ ônadlartoᴋ atuinarupâ; seᴋinerublo Jônab niaᴋoa akkingmikpâ, tâmnalo ᴋaujimangerpoᴋ, ᴋilanârporlo toᴋogiarmik, oᴋarlune: Nakuluarpoᴋ uvamnut toᴋoguma, inôgiarmit.

Mattêuse 13:21

Amâᴋanginamele ilumine, nakimarnivok; kappianartokalerangat unangmiklertokalerangallônêt oᴋausek pivlugo sinaungasarailerpok.

Mattêuse 13:6

Seᴋinerle nuingmat, kunorlersârput, amâᴋanginamiglo pannilerput.

Mattêuse 5:6

Piloridlarput kâktut imeruktullo idluarnermik; ilumertaujomârmatta.

Markuse 4:17

Amâᴋanginamigle ilumingne, sangusaraidlarput; kappianartoᴋalerangat unangmiklertoᴋalerangallônêt oᴋauseᴋ pivlugo, sinaungasarailerput.

Markuse 4:6

Seᴋinerlo nuingmat, ᴋunorlersârput, amâᴋanginamiglo panilerput.

Lukase 1:53

Kâktut tunitjivigiluarpait piksanginik, akluitullo piksaᴋartinagit kikipait.

Lukase 6:21

Piloridlarpose ovane ᴋâktose (Gûdib idluarninganik); ilumertaujomârapse. Piloridlarpose ovane ᴋugviortose, ijoromârapse.

Johannese 4:14

Imermigle tunergusiarijaminik uvamnut imerniartok imerungniarungnairpok issoᴋangitomut; imerle tuniniartara tâpsomunga iluane puilavioniarpok imermik, inôtsemut nungusuitomut puilajomik.

Jâkobusib 1:11

Sekᴋinek kiaksôvlune nuilermat, iviksukat ᴋunulerput, nuvugolângillo katakput, tautuallo ânanaudlartok asserudlarpok: taimaktauk akluitok apᴋotimine paneromârivok.

Takotitaunermik 21:4

Kugviornerillo tamaita Gûdib allarterniarpait ijinginit, toᴋolo itsungnairpok, kiksarnermiglônêt, niplianermiglônêt, ânianarnermiglônêt pijokarungnainiarpok; sivorliojut itsungnairmatta.