Takotitaunermik 7:14 - Labrador Inuttitut Heritage Bible

¹⁴ Kiovaralo: Nâlegak, igvit ᴋaujimavat. Ama oᴋautivânga: Ukkua tagva kappianartoksoarmit pijut, annorâtiglo ergortulaukpait, ᴋaᴋorsardlugillo annorâtik Saugârsûb aunganut.

Takotitaunermik 7:14 Iomraidhean Croise

Hiobe 11:16

Tagva siorniornek puigorajarpet, erᴋaumanginersarilugolo immermit ᴋângertomit.

Exodus 37:3

Tâpsomungalo kovisivok nuᴋlunik sitamanik goldeojunik, terreᴋunginêtuksanik sitamane; tagva nuklûk maggûk sanerangane igluane, nuklûglo maggûk sanerangane igluane.

Jesaiase 1:18

Tagva ᴋaititse erᴋartortigêklutalo, Nâlegaᴋ oᴋarpoᴋ: Idluinise aupaluktotut-igalloarmatta, aputitut ᴋaᴋorsititaujomârput; aupaloriktotut aupalugalloarmatta, saukab merᴋungititut-itsomârput.

Daniel 11:35

Silatujullo ilangit oggojomârput sujungaititauᴋovlugit, ivsornaititauᴋovlugillo, ᴋaᴋorsartauᴋovlugillo, naggatiksab naliuniksanga tikidlugo; naliutomut kajusijutaujomut sulli ilingangmat.

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Daniel 7:16

Najornikpunga tagvani nangitut ilanganik, ᴋinuvigivlugolo ᴋaujititaujomavlunga tamakkoa ilûnatik ᴋanoᴋ tukkiᴋarmangâta. Oᴋautivânga tagva, nalonaijaivigivlungalo tukkigijanginik.

Saggaria 13:1

Uvlorme tâpsomane Dâvidekunut Jerusalemiunullo puilavik matoêrtaujomârpok ajortoêrutiksak ivsornairutiksarlo.

Mattêuse 24:21

Uvlunele taipkonane kappiasugviksaᴋaromârpok nelleᴋangitomik, silaksûb pigiarninganit tamanna tikidlugo taimaitoᴋalaungilak, kingornganalo taimaitoᴋarnianginivok.

Markuse 13:19

Uvlune taipkonane kappianartoᴋaromârmat naleᴋangitomik; silab pigiarninganit, taimangat Gûdib inuit pingortilaungmagit, tamanna tikidlugo taimaitoᴋalaungilaᴋ, kingornganelo taimâk angitigijomik kappianartoᴋarnianginivoᴋ.

Johannese 16:33

Tamattominga oᴋautilaukpapse, ulapirsauteᴋarᴋovluse uvamne. Silaksoarme kappiasungneᴋarpose; manigoritsele, silaksoak sâlagivara.

Apostelit Piniarningit 14:22

Ilinniartut tarningit nakoᴋsitipait, kaiblalaitalo okpernermik sorairᴋonagit, kappianartullo unuktut atorlugit Gûdib nâlegauvinganut pijuksaugapta.

Rômiunut 5:3

Taimaituinangilarle, kapianarnerille aglât nertôtigivavut; ᴋaujimagapta kapianarnerit ᴋenuersârtitsingmatta;

I Korintemiunut 6:11

Taimailiulauktut ilapse ilangit; ubvarsimavlusele ivjornaitisimavluselo idluartisimavose, Nâlekab Jêsusib atinganut Gûdiptalo Anerninganut.

II Tessalônikamiunut 1:4

Taimainapse, uvagut aglât nertôtivogut ilipsingnik Gûdib illagêktoᴋotingita akorngane, ᴋenuersârnise okperniselo unangmijaunipsingne tamaine, kappiasuktitaunipsingnelo tukkisijapsingne pivlugit.

Ebrêerinut 13:12

Tamanna pivlugo Jêsusetauᴋ âniatitauvoᴋ itertarviksûb silatâne, inuit ivsornaititsomavlugit aungminut.

Ebrêerinut 9:14

Anginersavaksôjomik tagva Kristusib aungata (ivsornartoᴋarane ingminik Gûdemut tunigame, Anerneᴋ ajungineᴋ issoᴋangitoᴋ pitsartutigilugo) epᴋêjarpait issumavut piniarnernit toᴋonartunit, Gûdemik ômajomik kivgartorᴋovluta.

I Pêtrusib 1:19

Kristusible aunganut erdlingnartomut, saugârsutut sinaungajuitotut ivjornaitotullo ilauᴋtub.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,

Takotitaunermik 12:11

Sâlagidlarpâlle Saugârsûb aunganut, kigligiutsinerijamiglo oᴋausinginut, inôtsitiglo ivlerilaunginamigit toᴋo tikidlugo aglât.

Takotitaunermik 15:2

Takovungalo sorlo imarbingmik igalâksajaujârtomik ikomamik akkulersimajomik, tâpkoalo sâlaᴋalauktut nergjumik adsingoanganiglo, nelunaikutanganiglo, atingatalo kittitanganik nangerput imarbiub igalâksajaujârtub sinâne, Gûdib harfinginik tigumiarlutik.

Takotitaunermik 17:6

Arnarlo tâmna takovara tallatok ivsornaitut aunginut, Jêsusemiglo kigligiutsijut aunginut. Takogapkolo, angijomik tataminiarpunga.

Takotitaunermik 2:9

Piniarnitit ᴋaujimavakka, kappiasungnîllo aklunîllo (akluigalloartotit), mitautaunîllo oᴋartunut Jûdionermingnik taimainatiglo, Sâtanasible ajoᴋertuivinganut ilingavut.

Takotitaunermik 22:14

Piloridlarput perᴋojanginik nâlektut, pitsartuneᴋarᴋovlugit napârtomut ômanartomut, itertarvikullo iterᴋovlugit iglogasaksoarnut.

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;

Takotitaunermik 7:9

Mattoma kingorngane takogivunga, ahâglo, inugasaksoarnik kititaujungnangitunik kimut, nelojunit tamainit, inugasaksoarnillo, ingmigôlingajuniglo oᴋauselingnit, iksivautaᴋsûb sângane nangertunik, Saugârsûblo sângane, annorârsimajunik ᴋaᴋortanik, aggangmingnelo Palminik tigumiarlutik.