Takotitaunermik 7:1 - Labrador Inuttitut Heritage Bible

¹ Makkoa kingorngatigut Engelit sitamat takogivakka, nangertut nunaᴋsûb terreᴋungine sitamane, tigumiartut nunab anoringinik sitamanik, anore anordlerᴋonago nunamut, imânullônêt, napârtullo nalianut.

Takotitaunermik 7:1 Iomraidhean Croise

Jesaiase 11:12

Saimaseromârporlo kattilerutiksaujunik nallojunut, unangmijaujullo Israêlitit kattititsomârpait, siamanggajullo Jûdamiut kattersoromârpait nuaᴋsûb kiglinginit sittamanit.

Jesaiase 27:3

Uvanga Nâlegaujunga udjertorpara, mitsuktitsainarpara, sujuktitsijoᴋarᴋonago uvloᴋarninganelo unnuaᴋarninganelo udjertorpara.

Jesaiase 27:8

Nãmatuinartomik pidlarpattit taipsomane, avigavit taipkonangat. Nuktipait anorersoarmut, uarngnartillugo.

Jeremia 49:36

Elamemullo tikiutitsomavakka anorit sittamat ᴋilaub issunginit sittamanit, anorinullo tâpkonunga tamainut siamartitsomavakka; inôᴋatigêksoaᴋarniangilarlo tikitaulungitunik Elamemit ᴋemâtitaujunut.

Hesekiel 37:9

Oᴋautivângalo: Anerneᴋ nelautaivigiuk, nelautailerit, inûb erninga, anernerlo oᴋautiuk: Imâk oᴋarpoᴋ Nâlegaᴋ Nâlegaujoᴋ: Anordlervingnit sittamanit ᴋaigit, anerneᴋ, ukkoalo toᴋungajut suporkit ômarᴋovlugit.

Hesekiel 7:2

Igvillo, inûb erninga, imâk, oᴋarpoᴋ Nâlegaᴋ Nâlegaujoᴋ Israêlib nunanganut; Naggatiksaᴋ, naggatiksaᴋ tikipoᴋ nunab terreᴋunginut sittamanut.

Daniel 11:4

Nikovisimalerpalli ataniovinga siᴋomitaujomârpoᴋ, avgorlugo ᴋilaub anoringinut sitamanut; kinguvânginu-ungitorli, atanioninilônêt atanionirilauᴋtani maliklugo-ungitoᴋ; ataniovingali tigujaujomârmat, tâpkoa assinginut pijaksauvluni.

Daniel 7:2

Danielilo niplipoᴋ oᴋarlunilo: Unnuarmi takotitjutipkut takovunga, ahâglo, ᴋilaub anoringit sitamat imarbiksoarmut tikiput.

Daniel 8:8

Tuktungajorlo parngniᴋ nitortipoᴋ nangminiminik angijoᴋsoarmik; nukkiᴋaluangotilugolo, nakjuksoaᴋ nakarpoᴋ; tâmnali inangilugo nakjut pirosimatsiartut sitamat nuiliput ᴋilaub anoringit sitamat sângalugit.

Jona 1:4

Nâlekable anoresoaᴋ tikitipâ imarbingmut, aᴋᴋunaᴋsoangolerporlo imarbingme, umiaᴋsoarlo asserortauniarasugivât.

Saggaria 6:1

Ijikka arlortilerivâka ama tautuklungalo, ahâglo, ᴋamutit unatautit sitamat allakarput ᴋaᴋaksoâk maggûk akorngangnit; ᴋaᴋaksoâglo ᴋaᴋorliovûk.

Saggaria 6:5

Engeliblo akivânga oᴋarlunelo: Makoa tagva ᴋilaub anoringit sitamat, noᴋangaᴋârlutik nunaksûb ilûnane Nâlegangata sângane anilertut.

Mattêuse 24:31

Engelinalo tilijomârpait tiptulautilijartut nipperᴋortojunik; anerijangillo katitilugit anorenit sitamanit, ᴋilaub issuanit issuanut.

Markuse 13:27

Engelinelo tilijomârpait, katitilugillo anerijane anorenit sitamanit, nunab issuanit ᴋilaub issuanut.

Takotitaunermik 20:8

Aijomârlunelo nelojut tamartitsartorlugit nunaksûb terreᴋunginêtut sitamane, Goglo Magoglo katitiniardlugit sorsugiartorᴋovlugit, siorᴋatitut imarbiub kiglinganêtutitut unuktigijut.

Takotitaunermik 6:6

Nippemiglo tussarpunga ômajut taipkoa sitamat akornganit oᴋartomik: sanaugaksat, ôktût atausiardlugo, kênaujârsungmik atautsemik akkeᴋarlit, sanaugâluksallo, ôktût pingasuertorlugo, kênaujârsungmik atautsemik akᴋeᴋarlît, orᴋsorle vainelo asserorniarnagik!

Takotitaunermik 7:3

Oᴋarlunelo: Nuna akᴋunarniarnago, imârbiglônêt napârtullônêt, Gûdipta kivgangit naᴋitjutilugit (nelunaikuserdlugit) ᴋaungitigut perᴋârtinata.

Takotitaunermik 8:7

Engelillo sivorlingat tiptulausijarpok. Nettaᴋonalerpok tagva, ikomamiglo aungmiglo akusimajungnik nunamut kataktoᴋarpok. Kataktoᴋarpok. Napârtullo pingasuilivlugit pingajuingit ikitauvut nungudlugit, (nunablo) nutaijoktungit ilûnatik nungutauvut.

Takotitaunermik 9:14

Tamattoma Engelit 6 ingat tiptulautilik oᴋarvigivâ: ᴋelarutjâkit Engelit ipkoa sitamat ᴋelaksorsimajut kôksûb Eufratib saniane.

Takotitaunermik 9:4

Oᴋautjauvullo, iviksukat nunamêtut, nutaijoktullônêt, napârtullônêt asserorlugit perᴋonagit, inuille kissêta, Gûdib naᴋitjutânik ᴋaungmiuteᴋangitut.