Takotitaunermik 6:8 - Labrador Inuttitut Heritage Bible

⁸ Takogivunga, ahâglo, horsemik ᴋataktângajomik; tâpsomalo ᴋânganêtok toᴋomik ateᴋartok, tâᴋtoksûblo (toᴋungajut iningata) malikpâ. Tâpkoalo ajugautitauvut nunamêtut sitamaulivlugit sitamaingit toᴋoniardlugit, saviksoarmullo, kângnermullo, toᴋonartomullo, pisuktinullo nunamêtunut.

Takotitaunermik 6:8 Iomraidhean Croise

Salomob Okâl 5:5

Itigangit akpangerput ununga toᴋomut, ainingillo torarput kappianartovingmut.

Jesaiase 25:8

Toᴋo nungutitsomârpâ issoᴋangitomut, Nâlekablo Gûdib allarteromârpait ᴋugvit kênarnit tamainit, inuᴋotimelo nachonautingat pêjaromârpâ nunane tamaine, Nâlegaᴋ taimak oᴋarmat.

Jeremia 14:12

Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Jeremia 16:16

Ahâk, aulasartunik unuktunik tilikleromavunga, Nâlagaᴋ oᴋarpoᴋ, tâpkoalo aulasaromârput tâpkoninga; kingornganalo tilikleromavunga ômajoᴋsiortunik unuktunik, tâpkoalo pinasualârpait ᴋaᴋᴋane tamaine, ᴋaᴋᴋârulangnalo tamaine, ᴋairosungnalo tamaine.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 24:10

Saviksoarlo, kângnartoᴋsoarlo, nusilingnartorlo tilijomavakka tâpkoa akornganut, nungutauᴋovlugit nunamit tunilauᴋtamnit tâpkonunga atâtagilauᴋtanginullo.

Jeremia 29:17

Imâk oᴋarpoᴋ Nâlagaᴋ Zebaot: Ahâk, tilikliutjijomavunga tâpkonunga saviksoarmik, kângnartoksoarmiglo, nusilingnartomiglo, ilingatitsomavakkalo paungatannaktitut piungitutitut nerrijaujungnangitutitut, taimak piungitigigamik.

Jeremia 43:11

Tikituksauvorlo nunalo Egipten sâlagilugo; toᴋomullo pijuksat tunijaujomârput toᴋomut, aularutijaunermut pijuksat aularutijaunermut, saviksoarmullo pijuksat saviksoarmut.

Hesekiel 29:5

Kemagomârpagillo egitauguvit sunaᴋajuitomut, igvillo kôksoavillo mingeriangit ilûnatik; katagomârpose nunab ᴋânganut; katitaujomângilase kiviktaugaselônêt; nerᴋiksautipapse nunab nergjutinginut, kilaublo ikkiangata tingmianginut.

Hesekiel 5:12

Aviksimajavit pingajuangit toᴋojuksaulârput nûsilingnartomut, perlernermullo nungulârput ilingne; pingajuangillo amatoᴋolârput avatingne; amalo pingajuangit siamartilârpakka anorenut tamainut, kingorninginelo saviksoaᴋ amujomavara.

Hosea 13:14

Kelujomavakka iluviub pitsartuninganit; satôromavakka toᴋᴋomit; toᴋᴋo, kapianarnît naûk? Iluveᴋ, asserorsainît naûk? ᴋaᴋialerneᴋ ijersimalârpoᴋ ijimnut.

Habakûb 2:5

Ilâ, vaine uivêrijaunarpoᴋ, piojorititsilune inungmik, angergarme ᴋikarviᴋartailititsilune; pijomatudlarninga nerrototipâ toᴋungajut iningatut ilingatilugo, toᴋotut silititaujungnangilaᴋ, inôᴋatigêksuille tamaita ingminut katersorpait, inuillo tamaita ingminut pitipait.

Saggaria 6:3

ᴋamutit pingajuat horseᴋarpok ᴋaᴋortanik; ᴋamutillo sitamangat horseᴋarpok sinarnalaringnik.

Mattêuse 11:23

Igvillo Kapernaum, ᴋangatarsimajotit ᴋilak tikidlugo, kappianartovingmut kanunga ajaktortaujomârpotit. Sodomame taimâk angitigijunik tatamnartokalaukpat, sorlo ilipsingne, sulle uvlome asserortautailinajalaukput.

Mattêuse 24:7

Inuᴋatigêt inuᴋatigênut assimingnut sorᴋsugomârmatta, ataniovingmiullo, ataniovingmiunut assimingnut; kângnartoksoarmiglo ᴋanimaluâlungnartomiglo pijoᴋaromârpok, nunallo sunatuinarme sajukpilugomârput.

I Korintemiunut 15:55

Toᴋo êjauvok sâlaᴋarnermut. Toᴋo, kapputit naûk? Kappianartovik, sâlaᴋarnît naûk?

Takotitaunermik 1:18

Omavlungalo. Toᴋolaukpunga, ahâk, inôvunga issoᴋangitomit issoᴋangitomut, tâᴋtoksoarmullo (anernerit ininganut) oᴋomullo pêruteᴋarpunga.

Takotitaunermik 12:4

Pamiominullo uvloritjat pingasuililugit pingajuingit nusukpait, nunamullo egidlugit. Kuglugiaksoarâluglo tâmna arnab ernisuktub sânganut pivok, ernijarêtuarpat, ᴋitornganga nerrijomavlugo.

Takotitaunermik 9:15

Engelillo taipkoa sitamat ᴋelarutjârtauvut, opalungairsimajut, stunde, uvlok, takᴋek, jâre neliutituarpatta, inuit pingasuililugit pingajuingit toᴋodlugit.

Takotitaunermik 9:18

Pingasunut tâpkonunga inuit pingasuililugit pingajuingit toᴋotauvut, ikomamullo iserlungmullo, orᴋsorutemullo ᴋaninginit anijunut.