Takotitaunermik 6:15 - Labrador Inuttitut Heritage Bible

¹⁵ Atanîllo nunamêtut, nâlegaᴋsuillo akluitoksuillo, Angajoᴋâviksuillo, sôngojullo kivgaujullo, kivgaungitullo ilûnatik ijeriartorput ᴋairosungnelo ᴋakᴋallo ᴋongnângine,

Takotitaunermik 6:15 Iomraidhean Croise

Genesis 3:8

Gudiblo Nâlekab nippinga tussarpâk perorsêvingme arvertarmat uvloᴋ niglalertilugo. Tagva Adame nuliangalo Gûdib Nâlekab kênanganit ijeriartorpuk napârtut perorsêvingmêtut akorngannut.

Imgerut 76:12

Attannernik maksoajungnaititsijomut, sivôranartomullo attannersoarnut nuname.

Jesaiase 2:10

Kairtomut morjulerit ijertorlutillo ivjomut Nâlekab sivoranarninganit pitsartujoᴋsôninganillo opinadlartomit.

Jesaiase 2:19

Kairtut ᴋairosunginut nunablo ittersanginut aijomârput, Nâlekab sivoranarninganit pitsartujoᴋsôninganillo opinadlartomit (ᴋemâvlutik), nikkovilerpat, nunaᴋsoaᴋ sajukpiluktitsomavlugo.

Jesaiase 2:21

Pullajomavlutiglo ᴋairtut ᴋongnânginut ᴋairosunginullo Nâlekab sivoranarninganit pitsartujoᴋsôninganillo opinadlartomit, nikkovilerpat, nunaᴋsoaᴋ sajukpiluktitsomavlugo.

Jesaiase 42:22

Ukkoale inugiarput tigliktaumajut, aᴋsârnigaujut, ᴋairosungnẽput ᴋellaᴋsortauvlutik, ijersimavut parngnanairsimavingne. Aᴋsârnigauvut piuliklerteᴋaratiglo, tigujauvut oᴋartoᴋangilarlo: Uttertikit!

Migga 7:17

Kuglugiaᴋsoatut ivjomik aluktoromârput; pâmgortutitut nuname sajuklutik anijomârput pulavingmingnit; sivôravlutik tikilârput Nâlekamut Gudiptingnut, erᴋsilutiglo igvit pivlutit.

Ebrêerinut 11:38

Silaᴋsûb inungita nelopᴋotijutigijaksarilauᴋtangit, arvertalauᴋput siorniorlutik inuᴋajuitune ᴋaᴋᴋanelo, nunablo ᴋongnângine ᴋairosunginelo.

Takotitaunermik 18:23

Nennerutiblo ᴋaumaninganut ᴋaumaksaijoᴋarungnainiarivok ilipsingne, uiksablo nuliaksablo nippingit tussartaujungnainiarivut ilipsingne. Niuvertut ilipsingne angajoᴋâksoangolaungmatta nuname, angakonipsingnut nelojut tamaita tamartitaulaungmatta.

Idluarsaijut 6:2

Midianiterillo aggangit songoluarlaungmatta Israelitinut, Israelib ᴋitorngangit sanavut ingmingnut ittersanik ᴋakᴋane, ᴋairosungniglo, ineniglo avaluksoalingnik.

I Samuel 13:6

Israelib angutingita tamanna takkolauramitsuk, kappianartovingmênamik, (innugatsuit kappiasudlaramik) ijerput ᴋairosungne, kôrᴋunelo, ᴋairtunelo, ittersanelo, îttersâlungnelo.