Takotitaunermik 6:14 - Labrador Inuttitut Heritage Bible

¹⁴ Kilaglo ᴋemâvok, sorlo aglait imusersimajut, ᴋakᴋallo, ᴋikertallo ilûnaita nûtaulerput inimingnit.

Takotitaunermik 6:14 Iomraidhean Croise

Imgerut 102:26

Tâpkoa nungujomârput, igville itsainaromârpotit. Illûnatik nutaungitôvalliajomârput ulliktut; âblatsângoromârput anorâktut, igvit âblatsângortitsomârungne.

Jesaiase 34:4

Kilaub pitangit illunamasiatik auniojomârput, ᴋilaillo immujaujomârput aglaktitut, pitangillo illunamasiatik ᴋunnorleromârput, sôrlo napârtub vaineliksab millukatangit ᴋunnorlerpangmatta, millukataktullo pannertotut napârtome faigeliksame.

Jesaiase 54:10

Kaᴋᴋat nuktilerpattalõnêt, ᴋaᴋᴋârulaillo aulajârpattalõnêt, nâpkigosungnera nukteromângilaᴋ illingnit, angerneralo ullapirsartaumanimnik aulajâromânginivoᴋ, oᴋarpoᴋ Nâlegaᴋ nâpkigijit.

Jeremia 3:23

Nalautsivoᴋ ila, ikajorneᴋ nerriugijaujoᴋ ᴋaᴋᴋanit, inugasaksuit pervaludlarningat ᴋaᴋᴋane, sulitsangimat. Nalautsivoᴋ ila, Israêlib piulijauningat Nâlakamêngmat Gudiptingne.

Jeremia 51:25

Ahâk, ᴋaᴋᴋaᴋsoangojotit asseroijotit, silaᴋsoarmik ilûnânik asseroijotit, akkerartorpagit, oᴋarpoᴋ Nâlagaᴋ; aggakkalo issagomârpakka ilingnut; imnanillo aksakâtitsomârpagit, ᴋaᴋᴋaᴋsoangortitsômârpagillo ikisimajoᴋ.

Hesekiel 38:20

Mingeriat imânêtut, tingmiat ᴋilaub ikianganêtut, nergjutillo naternamêtut, pâmgortullo ilûnatik pâmgorpaktut nunab ᴋângane, inuillo ilûnatik nunab ᴋânganêtut, sajugomârmatta kênama sângane, ᴋaᴋᴋallo oggotitaujomârput, imnallo katararomârput, ᴋarmallo ilûnatik nunamut oggojomârput.

Nahum 1:5

ᴋaᴋaksuit sajukput sângane, ᴋaᴋallo auksivut; tâpsoma najorningane nuna aulajâdlarpok, ilâ, silaksoak, tamaitalo tagvane ineᴋartut.

Habakûb 3:10

Takolutit ᴋaᴋaksuit ôlikput; imersuit iktulijartut ᴋângerput: itinersûb nipinne anivâ, agganelo ᴋongmuartipait.

Habakûb 3:6

Nangilauᴋpoᴋ nunaᴋsoarlo ôktorpa; taᴋosarpoᴋ, inôᴋatigêksuillo siamartipait; ᴋaᴋaksuillo isoᴋangitomit isoᴋangitomut pijut serᴋalijauvut, ᴋaᴋallo nungusuitut okᴋovut; tâpsoma apᴋotingit soᴋosijuitôvut.

II Pêtrusib 3:10

Nâlekable uvluksanga neliutsomârpoᴋ sorlo tigliktotut unnuaᴋsiortotut; taipsomane ᴋilait nungujomârput serᴋorpaludlarlutik, pingortitalle ônartovaksoarmut aumajomârput, nunalo perᴋutingillo ikoâlanermut nungutaujomârput.

Takotitaunermik 16:20

Kikkertallo ilunatik ᴋemâvut, ᴋakᴋaniglo Nagvârtoᴋangilak.

Takotitaunermik 20:11

Iksivautaksoarmiglo ᴋaᴋortamik takogivunga, tâpsomanelo iksivajomik; tâpsoma kênanganit nunalo ᴋilaglo ᴋemâvuk, tâpkungnungalo iniksamik nagvârtoᴋangilak.

Takotitaunermik 21:1

ᴋilangmiglo nutâmik, nunamiglo nutâmik takogivunga. ᴋilak sivorlek nunalo sivorlek pêrmanik, imarbiglo itsungnairivok.