Takotitaunermik 6:13 - Labrador Inuttitut Heritage Bible

¹³ Kilaublo uvloriangit nunamut katakput, sorlo aᴋpit aᴋpiᴋutinit katangmatta anorersoarmut aulataujaraigamik.

Takotitaunermik 6:13 Iomraidhean Croise

Hiobe 15:33

Katterainiarpok perortuminik nappârtotut Weineliksatut paungaminik piungitunik, nappârtotullo orksuliktut nuvugolârgminik.

Jesaiase 13:10

Kilaub uvloriangit siaktungillo ᴋaumanarungnairput, seᴋᴋinerlo târlune nuilerpoᴋ, taᴋᴋerlo ᴋaumangilaᴋ.

Jesaiase 33:9

Nuna takkorannêdlune pannerpoᴋ, Libanone takkominaidlune erᴋivoᴋ, Sâronelo naternauvoᴋ perortoᴋangitoᴋ, Bâsanelo Karmelelo merᴋoᴋarungnairpuk.

Jesaiase 34:4

Kilaub pitangit illunamasiatik auniojomârput, ᴋilaillo immujaujomârput aglaktitut, pitangillo illunamasiatik ᴋunnorleromârput, sôrlo napârtub vaineliksab millukatangit ᴋunnorlerpangmatta, millukataktullo pannertotut napârtome faigeliksame.

Jesaiase 7:2

Dâvidiblo kinguvângit oᴋautjauvut imâk: Siriamiut Efraimeme tangmârput. Tagva attaniub õmatinga inuᴋotingitalo õmatingit sajukput napârtutitut aulataujutitut anoremut napârtoliksoarme.

Hesekiel 32:7

Kamikupkillo ᴋilak uligomârpara, uvloriangillo tâᴋtungorlugit; seᴋineᴋ uligomârpara nuvujanut, taᴋᴋiublo ᴋaumanine saᴋᴋijârtiniangilâ.

Daniel 4:14

Nippiᴋortojomik ᴋaigarsukpoᴋ, oᴋarluni imâk: Napârtoᴋ kipisiuk, akkirungillo nakkasigik, milukatangillo pêjarsigik, paungangillo siamartisigik; nigjutit nûlit atânit, tingmiallo akkirunginit.

Daniel 8:10

Angijororporlo ᴋilaub katimgajoᴋsoangit tikidlugit aglât; katimgajoᴋsuillo ilangit uvloritjallo ilangit nunamut igipait tullirajârlugillo.

Joel 2:31

Seᴋineᴋ ablatsangoromârpoᴋ tâᴋtomut, taᴋᴋerlo aungmut, Nâlekab uvloᴋsoanga sivôranartoᴋ neliutiᴋârtinago.

Nahum 3:12

Ungalujijoksoatit ilûnatik napârtutitut paungatannaktaliktutitut pijariorutinik ilingavut, aulajârtitaugunik katakput kâdlartûb ᴋaninganut.

Mattêuse 24:29

Uvlulle taipkoa kappianartut kingorngatigut seᴋinerlo takᴋerlo ᴋaumajungnairomârpuk, uvloritjallo katagomârput ᴋilangmit, Kilaublo pitsartuningit aulataujomârput.

Markuse 13:25

Uvloritjallo katagomârput ᴋilangmit, ᴋilaublo pitsartuningit aulataujomârput.

Lukase 21:25

Seᴋinerlo, takᴋerlo, uvloritjallo nelunaikutaᴋaromârput; inuillo nunamêtut erᴋsinermut sivôradlaromârput; imarbiksoarlo malliksuavaksuillo iktulijâromârput.

Takotitaunermik 9:1

Engelillo tallimangat tiptulausijarpok. Uvloriak tagva takovara ᴋilangmit kataktok nunamut; tâmna tunitsiviolerpok pêrumik netteᴋangitomut.