Takotitaunermik 5:9 - Labrador Inuttitut Heritage Bible

⁹ Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;

Takotitaunermik 5:9 Iomraidhean Croise

Imgerut 144:9

Gûde imgerusertâmik imgervigijomavagit; nipliajorvigijomavagit Psalteremut noᴋatilimut tallimaujortunnik.

Imgerut 149:1

Hallêluja. Nalegak imgervigissiuk imgerusertâmik, nertortauninganik ivsornaitut illagêngninginne.

Imgerut 33:3

Imgervigissiuk imgerusertâmik; namaktomik pinniarsiuk noakseralingnut, angijomik nippelingmut.

Imgerut 40:3

Imgerusertâmiglo tunnitsivigilaukpânga ᴋannimnut Gûdivut nertorlugo. Unnuktut tamanna takkojomârpât Nâlegarlo sivuragijomârpât nerriugilugolo.

Imgerut 96:1

Imgerusertamik Nâlegak imgervigissiuk; sillaksoarmiut illûnatik imgervigilitsuk.

Imgerut 98:1

Imgerusertamik Nâlegak imgervigissiuk, tâmna tattamnartullingmat. Sâlaᴋarpok tallerpingminut, tallerminullo ivsornaitomut.

Jesaiase 42:10

Imgerumik nutâmik imgeritse Nâlekamut; opigisiuk nunaᴋsûb kiglinginit, illipse imarbiksiortose imaᴋsûb illuanẽtullo, ᴋikkertat nunaᴋartullo tâpkonane.

Daniel 3:4

Oᴋâlajorlo nippiᴋortovluni nipliavoᴋ: Oᴋoksi ilipsi inôᴋatigêngojosi nunaᴋatigêngojosilo oᴋausiᴋatigêngojosilo.

Daniel 4:1

Atanik Nebukadnezar inôᴋatigênut, nunaᴋatigênullo, oᴋausiᴋatigênullo tamainut nunani tamaini iniᴋartunut: Ulapirᴋsautiᴋarnisi angijororpaliali!

Daniel 5:19

Anginilo tâpsomunga tunijanga pivlugo, inôᴋatigêt, nunaᴋatigêllo, oᴋausiᴋatigêllo ilûnatik sajukput sivôralutiglo tâpsoma sângani; issumaminik toᴋopait, issumaminik inôᴋôvait; issumaminik ᴋagvartipait, issumaminiglo nikanarsârtipait.

Daniel 6:25

Ataniub Dariusib tagva inôᴋatigêt, nunaᴋatigêllo oᴋausiᴋatigêllo tamaita, nunani tamaini iniᴋartut, aglarvigivait: Ulapirᴋsaut aglivaliali ilipsingnut.

Mattêuse 20:28

Sorlo Inûb Erninga tikingimat, kivgartortaujomavlune, kivgartoriartorlunele, inôserminiglo tunijivlune unuktut piulijaujutiksanganik.

Mattêuse 26:28

Tagva auga, Testamentitâb (aunga), kovijauniartok unuktut pivlugit, ajornerit issumagijaujungnairutiksanginut.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

I Korintemiunut 6:20

Akkitudlartomik pisiangomagapse: taimaimat Gûde nertorsiuk timipsingne tarnipsingnelo, Gûdib tamakkoa perᴋutigingmagit.

I Korintemiunut 7:23

Akkitudlartomik pisiangovose; kivgauniarase inungnut.

Efêsusemiunut 1:7

Tâpsomane piulijauviksaᴋarapta aunganut, tamadja ajornernit issumagijaujungnainermik, saimarsaumik akluiningagut;

Efêsusemiunut 5:19

Oᴋaᴋatigêngniaritselo imgerutinut nertordlerutiksanut tuksiarutsinullo anernilingnut, imgerdluselo nipjausijaritse Nâlekamut ômatipsingne.

Kolossamiunut 1:14

Tâpsomane piulijauviksaᴋarapta aunganut, tamadja ajornernit issumagijaujungnainermik.

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Ebrêerinut 11:14

Taimaitomik oᴋartut nelonailivut, nunagimaringniartamingnik nunaksarsioramik.

II Pêtrusib 2:1

Nelangaitunigle nelautaijoᴋalaurivoᴋtauᴋ inuit akorngane, sorlotauᴋ ajoᴋertuijut nelangaitut akunapsingnêtsomârmatta. Taipkoa seniagut ajoᴋertûtsinik pititsijomârput asserornartunik, Nâlegarlo misiarutigijomârpât pisiarijigilauktatik; ingmingnut pititsivlutik asserudlautiksamik tagvainârtomik.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

I Johannesib 2:2

Tâmnalo ullapirsautauvoᴋ ajornivut pivlugit; ajornivulli kissêtaungitut, silaᴋsoarmiullitauᴋ ilûnatik ajorningit pivlugit.

Takotitaunermik 10:11

Oᴋautivângalo: Ama nelautaijuksaugivotit inugasaksoarnut, nelojunullo, ingmigôlingajuniglo oᴋauselingnut, atanernullo unuktunut.

Takotitaunermik 11:9

Inugasaksuillo, inuᴋatigêllo ingmigôlingajuniglo oᴋausilit, nelojullo illangita timîgik toᴋungajûk takojomârpakit uvlune pingasune, sitamangata ᴋoppanga tikidlugo, ilijauᴋojomanagiglo timîgik toᴋungajûk iluvermut.

Takotitaunermik 13:7

Perᴋojaugivorlo ivsornaitut sorsugvigilugit sâlagilugillo; pitsartuneᴋarvigivlugillo kinguvârêt ilûnaita, ingmigôlingajuniglo oᴋausilit nelojullo.

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 14:6

Engelemiglo takogivunga ᴋilaub ᴋerᴋagut tingijomik, oᴋautsinik tussarnertunik soraingitunik pilingmik, oᴋautigijaksanik nuname nunaᴋartunut, nelojunullo, ingmigôlingajuniglo oᴋauselingnut, inungnullo tamainut;

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.

Takotitaunermik 17:15

Engeliblo oᴋarvigivânga: Imeksuit takojatit, anguniartub iksivavigijangit, tagga inugasaksuit, katimajoksuillo, nelojullo, ingmigôlingajuniglo oᴋausilit.

Takotitaunermik 4:11

Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.

Takotitaunermik 5:12

Nippersoarmullo oᴋarput: Saugârsuk toᴋotaujok nelopᴋotingivitôjok pigivlugit pitsartunerlo, akluinerlo, silatunerlo, sôngonerlo, nâlengnarnerlo, nertornarnerlo, nakorijaunerlo.

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.