Takotitaunermik 5:6 - Labrador Inuttitut Heritage Bible

⁶ Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.

Takotitaunermik 5:6 Iomraidhean Croise

II Kronika 16:9

Nalekab ijikita nunat illunaita tautungmattigik, pitsartutitsiᴋovlugo tapᴋoninga, omamut tamânut ungajunik tapsomunga. Sillaitomik pinniarlaukpotit; tamanna pivlugo mannamit unatadlartoᴋarniarpotit.

Daniel 7:14

Tunitjiviovorlo nâlegaunimik, ânanaunimiglo, ataniovingmiglo, inôᴋatigêt, nunaᴋatigêllo, oᴋausiᴋatigêllo ilûnatik kivgartorᴋovlugit tâpsominga; nâligauninga nâligauniovoᴋ issoᴋangitoᴋ, sorairniangilaᴋ, atanioningalo assirotauniatsangilaᴋ.

Daniel 8:3

Ijîkkalo arlortipâka takolungalo, ahâglo, kôb nalâni saugaᴋ parngniᴋ maggungnik nakjulik nangipoᴋ; nakjuglo poᴋtovuk; aipâli poᴋtoluarpoᴋ aipaminit, poᴋtonisarlo kingorliovluni nuitavoᴋ.

Migga 4:13

Nikovigit katijuklutillo, Zionib paninga; nakjut kikiangortitsomârapko, itikatillo ᴋaᴋorlingordlugit; inôᴋatigêksuillo unuktut serᴋalilârpatit, akluiningillo ilingatilârpatit Nâlekamut, perᴋutingillo silaksûb ilûnangata Nâleganganut.

Habakûb 3:4

Âkᴋisungningalo ᴋaumanertun-ipoᴋ; issagutâᴋarpoᴋ agganginit anijunik; tâpkonanelo pitsartuninga ijersimavoᴋ.

Saggaria 3:9

Ahâk, ujaraᴋ Josuab sânganut ilijara; ujarame tâpsomane ijeᴋarpoᴋ 7nik: ahâk, uvanga aglangit aglakpakka, oᴋarpoᴋ Nâlegaᴋ Zebaot, nunablo tâpsoma idluituliningit pêjaromavakka uvloinarme.

Saggaria 4:10

Kia pijariakitut uvlungat naggogivaûk? Tâpkoa ᴋuviasudlaromârmatta, takojomâramik kivimik Serûbabelib agganginêtomik, ilâ, taipkoa 7ojut Nâlekab ijigijangit; tâpkoa utitaᴋattarput nunaᴋsoaᴋ nâvlugo.

Numbers 7:39

Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

Numbers 7:57

Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

Lukase 1:69

Nuilertitsivigingmatigut nagjumik puiliklertiksamik kivgame Dâvidib iglungane,

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Johannese 1:36

Jêsuselo arvertartok takogamiuk, oᴋarpok Ahâk, tagga Gûdib saugârsunga!

Apostelit Piniarningit 8:32

Aglaillo atuartangit imaiput: Tassiortauvok saugaktut toᴋotauvingminut, saugâraktullo niplingitotut salijiminut, taimaktauk tâpsoma ᴋanine aitalaungilâlônêt;

Takotitaunermik 1:4

Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;

Takotitaunermik 12:11

Sâlagidlarpâlle Saugârsûb aunganut, kigligiutsinerijamiglo oᴋausinginut, inôtsitiglo ivlerilaunginamigit toᴋo tikidlugo aglât.

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 14:1

Ama takogivunga Saugârsungmik Zionib ᴋakᴋangane nangertomik tâpsomalo 144,000 it illagivait, tâpkoalo ᴋaungine aglaksimajokarpok tâpsoma atâtangata atinganik.

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.

Takotitaunermik 21:22

Tempelemiglo tâpkonane takungilanga; Nâlegak Gûde ajugaᴋangitovitôjok Saugârsuglo Tempelegingmagik.

Takotitaunermik 21:23

Iglugasaksuillo seᴋinermut takᴋermullônêt ᴋaumarsartaujariaᴋangilat; Gûdib ânanauningata ᴋaumartingmagit, Saugârsuglo ᴋaumautigivât.

Takotitaunermik 22:1

Unertuivorlo uvamnut kôngmik issungitomik, ômanartomik imalingmik, alligoᴋtut ᴋaumatigijomik; tâmna anivok Gûdib Saugârsûblo iksivautaksoanganit.

Takotitaunermik 22:3

Ominartoᴋarungnairivok, Gûdiblo Saugârsûblo iksivautaksoâgik tâpkonanêtsomârpuk, kivgangitalo kivgartoromârpât,

Takotitaunermik 4:8

Omajullo tâpkoa sitamat atunit isaroᴋarput pingasujortunik, ilumikullo ilûnâne ijilit, inilangajungnangerput uvlôtilugo unnuamelo, oᴋarlutik: Hailig, Hailig, Hailigeovok Gûde Nâlegak, ajugaᴋangitovitôjok, ilauktok, tamattomanêtorlo, ᴋaijomârtorlo.

Takotitaunermik 5:11

Takogivunga, nippemiglo tussarlunga Engelivaksoarnit iksivautaᴋsûb avatânit, ômajullo avatânit, angajoᴋaunerôjullo avatânit; unurningillo tentausendit tentausendêrtorlutiglo, tausendillo tausendêrtulaukput,

Takotitaunermik 5:12

Nippersoarmullo oᴋarput: Saugârsuk toᴋotaujok nelopᴋotingivitôjok pigivlugit pitsartunerlo, akluinerlo, silatunerlo, sôngonerlo, nâlengnarnerlo, nertornarnerlo, nakorijaunerlo.

Takotitaunermik 5:13

Pingortitallo ilûnamasiatik, ᴋilangmiullo nunamiullo nunab atânêtullo, imarbiublo iluanêtut tamaita tussarpakka oᴋauseᴋartut: Iksivautaksoarme iksivajok Saugârsuglo ᴋujanarsilîk nâlengnarsilutiglo nertornarsilutiglo, ajugauviojotôvlutik issoᴋangitomit issoᴋangitomut.

Takotitaunermik 5:14

Omajullo sitamat oᴋarput: Amen. Angajoᴋaunerôjullo 24 it pâmakterdlutik tuksiarvigivât issoᴋangitomit issoᴋangitomut ômatsainartok.

Takotitaunermik 6:16

Oᴋarlutiglo ᴋakᴋanut imnaksoarnullo: Sitorvigitigut mattuvluta iksivautaᴋsoarme ijsivajub kênanganit, Saugârsublo ningausinganit,

I Samuel 2:10

Annârtortut Nalekamik sutairtuksauvut; ᴋollingine kallertitsiniarpok ᴋillangme. Nalekab sillaksub issua erᴋartoromârpa, attaneᴋotinelo pitsartuneᴋartitsomârpa, kangatartitsomârlugolo saimartitame naksunga.