Takotitaunermik 5:11 - Labrador Inuttitut Heritage Bible

¹¹ Takogivunga, nippemiglo tussarlunga Engelivaksoarnit iksivautaᴋsûb avatânit, ômajullo avatânit, angajoᴋaunerôjullo avatânit; unurningillo tentausendit tentausendêrtorlutiglo, tausendillo tausendêrtulaukput,

Takotitaunermik 5:11 Iomraidhean Croise

I Atannit 22:19

Tamnalo oᴋarpok: Tamânna pivlugo tusarᴋit mânna Nâlekab oᴋausingit: Nâlegak takkolaukpara iksivatillugo iksivautaksoarmine, ᴋillangmiugaseksuillo ilûnnamasiatik nangertillugit saniane, tallerpiane, saumianelo.

Imgerut 103:20

Nâlegak nertorsiuk, illipse Engeleᴋotingit, sôngojoksôjose, perᴋojanginnik pinniartose, oᴋausingita nippingat tussartauᴋovlugo.

Imgerut 148:2

Engelingit illûnase nertorsiuk; kattimgajoᴋotingit illûnase nertorsiuk.

Imgerut 68:17

Gûdib aksalloaleᴋotingit, tausendit tausendertorlugit unnuktigijôvut; Nâlegak tâpkoa akkornganêpok Sinaimêtut ivsornaitome sorlo.

Daniel 7:10

Sânganit aularluni kôk ikomainaujoᴋ kôkpoᴋ; tausendit tausenditorlugit kivgartorpât, 10tausendillo 10tausenditorlugit nangiput sângani; iᴋartuivik pigiarpoᴋ, aglaillo makpitauvut.

Deuteronomy 33:2

Oᴋarporlo: Nâlegak Sinaimit tikipok, Seiremit tâpkonunga nuisimavlune; issagutârpok Pâranib ᴋakᴋanganit, tikiporlo ivsornaitut ten tausendit ilagilugit; talerpiane perᴋojaᴋarpok ikomaujârtunik tâpkonunga.

Ebrêerinut 12:22

Ilipsele Zionib ᴋaᴋᴋanganut tikisimavose, Gûdiblo ômajub iglugasaksoanginut, Jerusalemut ᴋilangmêtomut, Engelillo tausendeoᴋattartut unuktoᴋsôninginut,

Jûdasib 1:14

Enogele aglât, Adamemit 7 iojoᴋ, nelautailerivoᴋ tâpkoninga, oᴋarame: Ahâk, Nâlegaᴋ aggerpoᴋ ivjornaitut unuktoksuit tausendeoᴋattartut illagilugit,

Takotitaunermik 19:6

Inugasaksuillo nippingit tussarpakka, kôksûb nippingatut, kallûblo angijoksûb nippingatut oᴋartut: Hallêluja! Gûdib ajugaᴋangitovitôjub nâlegauvik pigingmago.

Takotitaunermik 4:4

Iksivautallo 24 it iksivautaksoak ilumavât, iksivautanelo tâpkonane angajoᴋaunerôjut 24 it iksivavut, ᴋaᴋortanik annorâlit, niaᴋomingnelo niaᴋôteᴋarlutik goldinik.

Takotitaunermik 4:6

Iksivautaᴋsûblo sângane igalâksajaujârtomik imârbiksoakarpok, alligotun-itomik; iksivautaᴋsûblo ᴋerᴋagut avatâgullo iksivautaᴋsûb sitamanik ômajoᴋarpok, sâmikullo tunumikullo ilûnaitigut ijilingnik.

Takotitaunermik 5:14

Omajullo sitamat oᴋarput: Amen. Angajoᴋaunerôjullo 24 it pâmakterdlutik tuksiarvigivât issoᴋangitomit issoᴋangitomut ômatsainartok.

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.

Takotitaunermik 5:8

Aglaillo tigungmagit, ômajut sitamat taipkoa Angajoᴋaunerôjullo 24 it pâmakterput Saugârsûb sânganut, ilûnatiglo atunit harfeᴋarput iluleᴋuteᴋarlutiglo goldinik isseluanerutiksamik tatatunik; tamadja ivsornaitut tuksiarningit.

Takotitaunermik 7:11

Engelillo ilûnatik nangerput iksivautaᴋsoak ilumavlugo angajoᴋaunerôjullo ilumavlugit, ômajullo sitamat ilumavlugit, pâmakterlutiglo iksivautaksûb sânganut, Gûde tuksiarvigivât,

Takotitaunermik 9:16

Sorsuktuksallo horsit ᴋângine iksivajut unurningit 200 Milliôneovut, unurningillo tussarpakka.