Takotitaunermik 5:1 - Labrador Inuttitut Heritage Bible

¹ Aglangniglo iksivautaᴋsoarme iksivajub aggangita talerpinginêtunik takogivunga, ilungitigut ᴋângitigullo aglagviomajunik, naᴋitjusersimajuniglo naᴋitjutinut 7 nut.

Takotitaunermik 5:1 Iomraidhean Croise

Jesaiase 29:11

Takkotitjutillo illũnatik illingajuksauvut illipsingnut aglait naᴋitjusertaumajut oᴋausingititut. Tamakkoa tunijaukpatta aglangnik atuarsijungnartomut, oᴋautivlugo imâk: Omât, tamakkoninga atuarsilaurit! — tagva oᴋalerpoᴋ: Sapperpakka, naᴋitjusertaumangmatta.

Jesaiase 34:16

Nâlekab aglangine ᴋenneritse atuarsivluselo; attautsemiglõnêt nallautsingitoᴋaromângilaᴋ attautsemiglõnêt aglaksimangitoᴋaromânginivoᴋ. Tâpsoma ᴋaningata tamanna perᴋovâ, tâpsomalo anerningata kattersorpait.

Jesaiase 8:16

Nallunaijaijutiksat kattusikkit perᴋojallo naᴋiterlugit illiniartima akkornganne.

Daniel 8:26

Unnut uvlâllo takotitjutingat tamanna oᴋautigijaujoᴋ miksiᴋârpoᴋ; igville takotitjut ijitoruk, uvlunut ᴋaijomârtunut ilingangmat.

Saggaria 5:1

Amalo ijîkka arlortipâka takolungalo, ahâglo, aglarait immûmajut tingijut.

Takotitaunermik 10:2

Aglârsungnik makpersimajunik aggangminut tigumiartok itigangminullo talerpingminut imarbik tutivâ, saumingminut nuna tutilugo.

Takotitaunermik 4:3

Iksivajub tâpsoma tautua sorlo ujaraktut Jasperetut Sardisetullo; ajagutaublo iksivautaksoak ilumavâ, tautua Emaraldetunitok.

Takotitaunermik 4:9

Omajullo (sitamat) nertulerangatsuk nakorivlugolo ᴋujagiviklugolo iksivautaᴋsoarme iksivajok, issoᴋangitomit issoᴋangitomut inôjok,

Takotitaunermik 5:13

Pingortitallo ilûnamasiatik, ᴋilangmiullo nunamiullo nunab atânêtullo, imarbiublo iluanêtut tamaita tussarpakka oᴋauseᴋartut: Iksivautaksoarme iksivajok Saugârsuglo ᴋujanarsilîk nâlengnarsilutiglo nertornarsilutiglo, ajugauviojotôvlutik issoᴋangitomit issoᴋangitomut.

Takotitaunermik 5:7

Tâpsomalo tigujartorpait aglait iksivautaksoarme iksivajub aggangita talerpinginit.

Takotitaunermik 6:1

Takogivunga, Saugârsûblo naᴋitjutit ipkoa illangat angmarpâ. Omajullo sitamat ipkoa illangat tussarpara, sorlo kallûb nippinganut oᴋartok: Takojartorit.

Takotitaunermik 6:16

Oᴋarlutiglo ᴋakᴋanut imnaksoarnullo: Sitorvigitigut mattuvluta iksivautaᴋsoarme ijsivajub kênanganit, Saugârsublo ningausinganit,

Takotitaunermik 8:1

Nakitjutit 7 ingat (Saugârsûb) angmarmago, ᴋilangme nippeᴋartailivok stundib ᴋoppangane.