Takotitaunermik 4:8 - Labrador Inuttitut Heritage Bible

⁸ Omajullo tâpkoa sitamat atunit isaroᴋarput pingasujortunik, ilumikullo ilûnâne ijilit, inilangajungnangerput uvlôtilugo unnuamelo, oᴋarlutik: Hailig, Hailig, Hailigeovok Gûde Nâlegak, ajugaᴋangitovitôjok, ilauktok, tamattomanêtorlo, ᴋaijomârtorlo.

Takotitaunermik 4:8 Iomraidhean Croise

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

Imgerut 91:1

ᴋotsingnerpab sapputsiningata attânêtok, ajugaᴋangitublo tachalingninganêtsainartok:

Exodus 15:11

Kina Gûdit akorngane iliktut-ikâ, Nâlegak? Kina iliktut-ikâ, inornadlarlune ivsornainerme, sivôranadlarlune nertoraksauvlune, tatamnartulivlunelo?

Exodus 3:14

Gûdelo oᴋarpok Mosesemut: Tâmnauvunga tâmnatsainak! Oᴋarporlo: Taimâk oᴋartuksauvotit Israêlikunut: Tâmnaujungagôk, tâpsoma tilivânga ilipsingnut.

Jesaiase 13:6

Avâladlaritse, Nâlekab uvluksanga ᴋaglilermat; asseroijutiksatut ajugaᴋangitomit pijotut aggerpoᴋ.

Jesaiase 62:1

Zione pitjutigivlugo nippangeromangilanga, Jerusaleme pitjutigivlugo ᴋikkaromangilanga, idluarsijutiksanga nuilerᴋârtinago ᴋaumanartoᴋsôjotut, piulijauviksangalo naneroatut ikkijotut.

Hesekiel 1:18

Pergângit poᴋtovut erᴋsinarlutiglo; ilûnatiglo sittamat pergângit tatadlarput ijinik avatâne.

Hesekiel 1:5

Kerᴋânillo saᴋᴋertoᴋarpoᴋ sorlo ômajut sittamat. Imâglo tautuᴋarput: inôjârput.

Hesekiel 1:6

Ilûnatiglo atunit kênaᴋarput sittamanik, ilûnatiglo atunit isaroᴋarput sittamanik.

Hesekiel 10:12

Timingillo ilûnatik, tunungillo, aggangillo, isarungillo, aksaloangillo tataput ijinik ilûnâne, aglât tâpkoa aksaloangit sittamat.

Joel 1:15

Kapianarmêk uvloᴋ tâmna, Nâlekab uvlunga ᴋanidlarmat, tikilârporlo asserorsaijotut Ajugaᴋangitomit.

Apostelit Piniarningit 20:31

Tamanna pivlugo pivâritse erᴋailuselo, sorairnanga ilûnase kaibladlalaurapse jârine pingasune uvlôtilugolo unnuamelo, ᴋugviorlunga.

II Korintemiunut 6:18

Atâtaginiarpapsingalo, uvangalo ernerivluselo panigijomavapse, taimâk Nâlegaᴋ ajugaᴋangitoᴋ oᴋarpok.

I Tessalônikamiunut 2:9

Erᴋaigalloarpose ᴋatangutivut, senaniptingnik oᴋumainiptingniglo: uvlôtilugole unnuamelo senatsainalaurapta, nelipsingniglônêt oᴋumaititsijomanata; taimaidlutalo Gûdib oᴋausinginik tussarnertunik oᴋâlalauᴋpogut ilipsingnut.

I Timôteusemut 4:16

Nangminerniglo ajoᴋertûtsemiglo udjertorit; tamakkoninga sorairtaililutit. Taimailioruvit, ilingniglo tussâjingniglo piuliklerniaravit.

II Timôteusemut 4:2

Oᴋausek oᴋâlatigiuk ataruilivlutit, piviksaungmangât, piviksaungimangâllônêt; sivôrasârilutillo, siluklutillo, ᴋaiblailutillo ᴋenuersârnermullo ajoᴋertuinermullo ilûnânut.

Ebrêerinut 13:8

Jêsuse Kristuse, ikpeksaᴋ uvlomelo, issoᴋangitomullo tâmnatsainaᴋ.

Takotitaunermik 1:4

Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;

Takotitaunermik 1:8

Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.

Takotitaunermik 11:17

Oᴋarpullo: ᴋujagidlarpaptigit Nâlegak, Gûde ajugaᴋangitovitôjotit, tamattomane itotit, ilauktotillo, itsomârtotillo, pitsartujoksônît atorangne nâlegautilutillo;

Takotitaunermik 14:11

Aniangitalo iserlunga ᴋongmuaromârpok issoᴋangitomit issoᴋangitomut; inilangajungnangilallo uvlôtilugo unnuamelo, nergjutemik tâpsomalo adsingoanganik tuksiarveᴋalauktut, atingatalo nelunaikutanganik illaliulauktut.

Takotitaunermik 14:3

Imgerusertâmiglo imgerput iksivautaᴋsûb sângane, ômajullo sitamat angajoᴋaunerôjullo sângane; assingitalo imgerusertâk tamanna illiniarlugo ajorpât, tâpkoa 144,000 it kissimik illipât, nunamit pisiangojut.

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.

Takotitaunermik 15:7

Omajullo ipkoa sitamat illangat Engelit 7 it tunitjivigivait iluleᴋutinik goldinik 7 nik, tattatunik Gûdib issoᴋangitomit issoᴋangitomut ômatsainartub ningausinganik.

Takotitaunermik 16:14

Anerniovullo Sâtanasinut, tâpkoa tatamnartulivut, anivlutiglo atanernut nunamêtunut nunaksoarmêtunullo ilûnainut, katersorlugit sorsungniarᴋovlugit, Gûdib ajugaᴋangitovitôjub uvloksoangane ipsomane.

Takotitaunermik 16:7

Engelemiglo assianik Altâremit tussarpunga oᴋartomik: Ahamarik Nâlegak, Gûde ajugaᴋangitovitôjotit, erᴋartuinitit mikseᴋârtôvlutiglo idluartôvut.

Takotitaunermik 19:15

Kaninganillo anijoᴋarpok saviksoarmik ipiktoksoarmik, nelojut unatartaujutiksanganik; mianeriniarpaillo ajaupiamut kikiangmut, tullerniarpâlo iptêjaivik Gûdib ajugaᴋangitovitôjub ilungertudlartub ningausingata vaininganik pitalik.

Takotitaunermik 19:4

Angajoᴋaunerôjullo 24 it, ômajullo sitamat ipkoa pâmakterput Gûde tuksiarvigivlugo, iksivautaksoarme iksivajok, oᴋarlutiglo: Amen, Hallêluja!

Takotitaunermik 21:22

Tempelemiglo tâpkonane takungilanga; Nâlegak Gûde ajugaᴋangitovitôjok Saugârsuglo Tempelegingmagik.

Takotitaunermik 3:7

Illagêt Filadelfiamiut Engelingat aglagvigiuk: Imâk oᴋarpok Hailigeojok, mikseᴋârtok, Dâvidib pêrutânik peᴋartok; palangairutjârsijorlo naliata palangairungnangitanganik; palangairsijorlo naliata palangairutjârungnangitanganik.

Takotitaunermik 4:4

Iksivautallo 24 it iksivautaksoak ilumavât, iksivautanelo tâpkonane angajoᴋaunerôjut 24 it iksivavut, ᴋaᴋortanik annorâlit, niaᴋomingnelo niaᴋôteᴋarlutik goldinik.

Takotitaunermik 4:6

Iksivautaᴋsûblo sângane igalâksajaujârtomik imârbiksoakarpok, alligotun-itomik; iksivautaᴋsûblo ᴋerᴋagut avatâgullo iksivautaᴋsûb sitamanik ômajoᴋarpok, sâmikullo tunumikullo ilûnaitigut ijilingnik.

Takotitaunermik 4:9

Omajullo (sitamat) nertulerangatsuk nakorivlugolo ᴋujagiviklugolo iksivautaᴋsoarme iksivajok, issoᴋangitomit issoᴋangitomut inôjok,

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.

Takotitaunermik 6:1

Takogivunga, Saugârsûblo naᴋitjutit ipkoa illangat angmarpâ. Omajullo sitamat ipkoa illangat tussarpara, sorlo kallûb nippinganut oᴋartok: Takojartorit.

Takotitaunermik 6:6

Nippemiglo tussarpunga ômajut taipkoa sitamat akornganit oᴋartomik: sanaugaksat, ôktût atausiardlugo, kênaujârsungmik atautsemik akkeᴋarlit, sanaugâluksallo, ôktût pingasuertorlugo, kênaujârsungmik atautsemik akᴋeᴋarlît, orᴋsorle vainelo asserorniarnagik!

Takotitaunermik 7:11

Engelillo ilûnatik nangerput iksivautaᴋsoak ilumavlugo angajoᴋaunerôjullo ilumavlugit, ômajullo sitamat ilumavlugit, pâmakterlutiglo iksivautaksûb sânganut, Gûde tuksiarvigivât,

Takotitaunermik 7:15

Tamanna pivlugo Gûdib iksivautaksoangata sânganêput, kivgartulâllo uvlôtilugo unnuamelo Tempelingane. Iksivautaksoarmelo iksivajub ᴋollangiarvigênarniarpait.