Takotitaunermik 4:6 - Labrador Inuttitut Heritage Bible

⁶ Iksivautaᴋsûblo sângane igalâksajaujârtomik imârbiksoakarpok, alligotun-itomik; iksivautaᴋsûblo ᴋerᴋagut avatâgullo iksivautaᴋsûb sitamanik ômajoᴋarpok, sâmikullo tunumikullo ilûnaitigut ijilingnik.

Takotitaunermik 4:6 Iomraidhean Croise

I Atannit 7:23

Immarbingoarlo kovilugo sanava, tallitut tallimaujortutitut silliktigijomik sinânit aipanganit aipanga tikkilugo, avatâne ilûnnane, tallitullo tallimatut pôktutigijomik nimmerlo tallitut 30 gitut takᴋitigijomik namatuinarlaukpok sillingninganut avatâne.

Hiobe 28:17

Goldelo Diamantelo adsigijungnangilâk, pivianartoksoarmullonêt Goldeojomut taungniararijaujungnangilak.

Exodus 38:8

Ubvarviliorporlo ᴋaᴋorlermit, ikoggangalo ᴋaᴋorlermit, arnat ilagêktut tupingata pângane kivgartortut tachar tûtinginit.

Hesekiel 10:12

Timingillo ilûnatik, tunungillo, aggangillo, isarungillo, aksaloangillo tataput ijinik ilûnâne, aglât tâpkoa aksaloangit sittamat.

Hesekiel 10:14

Ilûnatiglo kênaᴋarput sittamanik: sivorleᴋ kerubib kênanga, aipâ inûb kênanga, pingajuak loevib kênanga, sittamangat nektoraliub kênanga.

Takotitaunermik 14:3

Imgerusertâmiglo imgerput iksivautaᴋsûb sângane, ômajullo sitamat angajoᴋaunerôjullo sângane; assingitalo imgerusertâk tamanna illiniarlugo ajorpât, tâpkoa 144,000 it kissimik illipât, nunamit pisiangojut.

Takotitaunermik 15:2

Takovungalo sorlo imarbingmik igalâksajaujârtomik ikomamik akkulersimajomik, tâpkoalo sâlaᴋalauktut nergjumik adsingoanganiglo, nelunaikutanganiglo, atingatalo kittitanganik nangerput imarbiub igalâksajaujârtub sinâne, Gûdib harfinginik tigumiarlutik.

Takotitaunermik 15:7

Omajullo ipkoa sitamat illangat Engelit 7 it tunitjivigivait iluleᴋutinik goldinik 7 nik, tattatunik Gûdib issoᴋangitomit issoᴋangitomut ômatsainartub ningausinganik.

Takotitaunermik 19:4

Angajoᴋaunerôjullo 24 it, ômajullo sitamat ipkoa pâmakterput Gûde tuksiarvigivlugo, iksivautaksoarme iksivajok, oᴋarlutiglo: Amen, Hallêluja!

Takotitaunermik 21:11

(Jerusalem tamanna) Gûdib ânanaunersoanganik pilik, ᴋaumaningatalo ujarak pivianarnerpâᴋ adsigivâ, Jasperetut ᴋaumatigijok.

Takotitaunermik 21:18

Iglugasaksuillo avalungita senamaningit Jaspereovut, iglugasaksuillo goldênauvut, igalâksajatut ᴋaumajotut.

Takotitaunermik 21:21

Itertarviksuillo sapangauvut 12 it, itertarviksuillo atunit sapangak atausek, iglugasaksuillo apᴋosiningit goldênauvut, igalâksajatut ᴋaumajotut.

Takotitaunermik 22:1

Unertuivorlo uvamnut kôngmik issungitomik, ômanartomik imalingmik, alligoᴋtut ᴋaumatigijomik; tâmna anivok Gûdib Saugârsûblo iksivautaksoanganit.

Takotitaunermik 4:4

Iksivautallo 24 it iksivautaksoak ilumavât, iksivautanelo tâpkonane angajoᴋaunerôjut 24 it iksivavut, ᴋaᴋortanik annorâlit, niaᴋomingnelo niaᴋôteᴋarlutik goldinik.

Takotitaunermik 5:11

Takogivunga, nippemiglo tussarlunga Engelivaksoarnit iksivautaᴋsûb avatânit, ômajullo avatânit, angajoᴋaunerôjullo avatânit; unurningillo tentausendit tentausendêrtorlutiglo, tausendillo tausendêrtulaukput,

Takotitaunermik 5:14

Omajullo sitamat oᴋarput: Amen. Angajoᴋaunerôjullo 24 it pâmakterdlutik tuksiarvigivât issoᴋangitomit issoᴋangitomut ômatsainartok.

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.

Takotitaunermik 5:8

Aglaillo tigungmagit, ômajut sitamat taipkoa Angajoᴋaunerôjullo 24 it pâmakterput Saugârsûb sânganut, ilûnatiglo atunit harfeᴋarput iluleᴋuteᴋarlutiglo goldinik isseluanerutiksamik tatatunik; tamadja ivsornaitut tuksiarningit.

Takotitaunermik 6:1

Takogivunga, Saugârsûblo naᴋitjutit ipkoa illangat angmarpâ. Omajullo sitamat ipkoa illangat tussarpara, sorlo kallûb nippinganut oᴋartok: Takojartorit.

Takotitaunermik 6:6

Nippemiglo tussarpunga ômajut taipkoa sitamat akornganit oᴋartomik: sanaugaksat, ôktût atausiardlugo, kênaujârsungmik atautsemik akkeᴋarlit, sanaugâluksallo, ôktût pingasuertorlugo, kênaujârsungmik atautsemik akᴋeᴋarlît, orᴋsorle vainelo asserorniarnagik!

Takotitaunermik 7:11

Engelillo ilûnatik nangerput iksivautaᴋsoak ilumavlugo angajoᴋaunerôjullo ilumavlugit, ômajullo sitamat ilumavlugit, pâmakterlutiglo iksivautaksûb sânganut, Gûde tuksiarvigivât,

Takotitaunermik 7:17

Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.