Takotitaunermik 4:11 - Labrador Inuttitut Heritage Bible

¹¹ Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.

Takotitaunermik 4:11 Iomraidhean Croise

Genesis 1:1

Pigiarnerme Gûdib ᴋilaglo nunalo pingortipak.

II Samuel 22:4

Nalegak nertoromavara, nipliarvigijomalugolo; tagva omigijimnit piulijauniarpunga.

Nehemia 9:5

Levitillo Jesua, Kadmiello, Banilo, Hasabenjalo, Serebjalo, Hodjalo, Sebanjalo, Petatjalo oᴋarput: Nikovititse, Nâlegarlo Gûdise nertorsiuk issoᴋangitomit issoᴋangitomut! Atillo ânanaudlartok, anginersaujok nertordlerutiksanit, nakosarnernillo tamainit, nertortaule!

Hiobe 36:3

“Sillatunera ᴋaningitomit aijomavara, pingortitigalo idluarneraromavara.

Imgerut 18:3

Nâlegak nertoromavara nipliavigijomalugolo, tagva ômigijimnit piulijauniarpunga.

Imgerut 68:34

Gûde pitsartuneᴋarle. Tâpsoma ânanauninga Israelib kanganêpok, pitsartuningalo nuvujanêpok.

Exodus 20:11

Uvlune 6ine Nâlekab ᴋilak nunalo imarbiglo ilûnnaitalo imab iluanêtut sanalaungmagit, uvlullo 7ingane merngoersilaukpok: tamanna pivlugo Nâlekab uvlok Sabbateojok saimanartipâ ivsornaitilâllo.

Salomob Okâl 16:4

Nâlegak pinniarpok tamainik pijomajane malliklugo, Gûdeᴋangitoktauk uvlormut idluinelingmut ilingatipa.

Jesaiase 40:26

Arloritse takovluselo! Kina makkoninga pingortitsivâ? annititsijoᴋ unurninginik kittillugit attingillo taivlugit, ajugaᴋangitoᴋsôngmat pitsartujoᴋsôvlunelo; saᴋᴋijângitoᴋangilaᴋ attautsemiglõnêt.

Jesaiase 40:28

Kaujimangilasê, tussalungilasê, Nâlegaᴋ Gûdeongmat issoᴋangitoᴋ, sillaᴋsûb kiglinginik pingortitsijoᴋ? Merngortoranelo nukkeᴋarungnailungilaᴋ, sillatuninga inornarpoᴋ.

Jeremia 10:11

Taimaimat oᴋautijaksarivase imâk: Gudingoat sanalungitut ᴋilangmik nunamiglo, tâpkoa pêraksauvut nunamit, ᴋilaublo atânit.

Jeremia 32:17

Nâlagaᴋ Gudik! Ahâk, ᴋilaᴋ nunalo pingortilauᴋpakik pitsartunersoarnut talingnullo issangmijomut; ajornartoᴋangilaᴋ ilingnut;

Apostelit Piniarningit 14:15

Oᴋarlutiglo: Angutaujose, sôk taimailiorpisê? Inutuinauvoguk toᴋojomârtoguk ilipsitut, oᴋautsiniglo tusarnertunik oᴋâlavojuk ilipsingnut, sâgiarᴋovluse ômangat Gûdeungitomit Gûdemut ômajomut, ᴋilangmiglo nunamiglo, imarbingmiglo iluanêtuniglo tamainik pingortitsijomut;

Apostelit Piniarningit 17:24

Gûde silaksoarmik pingortitsijok pinginiglo tamainik, Nâlegaugame ᴋilangmullo nunamullo, katimaviksoarne aggangnut sanamajune iniᴋangilaᴋ;

Rômiunut 11:36

Tâpsomangat, tâpsomûnalo tâpsomungalo ilûnamatsiatikingmatta. Tâmna nertortaudlarle issoᴋangitomut. Amen.

Efêsusemiunut 3:9

Tamaitalo illitarsitiniarlugit nalonalauᴋtub ilinganinganik, silaᴋsûb pigiarninganit ijersimajomik Gûdeme, tamaitaᴋsoarnik Jêsuse Kristusikut pingortitsijome;

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Ebrêerinut 1:10

Igvillo, Nâlegaᴋ, nuna pigiarninganit tunganeᴋtâlauᴋpat, ᴋilaillo aggakpît senamajangit.

Ebrêerinut 1:2

Kingorlermik Ernikut oᴋalauᴋpoᴋ uvaptingnut uvlune tamakkonane. Tâmna kingormgujijuksangortilauᴋpâ tamaitaᴋsoarnik, tâpsomûnatauᴋ silaᴋsoaᴋ pingortilauᴋpâ.

Takotitaunermik 1:6

Ataningortilutalo ajoᴋertuijungortilaukpâtigut Gûdemut Atâtaminullo: tâmna nertortaule ajugaunerôlunelo issoᴋangitomit issoᴋangitomut. Amen.

Takotitaunermik 10:6

Tâmnalo taivlugo, inôjok issoᴋangitomit issoᴋangitomut, pingortitsilauktok ᴋilangmik ᴋilangmêtuniglo, nunamiglo nunamêtuniglo imarbingmiglo imarbingmêtuniglo, (Engele) oᴋamarikpok, mânamit neliuneᴋarungnairtuksaungmat;

Takotitaunermik 14:7

Nippersoarmullo oᴋarpok: Gûde kuksasungniarvigisiuk nertorsiuglo akkiniarviksanga neliutingmat; tuksiarvigisiuglo ᴋilangmiglo nunamiglo imarbingmiglo, imiuglo puilavinginik pingortitsijok.

Takotitaunermik 19:1

Tamakkoa kingorngatigut inugasaksuit nippersoanginik ᴋilangme tussarpunga, oᴋartunik: oᴋartunik: Hallêlaja! piuliklerneᴋ, nakorijaunerlo, nâlengnarnelo, pitsartunerlo pigiligit Nâlekab Gûdipta.

Takotitaunermik 5:12

Nippersoarmullo oᴋarput: Saugârsuk toᴋotaujok nelopᴋotingivitôjok pigivlugit pitsartunerlo, akluinerlo, silatunerlo, sôngonerlo, nâlengnarnerlo, nertornarnerlo, nakorijaunerlo.

Takotitaunermik 5:2

Engelelo pitsartujoksoak takogivara, nippersoarmut oᴋâladlartok: Aglait ukkua makperlugit naᴋitjutingillo serᴋomidlugit kina nelopᴋotinajangilâk?

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;