Takotitaunermik 3:4 - Labrador Inuttitut Heritage Bible

⁴ Inuᴋoteᴋarpottitauk ikitunik Sarduseme, annorâmingnik ipeᴋtotitsilaungitunik; tâpkoalo arvertaᴋatigijomârpânga ᴋaᴋortanik annorâlijarlutik, taimaituksaugamik.

Takotitaunermik 3:4 Iomraidhean Croise

I Atannit 19:18

Uvangalo amiakoᴋarᴋojijomavunga Israelitine 7,000 dinik, serᴋunik ilûnnainik serᴋortorlaungitunik Baalib sângane, ᴋanerniglo ilûnnainik kunnilaungitunik tapsominga.

Ester 8:15

Mardachaile annivok atannermit annorârsimavlune atannersiutinik, ᴋorksutanik, ᴋaᴋortaniglo, niaᴋotelijarlunelo Goldeôjomik angijomik, ullilijarlarmelo Bissuseôjomik, Purpureôjomiglo. Iglugaseksuillo Susan (inuit) igiaᴋomijarput, ᴋuviasudlarlutiglo.

Imgerut 68:14

Ajugaᴋangitok attannernik siamartitsikpat tagvane, tagva ᴋannerpok Zalmonib ᴋaᴋᴋangane.

Okaluktok 9:8

Anorâkotitit ᴋaᴋortautsainarlit, niaᴋoillo Ajoksarᴋotailiuk mingoarutiksamik.

Jesaiase 1:9

Kilangmiugasaksuit Nâlegangata ikkitunik amiakoᴋartingipattigulle, Sodomatut-inajarpogut Gomorratullo illinganajarpogut.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jesaiase 59:6

Nulluangit annorâksaungilat, pergaijangillo ᴋipiksamut piotsangilat, piniarningit piniarniovut piungitut, aggangillo idluiluktunik sullijaksaᴋarput.

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Jesaiase 64:6

Illûnamatsiata ivsornaitutitut-ipogut, idluarnivullo tamât annorâtut-ipoᴋ salumaitotut; millukataᴋtitut ᴋunorlerpogut illũnata, idluitulliniptingnullo tiktauvogut sôrlo aᴋᴋonamut.

Leviticus 13:48

Pergaimajômangât tajaliogaumangâllônêt, ivaloksajaumangâllônêt merᴋoliomangâllônêt; ᴋisingmêmangât, ᴋisijarmêmangâllônêt;

Mattêuse 10:11

Iglogasaksoarnut iglugasangnullônêt iterupse, kiglisiniaritse, tagvane itervigijaujariaᴋartokarmangât, tâpsomanêtsainaritselo aularᴋârase.

Markuse 16:5

Iluvermullo iteramik, angut inôsuktoᴋ talerpiata tungâne iksivajoᴋ takogamitsuk, angijoᴋtamik ᴋaᴋortamik annorâlik, kakkilâdlarput.

Lukase 20:35

Silable aipânut pijuksaujut, toᴋungajunillo makitsomârtut nulianingniangilat uiningniangilallo.

Lukase 21:36

Taimâk pivlugo pigâtsainaritse tuksiarluselo, ᴋemâjuksauᴋovluse tamakkoninga pijomârtunik ilûnainik, Inûblo Erningata sângane nangerungnarᴋovluse.

Apostelit Piniarningit 1:15

Uvlunelo taipkonane Pêtruse ilinniartut akornganit nikovipok, (tagvanele katimajut 120 iulaukput) oᴋarlunelo:

II Tessalônikamiunut 1:5

Tamanna nalunaikutauvoᴋ, Gûde idluartomik erᴋartuijomârmat, ilipselo Gûdib nâlegauvinganut âniatitaujutigijapsingnut (iterungnarluse) sapingititaujomârapse.

Jûdasib 1:23

Ilangille sivôrasârdlugit piuliniarsigik, ikomamit nussungniardlugit; ômigilugolo annorâᴋ uviningmut ipeᴋtojoᴋ.

Takotitaunermik 1:11

Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.

Takotitaunermik 11:13

Tagvainarlo nuna sajukpilâdlarpok angijomik, iglugasaksuillo tallimaujortôlilugit tallimaujungit ochovut, toᴋotauvullo nunab sajukpilâdlarninganut inuit 7,000 it, amiakullo ᴋoaᴋsângadlarput nertordlerlutiglo ᴋilaub Gûdinganik.

Takotitaunermik 14:4

Tâpkoa tagga, arnanut ipeᴋtotisimangitut; uigasôgamik, Saugârsuglo namut pijarangat malikpât. Tâpkoa pisiangovut inungnit sivorlerpângovlutik Gûdemut Saugârsungmullo.

Takotitaunermik 19:14

Sorsuktoᴋutsuillo ᴋilangmêtut malikpât horsit ᴋaᴋortat ᴋânginedlutik, atisimajut saidinik ᴋaᴋortanik ipeᴋtojoᴋangitunik.

Takotitaunermik 19:8

Tâmnalo nuliaksak tunitsiviovok annorâᴋartitauvlune ipeᴋtongitomik saitemik ânanamik. (Saitele tagva ivjornaitut idluartitauningat.)

Takotitaunermik 3:18

Perᴋovagit tagva, goldemik ikomamut sujungaititaumajomik pisiniarᴋovlutit uvamnit, akluilerᴋovlutit, ᴋaᴋortaniglo annorânik atitilutit, annorâᴋanginivît kangunarninga sakᴋerᴋonago, ijîkiglo mingoakik ijisiumut, tautoᴋovlutit.

Takotitaunermik 3:5

Sâlaᴋartok ᴋaᴋortanik annôrârtitauniarpok, atingalo pêrniangilara aglangnit ômanartunit, atingalo oᴋautigijomavara Atâtamnut Engelinginullo.

Takotitaunermik 4:4

Iksivautallo 24 it iksivautaksoak ilumavât, iksivautanelo tâpkonane angajoᴋaunerôjut 24 it iksivavut, ᴋaᴋortanik annorâlit, niaᴋomingnelo niaᴋôteᴋarlutik goldinik.

Takotitaunermik 6:11

Atunillo tâpkoa tunitsiviovut annorâmik ᴋaᴋortamik, oᴋautjauvlutiglo, sulle neliutomik anikitomik merngoêrserᴋovlugit, kivgauᴋatitik ᴋatangutitiglo sulle toᴋotauniartut tâpkotitunak illautsiarilugit.

Takotitaunermik 7:9

Mattoma kingorngane takogivunga, ahâglo, inugasaksoarnik kititaujungnangitunik kimut, nelojunit tamainit, inugasaksoarnillo, ingmigôlingajuniglo oᴋauselingnit, iksivautaᴋsûb sângane nangertunik, Saugârsûblo sângane, annorârsimajunik ᴋaᴋortanik, aggangmingnelo Palminik tigumiarlutik.