Takotitaunermik 3:15 - Labrador Inuttitut Heritage Bible

¹⁵ Piniarnitit ᴋaujimavakka, niglingilatillônêt ônarlungillatillônêt; ᴋanoktôk niglilutit ônarlutillônêt!

Takotitaunermik 3:15 Iomraidhean Croise

I Atannit 18:21

Tagva Eliab inugasaksuit ilûnnamasiangit nangeriartorvigivait, oᴋarlunelo: ᴋanok akkunêrtigijomik tussiarkise iglugêngne? Nâlegak Gûdeokpat, tagva tamna malliklugo agvertaritse; Baaleokpalle, tagva tamna malliklugo agvertaritse. Inugasaksuillo kiolungilât.

Salomob Okâl 23:26

Ernîk ommatit tunniuk uvamnut, apᴋotikkalo ijikingnut ᴋuviagijaulit.

Hosea 10:2

Omatingit maggoilisimavut; mâna pidlaraksauvlutik naipitauniarput; tâpsoma annaulârpait tunerguservingit, napajoliarimajangillo asserorlugit.

Hosea 7:8

Efraim akuliovoᴋ inôᴋatigêngnut; Efraim ᴋaᴋᴋôjaᴋtut mumiktausimangitotut ipoᴋ.

Mattêuse 10:37

Atâtaminik anânaminiglônêt uvamnit naglingnersak, illaᴋarniangilak uvamnik. Ernerminiglo paningminiglo uvamnit naglingnersak, illaᴋarniangilak uvamnik.

Mattêuse 24:12

Idluitulinerlo pivalliangmat, inuktut naglingningit niglileromârput.

Mattêuse 6:24

Angajoᴋângnut maggûngnut kivgartortokarungnangilak; aipâ ômigilârpâlônêt, aipâ nagligivlugo; ubvalo aipâ ungagilârpâ, aipanga nachogivlugo. Gûdelo nunab pingillo atautsikut kivgartorlugit saperpose.

Rômiunut 12:11

Erᴋeasugase piniaraksapsingnut. Anernerme ilungertutsiaritse. Nâlegaᴋ kivgartutsiarsiuk.

I Korintemiunut 16:22

Nâlekamik Jêsuse Kristûsemik naglingitok, tâmnauvok Anatema; Maran-ata (imaipok. Ôminarsile; Nâlegak tikkitsomârpok).

II Korintemiunut 12:20

Sivôragama, tikikuma, ilipse pijomajaptut naipinianginapse, uvangalo pijomangitapsitut naipiniarapsinga; akunapsingnêtoᴋarniarmallo akkerartortigêktunik, anerutjijuniglo, ningartuniglo, aivajuniglo, terliaᴋataijuniglo, kiggoijuniglo, piojoridlartuniglo, pikablartuniglo.

Deuteronomy 5:29

ᴋanoktôk taimaitomik ômateᴋatsainarlit sivôraᴋovlugit uvamnik perᴋojakkalo tamaita maliklugit, piloridlarᴋovlugit, tâpkoa ᴋitorngangillo soraijuitomik.

Filippimiunut 1:9

Tamannalo tuksiarutigivara, naglingnise pigannerpaliavlunelo aglivaliarᴋovlugo sunatuinarnik illisimanermiglo tukkisinermiglo:

II Tessalônikamiunut 1:3

Gûde ᴋujagijariaᴋatsainarpavut pivluse, ᴋatangutivut, taimaglo idluarpoᴋ; okpernise angijomik aglivalliangmat, nagliktigêngnerlo ilûnapsingne atunit angijorolermat.

Jâkobusib 1:8

Inuk ᴋolartok maggoguserpok piniarnermine tamaine.

I Pêtrusib 1:22

Tarniselo sujungaitisigik mikseᴋârneᴋ nâleklugo Anernermut, ᴋatangutinik nagligosoᴋovluse takkormôjuidluse; ômamullo ivjornaitomut nagliktigêvigitse!

Takotitaunermik 2:2

Piniarnitit senanîllo ᴋenuersârnîllo ᴋaujimavakka, idluitulijullo ᴋenuersârvigijungnanginangne, Apostelionermingniglo oᴋartut, taimainatiglo ôktulaurangne, nagvârlutillo saglotojoksôngmatta.

Takotitaunermik 2:4

Erᴋartuijutiksaᴋarpungale ilingnut; nagligosungnek sivorlek sorairtinangne.

Takotitaunermik 3:1

Illagêllo Sardusemiut Engelingat aglagvigiuk Gûdib: anerninginik 7 nik, uvlorianiglo 7 nik peᴋartok imâk oᴋarpok: Piniarnitit ᴋaujimavakka, ômanerartaugavit toᴋungavlutillo.

Takotitaunermik 3:16

Nerromikaville, niglinaglônêt ônarnaglônêt, ᴋanimnit oriaromârpagit.