Takotitaunermik 3:11 - Labrador Inuttitut Heritage Bible

¹¹ Ahâk, ᴋainiarpunga mânakut; pigijarnik sapkutsitaililutit pît, niaᴋôtiksarnik tigusijokarᴋonago.

Takotitaunermik 3:11 Iomraidhean Croise

Sefania 1:14

Nâlekab uvloᴋsoanga ᴋanidlarmat, ᴋanidlarpok ᴋaglisaraidlarporlo, Nâlekab uvlungata ᴋikergalijarninga; pitsartudlartut ᴋasilinadlartomik nipliadlaromârput tagva.

I Korintemiunut 9:25

Inugaᴋatautijulle ilûnatik assianik pinasuangilat; ipkoale niaᴋôtiksak asserorniartok pijomavlugo, uvagulle asserojuitomik piniarpogut.

Filippimiunut 4:5

Inôtsiarnise nalonairle inungnut tamainut. Nâlegaᴋ ᴋanipoᴋ.

II Timôteusemut 2:5

Ajugaunasuartoᴋarangallo (sorsuklune) niaᴋôsertauniangilak, kissiane idluartomik ajugaugune.

II Timôteusemut 4:8

Ilâ mâna idluarnerub niaᴋôtâ ilimavok piksamnut, Nâlekab idluartomik erᴋartuijub tunijomârtanga uvamnut uvluksame ipsomane; uvamnutuinaungitorle, ilûnainulletauk sakᴋerninganik ᴋuviasûteᴋartunut.

Jâkobusib 1:12

Piloridlarpok angut ôktortaunermik ᴋenuersârtok; ôktugaudlarame, tagva niaᴋôtemik ômanartomik pijomârpok Gûdib angerutigijanganik nagliktiminut.

Jâkobusib 5:9

Anersauminiarase ilase pivlugit, ᴋatangutikka, Erᴋartortauᴋonase. Ahâk erᴋartuijok upkuamêlerpok.

Takotitaunermik 1:3

Pilorikpok atuarsijok, tâpkoalo tussartut oᴋautsinik tamakkoninga nalautsijomârtunik, torᴋorlugillo aglaksimajut makkonane; naliuningat ᴋaningmat.

Takotitaunermik 16:15

Ahâk, tikiniarpunga tigliktotut. Piloridlarpok erᴋomaniartok annorânelo âkᴋiksimatidlugit, annorairlune arvertaromanane, kangusûtigijaksanga takojauᴋonago.

Takotitaunermik 2:10

Sivôraginiarnagit nelîllônêt kappianartut ilingnut neliutuksat. Ahâk Sâtanasib illapse illangit parngnanairsimavingmut pititsomârpait, ôktortauᴋovluse kappiasuktitauᴋovluselo uvlunik 10 nik. Soᴋosijuilerille toᴋo tikidlugo, tagva niaᴋôtemik ômanartomik tunitjivigijomagapkit.

Takotitaunermik 2:13

Sulijatit ᴋaujimavakka, nunaᴋarnîllo nane, Sâtanasib iksivautaᴋsoangata ininganek ateralo atavigigangne, okpernerlo uvamnut misiarutiginago uvlune ipkonane aglât, Antipase ataruilivlune uvamnik kigligiutsijok toᴋotaungmat ilipsingne, Sâtanasib ineᴋarviane.

Takotitaunermik 2:25

Pigijase sapkuniarasigik tikitsiarivlunga.

Takotitaunermik 22:12

Ahâk mânakasâkut ᴋainiarpunga, akkiliutiksaralo neksarlugo, akkileriartordlugit piniarningit maliklugit.

Takotitaunermik 22:20

Kigligiutsijok tamakkoninga oᴋarpok: Âhamarik, mânakasakut ᴋainiarpunga. Amen ilâ, ᴋailaurittôᴋ Nâlegak Jêsuse!

Takotitaunermik 22:7

Ahâk, mânakassâkut ᴋainiarpunga. Piloridlarpok torᴋoijok oᴋautsinik nelautaimajunik aglangne tamakkonane.

Takotitaunermik 3:3

Tamanna pivlugo erᴋainiarit pigilauktarnik tussalauktarniglo, tamakkoalo malingniakit ᴋaᴋialerlutillo. Pigârniangikuvit tikidlarniarpagit tigliktotut, stundillo naliane tikiviginiarmangâpkit naloniarpotit.

Takotitaunermik 4:10

Angajoᴋaunerôjut 24 it pâmaktervigivât iksivautaᴋsoarme iksivajok, tuksiarvigivlugo issoᴋangitomit issoᴋangitomut inôjok, niaᴋôtitiglo ilivait iksivautaᴋsûb sânganut, oᴋâlavlutik:

Takotitaunermik 4:4

Iksivautallo 24 it iksivautaksoak ilumavât, iksivautanelo tâpkonane angajoᴋaunerôjut 24 it iksivavut, ᴋaᴋortanik annorâlit, niaᴋomingnelo niaᴋôteᴋarlutik goldinik.