Takotitaunermik 3:10 - Labrador Inuttitut Heritage Bible

¹⁰ Torᴋulaurangne oᴋausek ᴋenuersârnimnik, uvangatauk saputijomavagit neliutomit ôktorlungnartomit, silaᴋsoarmiunut tamainut tikitsomârtomit, ôktorlugit nuname nunaᴋartut.

Takotitaunermik 3:10 Iomraidhean Croise

Jesaiase 24:17

Erᴋsinartub ittersâlublo nigablo tikkilise, nunaᴋatigêktose!

Daniel 12:10

Unuktut ivsornaitilârput nangminimingnik, ᴋaᴋorsilutiglo, sujungaititaulârpullo; idluitulli idluitulijomârput; idluitulijulli naliatalônêt tukkisiniangilaᴋ, silatujulli tukkisilârput.

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.

Mattêuse 24:14

Oᴋautsillo tussarnertut nâlegauvingmik oᴋautaujomârput silaksoarme ilûnâne, inuᴋatigêt ilûnatik nalojungnairutiksanganut; tâva silaksûb naggatiksanga naliutijomârpok.

Mattêuse 26:41

Pigârluselo tuksiaritse, ôktortaulungnermut perᴋonase. Anernek pijomagalloarpok, uvinigle sangêpok.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

Markuse 14:9

Ahamarik Oᴋautivapse: Nane oᴋautsit tussarnertut ukkua oᴋautigijaukpatta silaᴋsoarme ilûnâne, oᴋartoᴋarniarivoᴋ tâpsoma piniarninganik uvamnut, erᴋaumajaujutiksanganik.

Lukase 2:1

Taipsomane atanersûb Augustusib perᴋojivlune inuit ilûnaita ataniovingminêtut aglaktauᴋovait, (atingit perᴋutingillo).

Johannese 17:6

Aternik nelojungnaitilaukpakka inuit tunilauktatit uvamnut silaksoarmiunit. Pigilaukpatit, uvamnullo tunilaukpatit, oᴋautsitillo malilaukpait.

Rômiunut 1:8

Sivorlermik Jêsuse Kristusikut Gûdimnut ᴋujalijutigivapse tamapse, okpernise oᴋautigijaungmat silaᴋsoarme ilûnâne.

I Korintemiunut 10:13

Assianut ôktorluktaungilase sulle, inuit atorpaktanginut kisiane; Gûdible nertornarlune ôktortaukoniangilâse ajortapsingnik; ôktorlungnartorle imâk naggaserniarpâ asserortauᴋonase.

Efêsusemiunut 6:13

Tamanna pivlugo Gûdib saputjiniksanga tiguniarsiuk, ajugauᴋovluse uvloᴋ ajortoᴋ neliutikpat aulatausuerdluse, tamaitalo nâmaksilugit salaᴋainarᴋovluse.

II Timôteusemut 2:12

Kenuersârupta, atanioteᴋattaujomârivogut; missiarutigiguptigo, missiarutigijomârivâtiguttauk.

Jâkobusib 3:12

ᴋatangutikka, napârtok paungatannaᴋarpaktok orᴋsumik perortitsijungnarᴋâ? Ubvalo napârtok vaineliksak paungatannanîk? Taimâktauk puilavik tarriomiglo imermiglo imaᴋarungnanginivok.

I Pêtrusib 4:12

Naglingnartose ilipse, tataminiarutiginiarasigik kappianartut ônarsitigijase, (tamakkoninga pititaujose ôktortauᴋovluse) takorngartamut sorle pijaulerasuginase.

II Pêtrusib 2:9

Tagva Nâlekab Gûdemik nâlektut piulidlarungnarpait ôktortaunermit, idluitulle ᴋumergusiudlugit erᴋartuiviksamut, pidlartauᴋovlugit;

Takotitaunermik 1:9

Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

Takotitaunermik 11:10

Nunamelo nunaᴋartut ᴋuviasûtigijomârpakit serrilutiglo, tunergutiniglo tujortigêgomârput kigligiutsijûk tâpkoa maggûk kappiasuktilaungmatikik nuname nunaᴋartut.

Takotitaunermik 13:10

Parngnanairsimavingmut pititsijok parngnanairsimavingmut pititaksaugivok; saviksoarmut toᴋotsijok saviksoarmut toᴋotaksaugivok. Tagvane ivjornaitut ᴋenuersâriaᴋarput okperneᴋarlutiglo.

Takotitaunermik 13:14

Nunamiullo tamartidlugit tatamnartut piniarungnartitaujutigijane nergjutsûb takoane pivlugit; oᴋautivlugillo nuname nunaᴋartut, adsiliorᴋovlugit nergjumik, saviksoarmut ikilertaulauktomik, ômatitaulauktomiglo.

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 14:12

Tagvane ivsornaitut ᴋenuêningat; tagvane Gûdib perᴋojanginik okpernermiglo Jêsusemut torᴋuijut.

Takotitaunermik 14:6

Engelemiglo takogivunga ᴋilaub ᴋerᴋagut tingijomik, oᴋautsinik tussarnertunik soraingitunik pilingmik, oᴋautigijaksanik nuname nunaᴋartunut, nelojunullo, ingmigôlingajuniglo oᴋauselingnut, inungnullo tamainut;

Takotitaunermik 16:14

Anerniovullo Sâtanasinut, tâpkoa tatamnartulivut, anivlutiglo atanernut nunamêtunut nunaksoarmêtunullo ilûnainut, katersorlugit sorsungniarᴋovlugit, Gûdib ajugaᴋangitovitôjub uvloksoangane ipsomane.

Takotitaunermik 17:2

Tâmna atanît nuname arnarniararijangat, nunablo inungit tallaput anguniarningata vaininganut.

Takotitaunermik 17:8

Nergjut takojat ilauktok itsungnairpok, ama anijomârpok netteᴋangitoksoarmit, aijomârlunelo asserortauvingmut; nunablo inungit, ateᴋartut aglaksimangitunik aglangne ômanartune silaᴋsûb pigiarninganit, tataminiaromârput, nergjut ilauktok itsungnairtorlo takogunitsuk sulle ingmat.

Takotitaunermik 2:10

Sivôraginiarnagit nelîllônêt kappianartut ilingnut neliutuksat. Ahâk Sâtanasib illapse illangit parngnanairsimavingmut pititsomârpait, ôktortauᴋovluse kappiasuktitauᴋovluselo uvlunik 10 nik. Soᴋosijuilerille toᴋo tikidlugo, tagva niaᴋôtemik ômanartomik tunitjivigijomagapkit.

Takotitaunermik 3:8

Piniarnitit ᴋaujimavakka. Ahâk, upkuêrutjilaukpunga ilingnut naliata palangairungnangitanganik; pitsartunearsuᴋaravit, oᴋauseralo torᴋulaukpat, ateralo misiarutigilaungilat.

Takotitaunermik 6:10

Nippersoarmut nipliadlarput oᴋarlutiglo: Nâlegak, hailigiojotit mikseᴋârtôvlutillo, ᴋanok akkunêrtoksoarmik erᴋartuingilatît, auvut akkiniarutiginago taipkonunga nunamêtunût?

Takotitaunermik 8:13

Engelemiglo takovunga tussarlungalo ᴋilaub ᴋerᴋagut tingijomik, nippersoarmut oᴋartomik: Kappianarmêk, kappianarmêk, kappianarmêk nunamêtut, tiptulautit assingita nippingit pivlugit, Engelit pingasut sulle tiptulausijartuksat neliutilârningine!