Takotitaunermik 22:7 - Labrador Inuttitut Heritage Bible

⁷ Ahâk, mânakassâkut ᴋainiarpunga. Piloridlarpok torᴋoijok oᴋautsinik nelautaimajunik aglangne tamakkonane.

Takotitaunermik 22:7 Iomraidhean Croise

Takotitaunermik 1:11

Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.

Takotitaunermik 1:3

Pilorikpok atuarsijok, tâpkoalo tussartut oᴋautsinik tamakkoninga nalautsijomârtunik, torᴋorlugillo aglaksimajut makkonane; naliuningat ᴋaningmat.

Takotitaunermik 16:15

Ahâk, tikiniarpunga tigliktotut. Piloridlarpok erᴋomaniartok annorânelo âkᴋiksimatidlugit, annorairlune arvertaromanane, kangusûtigijaksanga takojauᴋonago.

Takotitaunermik 2:16

ᴋaᴋialerit! pingikuville tikisârniarpagit, sorsugiartorlugit ᴋanerma saviksoanganut.

Takotitaunermik 22:12

Ahâk mânakasâkut ᴋainiarpunga, akkiliutiksaralo neksarlugo, akkileriartordlugit piniarningit maliklugit.

Takotitaunermik 22:18

Kigligiutivakkale ilûnaita oᴋautsinik nelautaimajunik tussartut aglangne tamakkonanêtunik: Tamakkoninga illaᴋartitsijoᴋarpat, Gûde tagva tâpsomunga illaᴋartitsiniarpok kappianartunik aglangne tamakkonane aglaksimajunik.

Takotitaunermik 22:19

Illangaijoᴋarpat oᴋautsinik nelautaimajunik aglangne tamakkonanêtunik, Gûdib tagva illangaivigijomârpâ piksanganik aglangnit ômanartunit, iglugasaksoarnillo ivsornaitunit, aglaksimajunillo aglangne tamakkonane.

Takotitaunermik 22:20

Kigligiutsijok tamakkoninga oᴋarpok: Âhamarik, mânakasakut ᴋainiarpunga. Amen ilâ, ᴋailaurittôᴋ Nâlegak Jêsuse!

Takotitaunermik 22:21

Nâlegapta Jêsusib Kristûsib saimaningata illagilise ilûnase! Amen.

Takotitaunermik 3:11

Ahâk, ᴋainiarpunga mânakut; pigijarnik sapkutsitaililutit pît, niaᴋôtiksarnik tigusijokarᴋonago.

Takotitaunermik 3:3

Tamanna pivlugo erᴋainiarit pigilauktarnik tussalauktarniglo, tamakkoalo malingniakit ᴋaᴋialerlutillo. Pigârniangikuvit tikidlarniarpagit tigliktotut, stundillo naliane tikiviginiarmangâpkit naloniarpotit.