Takotitaunermik 22:18 - Labrador Inuttitut Heritage Bible

¹⁸ Kigligiutivakkale ilûnaita oᴋautsinik nelautaimajunik tussartut aglangne tamakkonanêtunik: Tamakkoninga illaᴋartitsijoᴋarpat, Gûde tagva tâpsomunga illaᴋartitsiniarpok kappianartunik aglangne tamakkonane aglaksimajunik.

Takotitaunermik 22:18 Iomraidhean Croise

Salomob Okâl 30:6

Ilautitsiniarnak sunamik oᴋausinginut, pitlartauᴋonak tapsomunga, saglojolutillo naipitauᴋonak.

Leviticus 26:18

Tamakkoalo pigaloartilugit nâlagomangikupsinga, tagva sevenertortomik sugiaromârpapse ajornise pivlugit.

Leviticus 26:28

Uvangatauk akkerartorluse arvertaromavunga ningadlarlunga; pidlaromârpapselo sevenertortomik ajornise pivlugit.

Leviticus 26:37

Naukiutijigêgomârput, sôrlo saviksûb sângane, udlaniktoᴋangikaloartilugo; pitsartuneᴋangimullo ômigijipse sângine nangerungnalulângilase.

Mattêuse 15:13

Kiovaille oᴋarlunalo: Perortut ilûnatik, Atâtama ᴋilangmiub ililaungitangit, nutsuktaujomârput.

Efêsusemiunut 4:17

Tamanna pivlugo oᴋarpunga; kigligiutigivlugolo Nâlekame, arvertarungnairᴋovluse nalojutitut assipsitut, piungitunik issumaᴋarlutik arvertartutitut;

Deuteronomy 12:32

Perᴋojijutigijakka tamaita ilipsingnut kamagijaksarivase piniarlugillo; ilajaksaringilatit ilangeraksaringilatillônêt.

Deuteronomy 4:2

Oᴋauseᴋ perᴋojijutigijara ilipsingnut ilajaksaringilase ilangaraksarilungilaselônêt; Nâlekab Gûdipse perᴋojangit perᴋojarijakka ilipsingnut nelaudlugit piᴋovluse.

I Tessalônikamiunut 4:6

Neliselo ᴋatangutiminik oᴋumaititsitailile uivêrinagolo sumut; Nâlegaᴋ tamakkoninga tamainik akkiniarteongmat, sôrlo oᴋarvigilaurapse ipsomane kigligiutigivlugo.

Takotitaunermik 1:3

Pilorikpok atuarsijok, tâpkoalo tussartut oᴋautsinik tamakkoninga nalautsijomârtunik, torᴋorlugillo aglaksimajut makkonane; naliuningat ᴋaningmat.

Takotitaunermik 15:1

Nelunaikutablo assianik takovunga ᴋilangme angijoksôjomik tatamnadlartomiglo: Engelit 7 it kappianartunik kingorlerpânik 7 nik peᴋartut; tamakkonunga Gûdib ningausinga nâmaksititaumangmat.

Takotitaunermik 15:6

Engelillo 7 it kappianartunik 7 nik peᴋartut Tempelemit anivut, atisimavlutik annorânik sâtunik ivsornaitunik ᴋeblertanik, sagvingmikullo ᴋeterusersimajut ᴋeterutinik goldinik.

Takotitaunermik 19:20

Nergjut tagva tigujauvok, tâmnalo illagilugo nelautaijok nelangaitok, tâpsoma takoane tatamnartulidlalauktok, tamakkonunga tamartilaungmagit nergjutsûb nelunaikutanganik tigusimajut, adsingoanganiglo tuksiarveᴋalauktut; tâpkoa magguk ômavlutik egitauvuk ᴋôrᴋumut orᴋsorutelingmik ikomaᴋsoalingmut.

Takotitaunermik 20:10

Sâtanaselo tâpkoninga tamartitsijok egitauvok ᴋôrᴋumut orᴋsorutelingmik ikomaᴋsoalingmut, nergjutsûb nelautaijublo nellangaitub iningangnut; âniatitauniarivullo uvlôtilugo unnuamelo issoᴋangitomit issoᴋangitomut.

Takotitaunermik 20:15

Neliat aglaksimanane aglangne ômanartune nagvârtaukpat, tâmna egitauvok ᴋôrᴋumut ikomaksoalingmut.

Takotitaunermik 22:10

Oᴋarvigigivângalo: Naᴋitjuserniangilatit (ᴋaujijautailitiniangilatit) oᴋautsit nelautaimajut aglangne tamakkonanêtut, neliutiningat ᴋaningmat.

Takotitaunermik 22:16

Uvanga Jêsuseojunga Engeliga tililaukpara tamakkoninga kigligiutsivigiluse perᴋovlugo illagêktunut (ilingajuksanik). Dâvidib amârivlungalo kinguvârivânga, uvloriangojunga ᴋausiut ᴋaumaridlartok.

Takotitaunermik 22:7

Ahâk, mânakassâkut ᴋainiarpunga. Piloridlarpok torᴋoijok oᴋautsinik nelautaimajunik aglangne tamakkonane.

Takotitaunermik 22:9

Oᴋarvigivângalo: Udsertorit, taimailiornak! Kivgauᴋatigigamga, ᴋatangutivîllo nelautaijut, tâpkoalo oᴋautsinik aglangnêtunik tamakkonane torᴋuijut (kivgauᴋatigivânga). Gûde tuksiarvigiuk.

Takotitaunermik 3:14

Illagêt Laodiseamiut Engelingat aglagvigiuk: Tamadja oᴋautigivâ Ameneojub, nalâgôrlunelo mikseᴋârtôvlunelo kigligiutsijub, Gûdib pingortitangita pigiarningata: