Takotitaunermik 22:17 - Labrador Inuttitut Heritage Bible

¹⁷ Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.

Takotitaunermik 22:17 Iomraidhean Croise

Imgerut 34:8

Ikpigileritse takkoluselo ᴋannok Nâlegak illannâᴋarmat! Pillorikpok tatteᴋartok tâpsominga!

Jesaiase 12:3

Kuviasukluse imeᴋtariaromârpose puilavingmit piulijaunartomit.

Jesaiase 2:3

Nunaᴋatigêksuillo unuktut aijomârput oᴋarlutiglo: Attê! Nâlekab ᴋaᴋᴋanganut majorarta, Jâkob Gûdingata iglunganut, tâpsoma apᴋutigijaksaurᴋojanginik ajoᴋertortaurᴋovluta tâpsomalo apᴋutigijaksaurᴋojangine arvertarᴋovluta. Zionemit perᴋojat annijomârmatta Nâlekablo oᴋausingit Jerusalemit.

Jesaiase 2:5

Attê, Jâkokkut, arvertarta Nâlekab ᴋaumarningane!

Jeremia 50:5

Zione aperᴋutigijomârpât, kênatik tagvunga sângavlugit, oᴋarlutik: Kaigitse, Nâlakamut ilagêngneᴋaleritse angeᴋatigêngnerme soᴋosijuitome puigortauniatsangitome.

Hesekiel 47:1

Utertilerivanga ama iglub upkoanganut, ahâglo, imeᴋ iglub iglernaujangata atânit puilavoᴋ ununga kitânut, iglo ununga sangmimat, imerlo kôkpoᴋ kanunga iglub senerangata talerpiub atânit, tunerguserviub seᴋerngane.

Migga 4:2

Inôᴋatigêksuillo unuktut ingeraromârput, oᴋarlutiglo: Kaileritse, majuarta Nâlekab ᴋaᴋanganut, Jâkoblo Gudingata iglunganut; tâpsomalo ajoᴋertulârpâtigut apᴋutauᴋojaminik, arvertaromavogullo apᴋutingine; perᴋojat anijomârmatta Zionemit, Nâlekablo oᴋausinga Jerusalemit.

Johannese 1:37

Ilinniartîkitalo oᴋartok tussarpâk, Jêsuselo malikpâk.

Johannese 4:10

Jêsusib kiovâ oᴋautivlugolo: Gûdib tunergutâ illitarilerungne, kinaungmangâllo ilingnut oᴋartok: Imertilaunga; tuksiarviginajarpat, tâpsomalo tunitjiviginajarpâtit imermik inôgutilingmik.

Johannese 4:11

Arnab oᴋautivâ: Nâlegak ᴋalutiksaᴋangilatillônêt; imeᴋtarviglo itingmat. Nakît inôgutilingmik imeᴋaralloarᴋêt?

Johannese 4:14

Imermigle tunergusiarijaminik uvamnut imerniartok imerungniarungnairpok issoᴋangitomut; imerle tuniniartara tâpsomunga iluane puilavioniarpok imermik, inôtsemut nungusuitomut puilajomik.

Johannese 4:29

ᴋaititse, inuk takojartorsiuk, oᴋautjiga tamainik pinialauᴋtamnik, Kristûseungimangât.

Johannese 7:37

Uvloᴋsiorviuble tamattoma uvlungita kingorlerpângane, ᴋuvianernerpângane, Jêsuse nikovipok, nipliarlunelo oᴋarpok: Imeruktoᴋarpat, ᴋailerle uvamnut, imerlunelo!

Rômiunut 3:24

Akkeᴋangitomiglo idluarsititaulerput tâpsoma saimarsautânut, piuliklernermut, Kristusib Jêsusib pijanganut;

I Korintemiunut 2:12

Uvagulle silaksûb anerninganik pingilagut, Anernermigle Gûdemit pijomik; ᴋaûjijungnarᴋovluta Gûdemit tunergusiaptingnik.

Takotitaunermik 14:13

ᴋilangmillo nippemik tussarpunga oᴋautjimnik: Aglagit: Piloridlarput toᴋungajut, Nâlekame toᴋojut, mânamit. Ilâ Anernek oᴋarpok, merngoerserniarmatta sulijamingnit, piniarningitalo malikpait.

Takotitaunermik 2:7

Siutiliub tussarligit Anernerub oᴋausingit illagênut: Sâlaᴋartok nerrititsomavara napârtomit ômanartomit, Gûdib Paradîsinganêtomit.

Takotitaunermik 21:2

Uvangalo Johannese takovunga iglugasaksoarnik ivjornaitunik, Jerusalemik nutâmik, Gûdemit ᴋilangmit akᴋartunik, âkᴋiksorsimajunik, nuliaksatut pinnarnarsititaumajotut uiksaminut (ilingavlune).

Takotitaunermik 21:6

Oᴋarvigigivânga: Pimajarêrpok. Alfauvunga Omegauvlungalo, pigiarniovlungalo naggatauvunga. Imeruktok imiub ômanartub puilavinganit imertitsomavara akkeᴋangitomik.

Takotitaunermik 21:9

Engelillo 7 it iluleᴋutilit 7 inik pitalingnik kappianartut kingorliksanginik illangata tikipânga oᴋarvigivlunga, oᴋarlunelo: ᴋait takotitsomagapkit arnamik ipsominga Saugârsûb nuliaksanganik.

Takotitaunermik 22:1

Unertuivorlo uvamnut kôngmik issungitomik, ômanartomik imalingmik, alligoᴋtut ᴋaumatigijomik; tâmna anivok Gûdib Saugârsûblo iksivautaksoanganit.

Takotitaunermik 22:16

Uvanga Jêsuseojunga Engeliga tililaukpara tamakkoninga kigligiutsivigiluse perᴋovlugo illagêktunut (ilingajuksanik). Dâvidib amârivlungalo kinguvârivânga, uvloriangojunga ᴋausiut ᴋaumaridlartok.

Takotitaunermik 7:17

Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.