Takotitaunermik 22:15 - Labrador Inuttitut Heritage Bible

¹⁵ Silatânêpulle ᴋingmît tôrngijut, ajortulijullo, inuartullo, gûdingoaniglo kivgartortut, ilûnatiglo saglunermik ivlersijut, saglovlutiglo pijut.

Takotitaunermik 22:15 Iomraidhean Croise

I Atannit 22:8

Israelitit atanningat oᴋarpok Josafatemut: Anguteᴋaralloarpok sulle atautsemik, appertsorungnarutigijaptingnik Nâlekamik, Michamik Jemlab erninganik. Kisiane omigivara, nellautaivigingimanga ajungitomik, idluitomigle kisiane. Josafate oᴋarpok: Atannek taimâk oᴋaniarane.

Salomob Okâl 12:22

Nâlekab ᴋanît nellangaitut makkojugivait; nertornartunnigle iluseᴋartut ᴋuviagivait.

Salomob Okâl 7:27

Iglunga apᴋutauvok kappianartovingmut, kanungarvik Toᴋûb inninginnut.

Jesaiase 47:12

Attê! saᴋᴋijâtuinarit elisêniartoᴋotitit angakkoᴋotitillo unuktovaksuit illagivlugit, taipkoa inôsungnernit illungertûtigigangne! Sullitsiarungnarpalukpotit imaᴋâ ajugauvlutit.

Jesaiase 47:9

Kissianele tamakkungnunga tamangnut tikkitaujomârpotit tagvainaᴋ uvlorme attausẽnarme; ᴋitorngaerutivlutit uigarniojomârpotit, illa tamakkungnunga tikkitaummarigomârpotit, angakkoᴋaluaralloartillugo elisêniartoᴋaluaralloartillugolo sôngojunik illingne.

Jesaiase 57:3

Illipsele ᴋaileritse maunga, illipse angakkub ᴋitorngangit, ajortullijub anguniarpaktublo kinguvângit.

Jeremia 5:31

Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Mattêuse 7:6

Ivsornaitok tunijaksaringilase ᴋingminut, sappangaselo egitaksaringilase kuingênginut; itigamingnut tullerajarlugit, sangulutiglo aliktoriarluse perᴋonagit.

Mattêuse 8:12

Nâlegauvingme ᴋitorngaujulle ajaktortaujomârput tâktokso armut ungardlerpâmut, tagvane ᴋeavaksoadlarneᴋaromârpok aglerulârneᴋaromârlunalo.

Johannese 8:46

Nelipse akunapsingne ajornermik passijungnarpângâ? Mikseᴋârnermigle oᴋâlaguma ilipsingnut, sôk okperingilapsingâ?

Apostelit Piniarningit 8:11

Tamanna pivlugole kamagivât, akunersoarmik uivêrilaungmagit angakôtsiminut.

Deuteronomy 23:18

Anguniarpaktûb akkiliusiarijanga ilokeudlarnerublônêt akkinga âtaksarilungilat Nâlekab Gûdivît iglunganut sumiglônêt angeruteᴋaraloarmangârpit; tâpkoa tamarmik maᴋojungnarmanik Nâlekamut Gûdingnut.

Filippimiunut 3:2

Kingmit nautsertorsigik, ajoᴋertuinerluktut nautsertorsigik, illakungortitsijut nautsertorsigik.

Kolossamiunut 3:6

Taimaitut pivlugit Gûdib ningausinga okpinginerub ᴋitornganginut pivok.

I Timôteusemut 1:10

Assiniartullo, nukapitjaniglo uivêriklertut, inungniglo tigliktut, saglotojullo, angerluktullo assingillo taimaitut ajoᴋertûtsemik atsuilinartomik akkerartortut pivlugit;

Takotitaunermik 18:23

Nennerutiblo ᴋaumaninganut ᴋaumaksaijoᴋarungnainiarivok ilipsingne, uiksablo nuliaksablo nippingit tussartaujungnainiarivut ilipsingne. Niuvertut ilipsingne angajoᴋâksoangolaungmatta nuname, angakonipsingnut nelojut tamaita tamartitaulaungmatta.

Takotitaunermik 21:27

Ipeᴋtojut neliat taᴋamunga piniatsangilak, maᴋojungnartulijorlo saglojorlônêt; Saugârsûble aglangine ômanartune aglaksimajut kissimik iterniarput.

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.