Takotitaunermik 22:1 - Labrador Inuttitut Heritage Bible

¹ Unertuivorlo uvamnut kôngmik issungitomik, ômanartomik imalingmik, alligoᴋtut ᴋaumatigijomik; tâmna anivok Gûdib Saugârsûblo iksivautaksoanganit.

Takotitaunermik 22:1 Iomraidhean Croise

Imgerut 46:4

Taimaigalloarpat kôksoab kôgârsungitalo illagilugit Gûdib iglugasaksoangit, najorteᴋartut ᴋotsiktub iglunginnik ivsornaitunnik ᴋuviasutitaksarivait.

Jesaiase 41:18

Kôksoarnik angmartitsijomavunga ᴋaᴋᴋârulangne merᴋoᴋangitune puilavingniglo naᴋsarne; puilaveᴋajuitoᴋ tassingortitsomavara, nunalo pannertoᴋ puilavingortitsomavara imermik.

Jesaiase 48:18

Kanoᴋtôᴋ perᴋojakka nâleksigik! tagva ullapirsauteᴋarnit kôktut illinganajarpoᴋ idluarsinillo imarbiksûb mallingititut.

Jesaiase 66:12

Nâlegaᴋ imâk oᴋarmat: Ahâk, ullapirsaut sangutipara illingnut kôksoatut, nallojullo perᴋutevaksoangit kôktut kutjertotut. Tagva milluksijomârpose kivgumiartaujomârluselo tillaijartaujomârluselo, sêrᴋungine iksivavluse.

Jeremia 17:13

Nâlagaᴋ, Israêlib nerriugijangat, ᴋemaijut ilingnik kangusudlaromârput; aviktut uvamnit aglaktaujomârput nuname, Nâlagaᴋ imiub ômanartub puailavinga ᴋemangmatsuk.

Jeremia 2:13

Inuᴋotikka maggungnik idluitulisimangmatta; ᴋemakpânga uvanga puailaviojunga ômanartomik imalingmik, sanavlutiglo imeᴋarviksanik, imeᴋarviksanik piotsangitunik imeᴋarungnangitunik.

Saggaria 14:8

Uvlorme tâpsomane pijomârpok imît inôgutaujut anijomârmatta Jerusalemit, abvangit imarbik kidlek torârlugo, abvangillo imarbik kangidlek torârlugo; aujarmelo okiormelo taimaitsomârpok.

Johannese 13:32

Gûde ânanausijaugune tâpsomane, Gûdibtauk ânanausiniarivâ ingmine, ânanausisârpâlo.

Johannese 15:26

Manigoijorle tikitsomârpat, tilijomârtara ilipsingnut Atâtamit, mikseᴋârnerûb anerninga, Atâtamit anijok: tâmna kigligiutsiniarpok uvamnik.

Johannese 4:14

Imermigle tunergusiarijaminik uvamnut imerniartok imerungniarungnairpok issoᴋangitomut; imerle tuniniartara tâpsomunga iluane puilavioniarpok imermik, inôtsemut nungusuitomut puilajomik.

Apostelit Piniarningit 2:33

Mâna Gûdib talerpiagut ᴋongmuartitaugame, Atâtablo angersimaninga Anernermik ajunginermik pilauramiuk, tâpsominga tagva kovisilaukpok takojapsingnik tusartapsingniglo.

Takotitaunermik 1:1

Tamadja Jêsusib Kristûsib takotitangit, Gûdib tunijangit tâpsomunga, takotitjutigilugit kivgaminut, mânakut neliutuksat; tamakkoalo nalonailivait, Engeline tiligamiuk kivgaminut Johannesemut.

Takotitaunermik 21:11

(Jerusalem tamanna) Gûdib ânanaunersoanganik pilik, ᴋaumaningatalo ujarak pivianarnerpâᴋ adsigivâ, Jasperetut ᴋaumatigijok.

Takotitaunermik 21:6

Oᴋarvigigivânga: Pimajarêrpok. Alfauvunga Omegauvlungalo, pigiarniovlungalo naggatauvunga. Imeruktok imiub ômanartub puilavinganit imertitsomavara akkeᴋangitomik.

Takotitaunermik 21:9

Engelillo 7 it iluleᴋutilit 7 inik pitalingnik kappianartut kingorliksanginik illangata tikipânga oᴋarvigivlunga, oᴋarlunelo: ᴋait takotitsomagapkit arnamik ipsominga Saugârsûb nuliaksanganik.

Takotitaunermik 22:17

Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.

Takotitaunermik 22:6

Oᴋautivângalo: Oᴋautsit tamakkoa mikseᴋârtôvlutiglo saglojuitôvut. Gûdiblo, nelautaijut ivsornaitut Nâlegangata, Engeline tililaukpâ, kivgaminut takotitserᴋovlugo mânakut neliutsomârtuksanik.

Takotitaunermik 3:21

Sâlaᴋartok iksivaᴋojomavara illagilunga iksivautamne; sorlotauk uvanga sâlaᴋalaurama, Atâtagalo iksivaᴋatigigapko iksivautangane.

Takotitaunermik 5:13

Pingortitallo ilûnamasiatik, ᴋilangmiullo nunamiullo nunab atânêtullo, imarbiublo iluanêtut tamaita tussarpakka oᴋauseᴋartut: Iksivautaksoarme iksivajok Saugârsuglo ᴋujanarsilîk nâlengnarsilutiglo nertornarsilutiglo, ajugauviojotôvlutik issoᴋangitomit issoᴋangitomut.

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.

Takotitaunermik 7:17

Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.