Takotitaunermik 21:5 - Labrador Inuttitut Heritage Bible

⁵ Iksivautaksoarmelo iksivajok oᴋarpok: Ahâk, tamaitaᴋsuit nutângortipakka. Oᴋarvigivângalo: Aglagit; oᴋautsit tamakkoa mikseᴋârtôvlutik okpernartoksôngmatta.

Takotitaunermik 21:5 Iomraidhean Croise

Jesaiase 42:9

Ahâk, oᴋautigilauᴋtakka sivorngagut nallautsivut, pijomârtuksanik oᴋâlavunga, pilerᴋârtinagit tussartaurᴋovakka illipsingnut.

Jesaiase 43:19

Ahâk, nutâmik sanajomavunga; mãna nuilerpoᴋ. Missigingipisiûk? Illa apᴋosinelioromârpunga inuᴋajuitome imeᴋajuitorlo kôᴋartillugo.

Lukase 5:38

Vainele nutâk imerᴋautinut nutânut imertûtijaksauvok, tamarmik tâva asserorjuiᴋatigêkput.

II Korintemiunut 5:17

Taimaimat, Kristûsemêtoᴋarpat, tâmna nutângortitauvoᴋ; pitoᴋaᴋ itsungnairpoᴋ, ilûnane nutângorsimavoᴋ.

Ebrêerinut 12:27

Imâgle oᴋarame: “ama atausiardlunga”, saᴋᴋertitsivoᴋ aulajungnartut ablatsaujomârmatta senamajutitut, aulajuitut itsainarᴋovlugit.

Takotitaunermik 1:11

Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.

Takotitaunermik 1:19

Takojatit aglakit, tamattomanelo-itut, kingornganelo neliutuksat;

Takotitaunermik 19:9

Oᴋarvigivângalo: Aglagit: Piloridlarput ᴋairᴋojaujut Saugârsûb Kommunioninganut katititauviksangane. Oᴋarvigigivânga: Tamakkoa Gûdib oᴋausingit mikseᴋârtôjut.

Takotitaunermik 20:11

Iksivautaksoarmiglo ᴋaᴋortamik takogivunga, tâpsomanelo iksivajomik; tâpsoma kênanganit nunalo ᴋilaglo ᴋemâvuk, tâpkungnungalo iniksamik nagvârtoᴋangilak.

Takotitaunermik 22:19

Illangaijoᴋarpat oᴋautsinik nelautaimajunik aglangne tamakkonanêtunik, Gûdib tagva illangaivigijomârpâ piksanganik aglangnit ômanartunit, iglugasaksoarnillo ivsornaitunit, aglaksimajunillo aglangne tamakkonane.

Takotitaunermik 22:6

Oᴋautivângalo: Oᴋautsit tamakkoa mikseᴋârtôvlutiglo saglojuitôvut. Gûdiblo, nelautaijut ivsornaitut Nâlegangata, Engeline tililaukpâ, kivgaminut takotitserᴋovlugo mânakut neliutsomârtuksanik.

Takotitaunermik 4:2

Tagvainarlo anernermêtunga. Ahâglo, iksivautaksoak ilijaumajok ᴋilangme, iksivautaᴋsoarmelo iksivajoᴋarpok.

Takotitaunermik 4:9

Omajullo (sitamat) nertulerangatsuk nakorivlugolo ᴋujagiviklugolo iksivautaᴋsoarme iksivajok, issoᴋangitomit issoᴋangitomut inôjok,

Takotitaunermik 5:1

Aglangniglo iksivautaᴋsoarme iksivajub aggangita talerpinginêtunik takogivunga, ilungitigut ᴋângitigullo aglagviomajunik, naᴋitjusersimajuniglo naᴋitjutinut 7 nut.