Takotitaunermik 21:4 - Labrador Inuttitut Heritage Bible

⁴ Kugviornerillo tamaita Gûdib allarterniarpait ijinginit, toᴋolo itsungnairpok, kiksarnermiglônêt, niplianermiglônêt, ânianarnermiglônêt pijokarungnainiarpok; sivorliojut itsungnairmatta.

Takotitaunermik 21:4 Iomraidhean Croise

Imgerut 144:4

Innuk pujomik adseᴋaralloarmat; nalliuninga ingergavok tachaktut.

Jesaiase 25:8

Toᴋo nungutitsomârpâ issoᴋangitomut, Nâlekablo Gûdib allarteromârpait ᴋugvit kênarnit tamainit, inuᴋotimelo nachonautingat pêjaromârpâ nunane tamaine, Nâlegaᴋ taimak oᴋarmat.

Jesaiase 30:19

Illipse, Zionib inungit, Jerusaleme igloᴋartose, ᴋeajungnairitse! Niplialerupse nâpkigilarpâse, akkiolârpâse mãnakut, tussarunise.

Jesaiase 35:10

Nâlekab uttertitangit uttileromârput, Zionemullo tikkitsomârput iggiaᴋomijarlutik; ᴋuviasungnerub nâksaungitub ᴋollangiaromârpait, ᴋuviasungnerub serrinerublo tikkitsomârpait; kiksarnerlo anersauminerlo ᴋemâjomârpuk.

Jesaiase 51:11

Nâlekablo uttertitangit uttileromârput, Zionemulle tikkitsomârput iggiaᴋomijarlutik, ᴋuviasungnerub nâksaungitub ᴋollangiaromârpait, ᴋuviasungnerub serrinerublo tikkitsomârpait, kiksarnerlo anersauminerlo ᴋemâjomârpuk.

Jesaiase 60:20

Seᴋineᴋotit nippileromâtsangilaᴋ, taᴋᴋeᴋotillo nunguleromânginivoᴋ, Nâlegaᴋ ᴋaumautigijomârangne issoᴋangitomut; tagva uvlut kappiasugvigijatit sorairomârput.

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Jeremia 31:12

Tikituksauvullo tuksiarlutiglo Zionib poᴋtoningane; ᴋerdlâᴋaijomârpullo Nâlakab pitsiarninganut, ᴋaᴋᴋôjaksanut, vainemullo, orᴋsumullo, saugâranullo tuktuvâranullo; tarningillo itsomârput sorlo perorsêviktut imeᴋatsiartotut; sanikterijungnaimarigomârpullo.

Jeremia 31:13

Uigasuglo oᴋigêsernerme ᴋuviasudlaromârpoᴋ, inôsuktullo inuᴋoartullo ilagêklutik; kiksarningat ablatsangortitsomârapko ᴋuviasungnermut, manigoromavakkalo, ᴋuviasuktilugillo kiksarnermingnit.

Hosea 13:14

Kelujomavakka iluviub pitsartuninganit; satôromavakka toᴋᴋomit; toᴋᴋo, kapianarnît naûk? Iluveᴋ, asserorsainît naûk? ᴋaᴋialerneᴋ ijersimalârpoᴋ ijimnut.

Mattêuse 24:35

ᴋilaglo nunalo nungujomârpuk, oᴋausikkale nungujomângilat.

I Korintemiunut 15:26

Omisuktut kingorlerpângat pêjartaujomârtok tagva toᴋo.

I Korintemiunut 7:31

Silaksûblo mattoma pinginik atortut, atornerlungniarnagit; silaksûb tamattoma ilinganinga nungujomârmat.

II Korintemiunut 5:17

Taimaimat, Kristûsemêtoᴋarpat, tâmna nutângortitauvoᴋ; pitoᴋaᴋ itsungnairpoᴋ, ilûnane nutângorsimavoᴋ.

II Korintemiunut 6:17

Taimaimat anititse taipkonangat, avisârlugillo, Nâlegaᴋ oᴋarpoᴋ, maᴋojungnartorlo aktorniarasiuk; uvangalo ilalioromavapse.

Ebrêerinut 12:27

Imâgle oᴋarame: “ama atausiardlunga”, saᴋᴋertitsivoᴋ aulajungnartut ablatsaujomârmatta senamajutitut, aulajuitut itsainarᴋovlugit.

II Pêtrusib 3:10

Nâlekable uvluksanga neliutsomârpoᴋ sorlo tigliktotut unnuaᴋsiortotut; taipsomane ᴋilait nungujomârput serᴋorpaludlarlutik, pingortitalle ônartovaksoarmut aumajomârput, nunalo perᴋutingillo ikoâlanermut nungutaujomârput.

I Johannesib 2:17

Silaᴋsoarlo nungujomârpoᴋ allianarningillo: Gûdible pijomajanganik piniartoᴋ, issoᴋangitomut-itsomârpoᴋ.

Takotitaunermik 20:13

Imarbiublo toᴋungajut iluminêtut ᴋaipait, tâᴋtoksûblo toᴋungajut iluminêtut ᴋaitinivait, ilûnatiglo erᴋartortauvut piniarningit maliklugit.

Takotitaunermik 20:14

Toᴋolo tâᴋtoksoarlo egitauvuk ᴋôrᴋumut ikomaᴋsoalingmut. Tamadja toᴋub aipanga.

Takotitaunermik 21:1

ᴋilangmiglo nutâmik, nunamiglo nutâmik takogivunga. ᴋilak sivorlek nunalo sivorlek pêrmanik, imarbiglo itsungnairivok.

Takotitaunermik 22:3

Ominartoᴋarungnairivok, Gûdiblo Saugârsûblo iksivautaksoâgik tâpkonanêtsomârpuk, kivgangitalo kivgartoromârpât,

Takotitaunermik 7:17

Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.