Takotitaunermik 21:3 - Labrador Inuttitut Heritage Bible

³ Tussarlarmalo nippersarmik iksivautaksoarmit, oᴋartomik: Ahâk tagga Gûdib tupinga inungnêtok! Tâpsomalo iglomioᴋatiginiarpait inuᴋotigilaitalo; Gûdiblo nangminek illaginiarpait, tâpkoalo Gûdiginiarpât.

Takotitaunermik 21:3 Iomraidhean Croise

I Atannit 8:27

Gûdele nellâgut inneᴋaromaralloarᴋa nuname? Ahâk, ᴋillaub, ᴋillaillo ᴋillangita ilûnnamasiata illulungilâtit. ᴋanorle tagva iglo una igloliolauktara pinniarungnarajarka tamattominga?

II Kronika 6:18

Gude nallâgut inneᴋaromagalloarᴋa innungne nuname? Ahâk ᴋillaub ᴋillaillo ᴋillangita illunamasiatik illumajungnangilatit, ᴋannok tagva iglo una igloliorlauktara pijungnarajarᴋa tamattominga?

Exodus 25:8

Ivsornaitoviliorlillo uvamnut, iniksaᴋarungnarᴋovlunga akorngane.

Exodus 29:45

Ineᴋaromavungalo Israêlikut akorngane, Gûdiojomavungalo tâpkonunga.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jeremia 31:33

Tamadja angerutiga Israêlikunut, uvlut tamakkoa kingorngatigut pijomârtara, oᴋarpoᴋ Nâlagaᴋ: Perᴋojakka issumanginut pititsomavakka, ômatinginullo aglagomavakka; taipkonungalo Gudeojomavunga, tâpkoalo inuᴋotigijomârivakka.

Jeremia 32:38

Inuᴋutigijomavakkalo Gudeojomavungalo tâpkonunga.

Hesekiel 37:27

Ineᴋarvigalo tâpkonanêtsomârivoᴋ; Gudigijomârpângalo, tâpkoalo inuᴋotigijomârpakka.

Hesekiel 43:7

Oᴋautivângalo: Inûb erninga, tamanna tagga iksivautaᴋsoarma ininga, itikamalo alungita iningat, inigitsainaromârtara Israêlib ᴋitorngangita akorngane issoᴋangitomut; Israêliblo ᴋitorngangita attera ivsornaitoᴋ ivsornartitsungnairomârpât kingorngane, tâpkoalônêt ataningitalônêt, assiniarnermingnut atanermiglônêt timevininginut poᴋtonermingne;

Hesekiel 48:35

Avatâgut suvlortut 18,000tut ituksauvoᴋ; uvlormillo tâpsomangat iglugasaksuit atteᴋartuksauvut: Nalekab najugânik.

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.

Saggaria 8:8

Tikiutijomârpakkalo ineᴋaromârpullo Jerusaleme; inuᴋotigijomârpakkalo, tâpkonungalo Gudeojomavunga mikseᴋârnerme idluarnermelo.

Numbers 9:16

Taimaitsainarpoᴋ; nuvujab ulikpâ, unnuarmelo ikomaujârtûb.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 14:23

Jêsusib kiovâ oᴋautivlugolo: Uvamnik nagliktub oᴋausikka malingniarpait; Atâtamalo nagliginiarpâ, tikiniarpavuglo inigijartorlugo.

II Korintemiunut 6:16

ᴋanorlo Gûdib iglunga Gûdiungitullo atausiksauvâk? Ilipsele Gûdib ômajub iglogivâsê, Gûde imâk oᴋarmat: Inigijomavakka arvertarlungalo ilungine, Gûdeojomavlungalo tâpkonunga, inuᴋotiginiarpakkalo.

II Korintemiunut 6:18

Atâtaginiarpapsingalo, uvangalo ernerivluselo panigijomavapse, taimâk Nâlegaᴋ ajugaᴋangitoᴋ oᴋarpok.

I Tessalônikamiunut 3:11

Gûdiptale Atâtaptalo, Nâlegaptalo Jêsusib Kristûsib nangmineᴋ apᴋotiksaᴋartilitigut ilipsingnut.

Ebrêerinut 11:16

Tâmnale pinago kipilerput ajunginersamik, tagva ᴋilangmêtomik. Tamanna pivlugo Gûdib kangusûtigingilait Gûdinganik taijauvlune; iglogasaksoarnik âᴋiksoilaurame taipkonunga.

Ebrêerinut 8:10

Tamadja Testamentiga (angerutiga) Israêlikunut uvlut tamakkoa kingorngatigut pijomârtara, Nâlegaᴋ oᴋarpoᴋ: Perᴋojakka issumanginut pititsomavakka, ômatinginullo aglagomavakka; taipkonungalo Gûdiojomavlunga, inuᴋotigijomârivakka.

Ebrêerinut 8:2

Tâmnalo kivgartortiovoᴋ ivsornaitoviub pinginik, tupermiglo mikkseᴋârtomik Gûdib nappartitanganik inûbleungitoᴋ.

Takotitaunermik 10:4

Kalluillo 7 it nippitik anitsarêrmatigik, aglagomalauktakka; nippemigle ᴋilangmit pijomik tussarpunga, uvamnut oᴋartomik: Naᴋitjusikit kalluit 7 it oᴋausingit, tâpkoa aglangniarnagit.

Takotitaunermik 10:8

Nippiblo ᴋilangmit tussalauktama ama oᴋautivânga oᴋarlunelo: Ailerit, tigusijartorlutillo aglârsungnik makpersimajunik Engelib imarbingmelo nunamelo nangertub agganginit.

Takotitaunermik 12:10

Nippersoarmiglo tussarpunga imâk oᴋartomik ᴋilangme: Mâna piuliklernek, pitsartunerlo, nâlegaunerlo, ajugaᴋanginerlo Gûdipta Kristûsingatalo pigivait, ᴋatangutiptingnik passiklertok kataktitaungmat, tâpkoninga passiklertok Gûdib sângane uvlôtilugolo unnuamelo.

Takotitaunermik 21:7

Sâlaᴋartok kingormgujijomârpok tamainik, Gûdiginiarpângalo, uvangalo erneriniarpara.

Takotitaunermik 22:3

Ominartoᴋarungnairivok, Gûdiblo Saugârsûblo iksivautaksoâgik tâpkonanêtsomârpuk, kivgangitalo kivgartoromârpât,

Takotitaunermik 7:15

Tamanna pivlugo Gûdib iksivautaksoangata sânganêput, kivgartulâllo uvlôtilugo unnuamelo Tempelingane. Iksivautaksoarmelo iksivajub ᴋollangiarvigênarniarpait.