Takotitaunermik 21:27 - Labrador Inuttitut Heritage Bible

²⁷ Ipeᴋtojut neliat taᴋamunga piniatsangilak, maᴋojungnartulijorlo saglojorlônêt; Saugârsûble aglangine ômanartune aglaksimajut kissimik iterniarput.

Takotitaunermik 21:27 Iomraidhean Croise

Imgerut 101:8

Uvlarârsukut Gûdeᴋangitut nuname illûnaita nungutsomavakka, pêjairᴋovlunga idluitullijunik illûnainik Nâlekab iglugasaksoaᴋotinginit.

Exodus 32:32

Mânnale idluituliningit isumagijungnairomagungne; pijomangikuville, pênga aglarangnit igvit aglaksimajarnit.

Jesaiase 35:8

Tagvanelo apᴋosineᴋaromârpoᴋ apᴋutiksamik. Apᴋomik ivsornaitomik taijaujomârpoᴋ taimna. Ivsornartomut pissugviksaungilaᴋ, taipkonungale attoraksaujomârpoᴋ. Ingergajut tagvûna, sillaitut aglât tammaromângilat.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jesaiase 60:21

Inuᴋotitit illũnatik idluartôjomârput, nunaᴋsoarlo kingormgutijomârpât issoᴋangitomut, perorsiangongmatta nangmineᴋ illijakka, aggangmalo sanangmagit nertornautiksamnut.

Hesekiel 44:9

Imâk oᴋarpoᴋ Nâlegaᴋ Nâlegaujoᴋ: Takorngartaᴋ, kipimangitoᴋ ômatikut kipimangitorlo uvinikut, itertuksaungilaᴋ ivsornaitovimnut, takorngartaᴋ, Israêlib ᴋitorngangita akornganêtut neliallônêt.

Joel 3:17

Taimak ᴋaujilârpose uvangaugama Nâlegaᴋ Gudise, Zioneme ᴋaᴋᴋamne ivsornaitome ineᴋartunga: Jerusalem tagva ivsornaijomârpoᴋ, takorngartallo apᴋutigijungnairomârpât.

Leviticus 13:46

ᴋanimasekarningatalo uvlungit nâvlugit ivsornartuksauvok; ivsornarpok, inutôvlune igloᴋartuksauvok; tupersuit avatâne ineᴋartuksauvok.

Saggaria 14:21

Ilâ, ukkusit ilûnatik Jerusalemêtut Judamêtullo ivsornaituksauvut Nâlekamut Zebaotemut; ilûnatiglo tunergusijartut tigusivigilârpait igavigilugillo; uvlorme tâpsomane Kanaanemioᴋarungnairomârpok Nâlekab Zebaotib iglungane.

Numbers 12:15

Mirijamelo parngnanairsortauvoᴋ tangmârviub avatâne uvlut sevenit nâvlugit; inugiartoᴋsuillo ingergalungilat Mirijame utertitauᴋârtinago.

Numbers 5:3

Tamangnik angutiniglo arnaniglo avititaksarivase, tangmârviub silatânut pititaksarivase, tangmârvik inigijara ivsornartitauᴋonago.

Mattêuse 13:41

Inûb Erningata Engeline tilijomârpait; taipkoalo sinaungajut tamaita idluitulijullo katitsomârpait.

Markuse 7:2

Illiniartingitalo illangit takogamigit ᴋaᴋᴋôjaᴋtortut, ubvaᴋârnagit aggatik, idluaringilait.

Lukase 10:20

Anernerille (idluiluktut) nâlengmase, ᴋuviasûtiginasiuk; ᴋuviasugitsele, atise aglaksimangmatta ᴋilangme.

Efêsusemiunut 5:5

Kaujimagapsiuk tamanna, assiniartoᴋ, maᴋojungnartulijorlênêt, pijomatudlartortorlônêt (Gûdeungitunut kivgartortorteogame) Kristusiblo Gûdiblo nâlegauvinganik kingormgujijuksaungimatta.

Filippimiunut 4:3

Igvittauᴋ nertornartoᴋ ikajoᴋatiga, ᴋenuvigivagit, (arnâk) tâpkoa ikajorniakik, sorsugiaᴋatigilauᴋtâkka oᴋautsit tussarnertut pivlugit, Klemense assingillo piniaᴋatikka illagilugit, atteᴋartut aglaksimajunik aglangne ômanartune.

I Timôteusemut 1:10

Assiniartullo, nukapitjaniglo uivêriklertut, inungniglo tigliktut, saglotojullo, angerluktullo assingillo taimaitut ajoᴋertûtsemik atsuilinartomik akkerartortut pivlugit;

Ebrêerinut 12:14

Ullapirsauteᴋarnermik ilûnainut pinasuaritse, ivsornainermiglo, tamattominga pinasuangitut Nâlegaᴋ takoniangimatsuk.

II Pêtrusib 3:13

Oᴋausingale pitjutigivlugo nerriukpogut ᴋilangmik nutâmik, nunamiglo nutâmik, idluarnerub iniksanganik.

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 20:12

Toᴋungajullo takogivakka, mikijullo angijullo, Gûdib sângane nangertut. Aglaillo makpertaulerput; aglaillo assingit makpertaulerivut, tagva ômanartut. Toᴋungajullo erᴋartortauvut, piniarningit aglangne aglaksimajut maliklugit.

Takotitaunermik 20:15

Neliat aglaksimanane aglangne ômanartune nagvârtaukpat, tâmna egitauvok ᴋôrᴋumut ikomaksoalingmut.

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.

Takotitaunermik 3:5

Sâlaᴋartok ᴋaᴋortanik annôrârtitauniarpok, atingalo pêrniangilara aglangnit ômanartunit, atingalo oᴋautigijomavara Atâtamnut Engelinginullo.