Takotitaunermik 21:23 - Labrador Inuttitut Heritage Bible

²³ Iglugasaksuillo seᴋinermut takᴋermullônêt ᴋaumarsartaujariaᴋangilat; Gûdib ânanauningata ᴋaumartingmagit, Saugârsuglo ᴋaumautigivât.

Takotitaunermik 21:23 Iomraidhean Croise

Imgerut 84:11

Gûde Nâlegak seᴋᴋiniôngmat, sappulutaungmallo; Nâlegak saimarveᴋarnermik, nertornarnermiglo tunnijivok; idluitailijut ajoksarᴋoniangilait ajungitomik.

Jesaiase 2:10

Kairtomut morjulerit ijertorlutillo ivjomut Nâlekab sivoranarninganit pitsartujoᴋsôninganillo opinadlartomit.

Jesaiase 2:19

Kairtut ᴋairosunginut nunablo ittersanginut aijomârput, Nâlekab sivoranarninganit pitsartujoᴋsôninganillo opinadlartomit (ᴋemâvlutik), nikkovilerpat, nunaᴋsoaᴋ sajukpiluktitsomavlugo.

Jesaiase 2:21

Pullajomavlutiglo ᴋairtut ᴋongnânginut ᴋairosunginullo Nâlekab sivoranarninganit pitsartujoᴋsôninganillo opinadlartomit, nikkovilerpat, nunaᴋsoaᴋ sajukpiluktitsomavlugo.

Jesaiase 24:23

Taᴋᴋerlo kangusugomârpoᴋ, seᴋinerlo ᴋattagomârpoᴋ, ᴋilangmiugasaksuit Nâlegangat attanersoangongmat Zionib ᴋaᴋᴋangane Jerusalemelo, angajoᴋângortitangitalo ânanaunersoangat takkuksaulermat.

Jesaiase 30:26

Taᴋᴋiblo ᴋaumaninga seᴋinerub ᴋaumaningatut-itsomârpoᴋ, seᴋinerublo ᴋaumaninga sîbaulijomârpoᴋ, uvlut sîbat ᴋaumaningatut taipsomane, Nâlekab inuᴋotime killingit mangipsertoromârpagit inûlijomârlaitalo ikkingit.

Habakûb 3:3

Gûde tikipoᴋ Têmanemit, ivsornaitorlo Pâranib ᴋaᴋanganit. (Sela.) Ânanauningata ᴋilait ulikpait, nunalo nâmavoᴋ nertornautinganik.

Mattêuse 16:27

Inûb Erninga tikitsomârmat Atâtame ânanauningane Engeleᴋotine illagivlugit; tagvalo ilûnaita akkiniarvigijomârpait piniarningit maliklugit.

Markuse 8:38

Uvamnigle oᴋautsimniglo kangusuktoᴋ kinguvângoᴋatigêne tâpkonane assiniartune ajortulijunelo, tâmna Inûb Erningatatauᴋ kangugijomârpâ, tikikune atâtame ânanauningane, Engelit hailigit illagilugit.

Lukase 2:32

ᴋaumajok nalojunik ᴋaumarsaijuksak, inuᴋotivîllo Israelitit nakorijaksangat.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 1:18

Gûdemik takomajoᴋangilak. Ernetuab, Atâtab sarliartangata, tamattominga nelojungnaitilauᴋpâtigut.

Johannese 1:4

Inôsek tâpsoma iluanêpok; inuillo inôsek ᴋaumanerivât.

Johannese 1:9

Tamadja mikseᴋârtok ᴋaumajok, inungnik ilûnnainik ᴋaumarsaijok, nunamut tikitunik.

Johannese 17:24

Atâtak pijomavunga, najugamne tâpkoatauk uvamnêᴋovlugit, tunilauktatit uvamnut, ânanaunimnik tunilauktarnik uvamnut takoᴋovlugit; nagligilauramga silaksoak tunganilijauᴋârtinago.

Johannese 5:23

Ernek ilûnainut nâlektauᴋovlugo, sôrlo Atâta nâlengmatsuk. Ernermik nâlengitok Atâtamiktauk nâlenginivok tilijinganik.

Apostelit Piniarningit 22:11

Kaumajuble tâpsoma ᴋaumajoksôninganut tautugungnanginama, ingergaᴋatima agganginut tassiortaulerpunga Damaskusemullo pivlunga.

Takotitaunermik 14:4

Tâpkoa tagga, arnanut ipeᴋtotisimangitut; uigasôgamik, Saugârsuglo namut pijarangat malikpât. Tâpkoa pisiangovut inungnit sivorlerpângovlutik Gûdemut Saugârsungmullo.

Takotitaunermik 18:1

Kingorngagullo Engelemik assianik takovunga pitsartuniliksoarmik, nunalo ᴋaumarsartauvok tâpsoma ᴋaumaninganut.

Takotitaunermik 21:11

(Jerusalem tamanna) Gûdib ânanaunersoanganik pilik, ᴋaumaningatalo ujarak pivianarnerpâᴋ adsigivâ, Jasperetut ᴋaumatigijok.

Takotitaunermik 21:25

Itertarviksoangillo upkuartauniatsangilat uvlôtilugo, (tagvane unnuaᴋatsangimat,)

Takotitaunermik 22:5

Tagvane unnuaᴋarniangilak, ᴋaumajutiksamiglo seᴋiniublônêt ᴋaumaninganik pijariaᴋarnianginivut, Gûdib Nâlekab ᴋaumarsarniarmagit, ataniotijomârpullo issoᴋangitomit issoᴋangitomut.

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.

Takotitaunermik 7:17

Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.