Takotitaunermik 21:2 - Labrador Inuttitut Heritage Bible

² Uvangalo Johannese takovunga iglugasaksoarnik ivjornaitunik, Jerusalemik nutâmik, Gûdemit ᴋilangmit akᴋartunik, âkᴋiksorsimajunik, nuliaksatut pinnarnarsititaumajotut uiksaminut (ilingavlune).

Takotitaunermik 21:2 Iomraidhean Croise

Imgerut 87:3

Pijoᴋartunnik ânanaudlartunnik oᴋâlautigijauvut illingne iglugasaksoangojotit Gûdemut, Sêla.

Jesaiase 1:21

Ilâ iglugasaksuit nertornartut anguniarpaktotut illingatitaumavut. Idluarnermik illumertaulauᴋput, idluarsainerublo innigilauᴋpait, mãnale inuartut tagvanẽput.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jesaiase 54:5

Pingortitit aiparigangne, ᴋilangmiugasaksuit Nâlegangat tagva attinga; ivlernartitorlo Israêlikkune piulijigigangne, sillaᴋsoarmiut illũnamatsiatik Gûdigijangannik atserartaujoᴋ.

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Jesaiase 62:4

Kemadlaraujomik taijaujungnairomârpotit kingorngane, nunallo inuᴋangitomik taijaujungnairomârpoᴋ kingorngane, taijaujomârpotille ᴋuviagijamnik, nunallo uilingmik (taijaujomârpoᴋ), Nâlekab ᴋuviagingmattit, nunallo uiᴋarmat.

Jeremia 31:23

Imâk oᴋarpoᴋ Nâlagaᴋ Zebaot, Israêlib Gudinga: Oᴋautsit makkoa oᴋauserijomârivait Judab nunangane iglugasaksoanginalo, aularutijaunermit utertigupkit: Nâlakab saimarsarlitit, inniksaujotit idluarnermik, ᴋaᴋᴋaujotit ivsornaitoᴋ.

Johannese 3:29

Nuliaksalik uiksauvoᴋ, uiksable ilannârijingata nangerdlunelo naipertorpâ, ᴋuviasudlarporlo uiksab nipinganik. Tamanna ᴋuviasungnera nâmaksilerpok mâna.

II Korintemiunut 11:2

Ilungertorama pivluse Gûdib ilungertûtânut. Katitinapse angumut, tagva Kristûsemut, uigasungmik ivsornaitomik âtsivigijomavlugo.

Ebrêerinut 11:10

Neriukame iglugasaksoarnik, tunganilimajunik, senajingat pingortitingallo tagva Gûde.

Ebrêerinut 11:16

Tâmnale pinago kipilerput ajunginersamik, tagva ᴋilangmêtomik. Tamanna pivlugo Gûdib kangusûtigingilait Gûdinganik taijauvlune; iglogasaksoarnik âᴋiksoilaurame taipkonunga.

Ebrêerinut 12:22

Ilipsele Zionib ᴋaᴋᴋanganut tikisimavose, Gûdiblo ômajub iglugasaksoanginut, Jerusalemut ᴋilangmêtomut, Engelillo tausendeoᴋattartut unuktoᴋsôninginut,

Ebrêerinut 13:14

Mâne iglugasaksoaᴋanginapta ᴋemaktauniangitunik, neliutuksarsiorpogulle.

Takotitaunermik 1:1

Tamadja Jêsusib Kristûsib takotitangit, Gûdib tunijangit tâpsomunga, takotitjutigilugit kivgaminut, mânakut neliutuksat; tamakkoalo nalonailivait, Engeline tiligamiuk kivgaminut Johannesemut.

Takotitaunermik 1:4

Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;

Takotitaunermik 1:9

Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

Takotitaunermik 11:2

Tempelible silatânêtok egidlugo ôktorniangilat, nelojunut tunijaungmat, iglugasaksuillo ivjornaitut tullerajaromârpait takᴋit 42 it nâvlugit.

Takotitaunermik 21:10

Aularutivângalo anernikut ᴋakᴋaksoarmut kingiktoksoarmut ᴋemergotidlunga iglugasaksoarnik, Jerusalemik ivsornaitomik, ᴋilangmit akᴋartunik;

Takotitaunermik 21:9

Engelillo 7 it iluleᴋutilit 7 inik pitalingnik kappianartut kingorliksanginik illangata tikipânga oᴋarvigivlunga, oᴋarlunelo: ᴋait takotitsomagapkit arnamik ipsominga Saugârsûb nuliaksanganik.

Takotitaunermik 22:17

Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.

Takotitaunermik 22:19

Illangaijoᴋarpat oᴋautsinik nelautaimajunik aglangne tamakkonanêtunik, Gûdib tagva illangaivigijomârpâ piksanganik aglangnit ômanartunit, iglugasaksoarnillo ivsornaitunit, aglaksimajunillo aglangne tamakkonane.

Takotitaunermik 3:12

Sâlaᴋartok sukkangortitsomavara Gûdima iglungane, tamattomangallo kingorngane anijungnainiarpok. Gûdimalo atinga aglagomavara tâpsomane Jerusalemiblo nutâb atinga, Gûdima iglogasaksoangita ᴋilangmit akᴋartut Gûdimnit, ateralo taimna nutâk.