Takotitaunermik 20:2 - Labrador Inuttitut Heritage Bible

² Kuglugiaksoarâluk tagva tiguvâ, ᴋuglugiatoᴋak, tagva passiklerte Sâtanaselo, jârinelo tausendine ᴋelaksorsimatipâ.

Takotitaunermik 20:2 Iomraidhean Croise

Genesis 3:1

Kuglugiarle pingitsertornersauvoᴋ ômajunit tamainit naternamêtunit, Gûdib Nâlekab sanajanginit, oᴋarporlo arnamut: Gûde oᴋamarigalloarᴋâ napârtut perorsêvingmêtut nallianit nerᴋiksarsiniangilatîk?

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Hiobe 1:7

Nâlegarle Sâtanasemut oᴋarpok: Nakit pivît? Sâtanasib Nâlegak kiovâ oᴋarlunelo: Nuna ingergavigilaukpara.

Jesaiase 24:22

Kattititaujomârpullo ᴋeppisimavlutik, pititauvlutik ittersâlungmut, parngnanairsortauvlutiglo parngnanairsimavingmut, uvlullo unuktut ᴋangerᴋârtillugit pidlartaujomârput.

Jesaiase 27:1

Taipsomane Nâlekab pidlariartoromârpak leviâta, ᴋuglugiaᴋsoangojoᴋ sukkalidlartoᴋ, leviâtalo, ᴋuglugiaᴋsoangojoᴋ niungajoᴋsoaᴋ, saviksoarmigut sittijokut, angijokut, sôngojokut, toᴋotsomârpâlo imarbiub ômajoâlua.

Hesekiel 47:5

Amalo ôktorpait talit 1,000, sunaubvalo kôk ikârvigijungnangitara: kutjersimangmat, imeᴋ puibjorviojungnarpoᴋ, erᴋangale tutijaujungnangilaᴋ.

Mattêuse 19:29

Inub iglune ᴋemakuniuk, ᴋatangutinelônêt, atâtanelônêt, anânanelônêt, nulianelônêt, ᴋitornganelônêt, perorsêvinelônêt, attera pivlugo; 100 ertorlugit pijomârivait, kingormgujivlunalo inôtsemik nungusuitomik.

Mattêuse 8:29

Ahâglo, nipliadlarlutiglo oᴋarpuk: Jêsuse, Gûdib erninga, suniarpitigûk? Naliuterᴋârtinago kappiasuktitsartorpitigûk?

Markuse 4:15

Apᴋosiniub senianut karngautigimajut, tâpkoangovut, (Gûdib) oᴋausinginik tussartut; tussarpagille, Sâtanasib tâva oᴋautsinik pêjariartorpait, ômatinginut karngautigimajut.

Markuse 5:7

Suniarpagît, Jêsuse, Gûdib ᴋotsingnerub Erningâ? tuksiarvigilutit Gûdib sângane oᴋaupagit: kappiasuktitserᴋonak uvamnik.

Johannese 12:31

Mâna silaksoarmiut erᴋartortaunermut tikitaulerput, mâna silaᴋsûb tamattoma ataninga anititauniarpok.

Johannese 16:11

Erᴋartuinek pivlugo, silaksûb mattoma ataninga erᴋartortaungmat.

Rômiunut 16:20

Gûdible ulapirsaijub Sâtanase tullerniarpâ itikapse atânut mânakut. Nâlegapta Jêsusib saimaningata illagilise. Amen.

Ebrêerinut 2:14

Taimaimat, sorlo sorutsit uvineᴋarlutiglo auᴋarmatta, tâmna ukkutitunaᴋ tamakkoninga illangiusimavoᴋ, toᴋominut pitsartuerutijomavlugo toᴋub pitsartuninganik peᴋartoᴋ, tagva Sâtanase,

I Pêtrusib 5:8

Silatuniaritse erᴋomavluselo; akkerartortise Sâtanase arvertarmat loevetut nipliajoᴋsoatut, êjaksarsiorlune nelianik.

II Pêtrusib 2:4

Engelit idluitulilauᴋtut Gûdib pidlartaulilaunginamigit, tâᴋtoᴋsûble ᴋelaumgujanginêdlutik Sâtanaseᴋarvingmut ajaktordlugit pitilauramigit, ᴋimergutauᴋovlugit erᴋartuiviksamut;

Jûdasib 1:6

Engelittauᴋ ataniovingmingnik (sivorlermik) sapkutsijut, iglomingniglo ᴋemaijut, ᴋelerutinut issoᴋangitomut soᴋᴋosijuituksaujunut ᴋumergusiupait uvloᴋsoarmut erᴋartuiviksamut.

Takotitaunermik 12:13

Kuglugiaksoarâluglo nunamut kataktitaunerminik takogame, arnak angutiarsungmik ernilauktok unangmivâ.

Takotitaunermik 12:15

Kuglugiab ᴋanerminit imeᴋsoak kôksoatut anipâ arnab tunuagut ipititsomavlugo.

Takotitaunermik 12:17

Kuglugiaksoarâlub tagva arnak ningaumajârvigivâ aivlunelo tâpsoma kinguvângita amiakungit sorsugiartoromavlugit, Gûdib perᴋojanginik nâlektut kigligiutsijullo Jêsuse Kristûsemik.

Takotitaunermik 12:3

Nelunaikutablo assia sakᴋerpok ᴋilangme, ahâk ᴋuglugiaᴋsoarâluk angijok aupaluktak, niaᴋoᴋarlune 7 nik, nakjuᴋarlarmelo 10 nik, niaᴋominelo niaᴋôteᴋarlune 7 nik.

Takotitaunermik 12:4

Pamiominullo uvloritjat pingasuililugit pingajuingit nusukpait, nunamullo egidlugit. Kuglugiaksoarâluglo tâmna arnab ernisuktub sânganut pivok, ernijarêtuarpat, ᴋitornganga nerrijomavlugo.

Takotitaunermik 12:9

Kuglugiaᴋsoarâluglo angijok anititauvok, ᴋuglugiatoᴋak ateᴋartok: Passiklertemik Sâtanasemiglo, silaksoarmiunik tamainik asseroijok, egitauvlunelo nunamut, Engelingillo egitaugivut.

Takotitaunermik 13:2

Nergjullo takojara pûsevâluktun-ipok, itigaᴋalarmelo nenoktut, ᴋaningalo Loevib ᴋaningatut. Kuglugiaksoarâlublo pitsartunerminik tunitsivigivâ, iksivautaksoarminiglo atanionerminiglo.

Takotitaunermik 13:4

Tuksiarvigivâllo ᴋuglugiaksoarâluk nergjumik pitsartutitsijok, tuksiarvigigivâllo nergjut oᴋarlutik: Nergjut tâmna kia adsigivaûk? kialo sorsugvigijungnarᴋaûk?

Takotitaunermik 20:10

Sâtanaselo tâpkoninga tamartitsijok egitauvok ᴋôrᴋumut orᴋsorutelingmik ikomaᴋsoalingmut, nergjutsûb nelautaijublo nellangaitub iningangnut; âniatitauniarivullo uvlôtilugo unnuamelo issoᴋangitomit issoᴋangitomut.

Takotitaunermik 20:7

Jârillo tausendit nâkpatta, Sâtanase ᴋelarudjârtaujomârpok parngnanairsortaumavingminit.

Takotitaunermik 9:11

Netteᴋangitub Engelinga atanerivât; tâpsoma atinga Ebrêerit oᴋausingine Abaddoneovok, Grîᴋillo oᴋausingine ateᴋarpok Apollionemik.