Takotitaunermik 20:13 - Labrador Inuttitut Heritage Bible

¹³ Imarbiublo toᴋungajut iluminêtut ᴋaipait, tâᴋtoksûblo toᴋungajut iluminêtut ᴋaitinivait, ilûnatiglo erᴋartortauvut piniarningit maliklugit.

Takotitaunermik 20:13 Iomraidhean Croise

Jesaiase 26:19

Toᴋungajoᴋotitille ômaromârput, timivut anernangertut makkitsomârput. Tuppaleritse nertordlerluselo, ivjormiôjose! mitsuksoaᴋ illingnut (pijoᴋ) mitsuksoangongmat inûlinartoᴋ nuna toᴋungajunik saᴋᴋertitsijuksaugivoᴋ.

Hosea 13:14

Kelujomavakka iluviub pitsartuninganit; satôromavakka toᴋᴋomit; toᴋᴋo, kapianarnît naûk? Iluveᴋ, asserorsainît naûk? ᴋaᴋialerneᴋ ijersimalârpoᴋ ijimnut.

Mattêuse 11:23

Igvillo Kapernaum, ᴋangatarsimajotit ᴋilak tikidlugo, kappianartovingmut kanunga ajaktortaujomârpotit. Sodomame taimâk angitigijunik tatamnartokalaukpat, sorlo ilipsingne, sulle uvlome asserortautailinajalaukput.

Mattêuse 16:27

Inûb Erninga tikitsomârmat Atâtame ânanauningane Engeleᴋotine illagivlugit; tagvalo ilûnaita akkiniarvigijomârpait piniarningit maliklugit.

I Korintemiunut 15:26

Omisuktut kingorlerpângat pêjartaujomârtok tagva toᴋo.

Takotitaunermik 1:18

Omavlungalo. Toᴋolaukpunga, ahâk, inôvunga issoᴋangitomit issoᴋangitomut, tâᴋtoksoarmullo (anernerit ininganut) oᴋomullo pêruteᴋarpunga.

Takotitaunermik 2:23

ᴋitorngangillo anauvlugit toᴋotsomavakka. Illagêllo ilûnatik nelojungnainiarpânga, taᴋtuniglo ômatiniglo kiglisiniartok uvangaugama, ilûnaselo atunit piniarvigijomârpapse iliornerijase maliklugit.

Takotitaunermik 20:12

Toᴋungajullo takogivakka, mikijullo angijullo, Gûdib sângane nangertut. Aglaillo makpertaulerput; aglaillo assingit makpertaulerivut, tagva ômanartut. Toᴋungajullo erᴋartortauvut, piniarningit aglangne aglaksimajut maliklugit.

Takotitaunermik 20:14

Toᴋolo tâᴋtoksoarlo egitauvuk ᴋôrᴋumut ikomaᴋsoalingmut. Tamadja toᴋub aipanga.

Takotitaunermik 21:4

Kugviornerillo tamaita Gûdib allarterniarpait ijinginit, toᴋolo itsungnairpok, kiksarnermiglônêt, niplianermiglônêt, ânianarnermiglônêt pijokarungnainiarpok; sivorliojut itsungnairmatta.

Takotitaunermik 6:8

Takogivunga, ahâglo, horsemik ᴋataktângajomik; tâpsomalo ᴋânganêtok toᴋomik ateᴋartok, tâᴋtoksûblo (toᴋungajut iningata) malikpâ. Tâpkoalo ajugautitauvut nunamêtut sitamaulivlugit sitamaingit toᴋoniardlugit, saviksoarmullo, kângnermullo, toᴋonartomullo, pisuktinullo nunamêtunut.