Takotitaunermik 2:7 - Labrador Inuttitut Heritage Bible

⁷ Siutiliub tussarligit Anernerub oᴋausingit illagênut: Sâlaᴋartok nerrititsomavara napârtomit ômanartomit, Gûdib Paradîsinganêtomit.

Takotitaunermik 2:7 Iomraidhean Croise

Genesis 2:9

Gûdiblo Nâlekab nuitipait nunamit napârtut sunatuinait takorannertut nerᴋiksarsivigijominartut, amma napârtoᴋ ômanartoᴋ perorsêviub ᴋerᴋane, napârtorlo illisimanartoᴋ ajungitomik ajortomiglo.

Salomob Okâl 11:30

Idluartub perortungit nappartôvok inogutelik; ilisimajorlo tarninnik amuarsivok.

Salomob Okâl 13:12

Nerriugijak mullujok ômamik ᴋanimatitsivok; tussugijaujorle tikkilerpat, tamânna inogutib nappartungatut-ipok.

Salomob Okâl 15:4

Oᴋak atsuilinartok inôgutib nappartungatun-ipok; mumiksimajorle kiksartitsivok ommatinnik.

Salomob Okâl 3:18

Napartôvok inogutelik, tigusijunut tamattominga; pilloridlarpullo ilûnatik ivlersijut tamattominga.

Hesekiel 28:13

Gudib perorseviane Edenemêlauᴋpotit, ujarᴋanut pivianartunut tamainut pinnarnarsititauvotit, ukkuangovut, Ruby, Topaselo, Diamantelo, Berilelo, Onikselo, Jasperelo, Saffirelo, Emeraldelo, Karbunkelelo, Goldelo; ᴋilautitit nipjautitillo senajaulauᴋput ilingne; pingortitaunivit uvlungane pijarêrtitaulauᴋput.

Hesekiel 31:8

Sîderit Gudib perorsêvinganêtut ijerungnangilât: ᴋeblariktut tâpsoma akkerungit adsigilaungilait, napârtullo millukattalit adsiutitaujungangilat tâpsoma akkerunginut; napârtullo Gudib perorsêvinganêtut neliallônêt tâpsotunaᴋ takoranidlartigilungilat.

Mattêuse 11:15

Tussâjungnik siutelik tussarle.

Mattêuse 13:43

Idluartulle seᴋinertut ᴋaumatigijomârput Atâtamik nâ. legauviane. Tussâjungnik siutelik tussarle.

Mattêuse 13:9

Tussâjungnik siutelik tussarle.

Markuse 4:9

Oᴋautivaillo: Tussâjungnik siutilik tussarle!

Markuse 7:15

Sunallônêt inûb silatânit iluanut pijut, sujuktingilât; tâpsomangalle anijut inuk sujuktipât.

Markuse 7:16

Tussâjungnik siutilik tussarle.

Lukase 23:43

Jêsusiblo kiovâ: Âhamarik oᴋaupagit, uvlome aiparilârpagit Paradîseme.

Lukase 8:8

Ilangillo katakput nunamut ivjoriktomut, nuilerutiglo perorlarmiglo karngasutiksaᴋalerput sulugainermingne 100 nik. Taimâk oᴋarame, niplialerpok: Tussâjungnik siutilik tussarle!

Johannese 16:33

Tamattominga oᴋautilaukpapse, ulapirsauteᴋarᴋovluse uvamne. Silaksoarme kappiasungneᴋarpose; manigoritsele, silaksoak sâlagivara.

I Korintemiunut 2:10

Uvaptingnulle Gûdib nellonaitilaukpâ Anernerminut. Anernerub kiglisiniarmagit tamaita, nalonartuttauk Gûdib itiningit aglât.

II Korintemiunut 12:4

Tâmna pititaulauᴋpoᴋ Paradîsemut, tussâvorlo oᴋautsinik oᴋauserijaujungnangitunik, inûb kialônêt oᴋauserijungnangitanginik.

I Johannesib 2:13

Atâtaujosi aglagvigivapsi, issuanit-itoᴋ illitarigapsiuk. Inôsuktôjosi aglagvigivapsi, ajortoᴋsoaᴋ sâlagilaurapsiuk. Sorusiojose aglagvigivapsi, Atâta illitarigapsiuk.

Takotitaunermik 13:9

Siuteᴋartoᴋarpat tussarle!

Takotitaunermik 14:13

ᴋilangmillo nippemik tussarpunga oᴋautjimnik: Aglagit: Piloridlarput toᴋungajut, Nâlekame toᴋojut, mânamit. Ilâ Anernek oᴋarpok, merngoerserniarmatta sulijamingnit, piniarningitalo malikpait.

Takotitaunermik 15:2

Takovungalo sorlo imarbingmik igalâksajaujârtomik ikomamik akkulersimajomik, tâpkoalo sâlaᴋalauktut nergjumik adsingoanganiglo, nelunaikutanganiglo, atingatalo kittitanganik nangerput imarbiub igalâksajaujârtub sinâne, Gûdib harfinginik tigumiarlutik.

Takotitaunermik 2:11

Siutiliub tussarligit Anernerub oᴋausingit illagênut: Sâlaᴋalertok toᴋub aipanganut pijauniangilak.

Takotitaunermik 2:17

Siutiliub tussarligit Anernerub oᴋausingit illagênut: Sâlaᴋartok nerrititsomavara Mannanik ijersimajunik; tunitjivigijomavaralo ujarᴋamik ᴋaᴋortamik, atermiglo nutâmik ujarᴋamut aglaksimajomik, kimut illitarijaungitomik, inuata kisime (illitarivâ).

Takotitaunermik 21:7

Sâlaᴋartok kingormgujijomârpok tamainik, Gûdiginiarpângalo, uvangalo erneriniarpara.

Takotitaunermik 22:14

Piloridlarput perᴋojanginik nâlektut, pitsartuneᴋarᴋovlugit napârtomut ômanartomut, itertarvikullo iterᴋovlugit iglogasaksoarnut.

Takotitaunermik 22:17

Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.

Takotitaunermik 22:2

(Iglugasaksuillo) apᴋosiningita ᴋerᴋane kôblo senîgingne tamangne napârtoᴋalaukpok ômanartunik; tâpkoa 12 inik ingmigôlingajunik paungaᴋalaukput, takᴋinelo tamaine nutânik paungaᴋaᴋattarput, napârtullo millukatangit atsuiligutiksauvut nelojunut.