Takotitaunermik 2:19 - Labrador Inuttitut Heritage Bible

¹⁹ Piniarnitit ᴋaujimavakka, nagligosungnîllo, kivgartornîllo, okpernîllo, ᴋenuersârnîllo, sulidlaravillo kingorlît pivalliatilugit sivorlinit.

Takotitaunermik 2:19 Iomraidhean Croise

Hiobe 17:9

Idluartuble sulle apᴋoserijane ungagitsainarniarpâ, ivsornaitunniglo aggalik sôngutsainarniarpok.

Imgerut 92:14

Inutoᴋaunermingne sulle perorteromârput, ipteᴋarlutiglo ᴋunulijuitsomârput.

Salomob Okâl 4:18

Idluartulle apᴋotingat ᴋaumanerub keblarningatut ipok, sivumuartotut, ᴋaumaksaijotullo uvlok soᴋosijuitok tikkilugo.

Lukase 1:23

Kivgartorningatalo sorairvia naliutingmat, iglominut angergarpok.

Johannese 15:2

Akkerᴋut uvamnêtut ilûnnaita paungaᴋarpangitut pêjarniarpait; ilûnnaitalo paungaᴋarpaktut piungininginik pêjaiviginiarpait, paungaᴋarnersauᴋovlugit.

Kolossamiunut 3:14

Tamakkoale tamaita ᴋângitigut atiniarsiuk naglingnek, tagva nâmaksinerub ᴋelaksûtâ.

I Tessalônikamiunut 3:6

Mânale Timôteusib tikingmatigut ilipsingnit, tussarominartomiglo unipkautivluta okpernipsingnik naglingnipsingniglo, issumagênaraptigullo idluartomik kipivigivlutalo takojomavluta, sôrlotauᴋ uvagut tussugapta takojomavluse:

II Tessalônikamiunut 1:3

Gûde ᴋujagijariaᴋatsainarpavut pivluse, ᴋatangutivut, taimaglo idluarpoᴋ; okpernise angijomik aglivalliangmat, nagliktigêngnerlo ilûnapsingne atunit angijorolermat.

I Timôteusemut 1:5

Perᴋojat nalonairtitangat angnerpâk imaingmat: Naglingnek ômamut ivsornaitomut, issumamullo passijaksaungitomut, okpernermullo takkormôjuitomut.

I Pêtrusib 4:8

Tamanna pivlugo silatuleritse erᴋomavluselo tuksiaritse. Tamainille anginerpângojomik, nagliktigêgitse ilungertordluse; naglingnerub ajornerit unuktoᴋsôningit mattungmagit.

II Pêtrusib 1:7

Nâlengnermullo Gûdemik naglingnermik ᴋatangutinik, naglingnermullo ᴋatangutinik nagligosungnermik ilûnainik.

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

Takotitaunermik 2:13

Sulijatit ᴋaujimavakka, nunaᴋarnîllo nane, Sâtanasib iksivautaᴋsoangata ininganek ateralo atavigigangne, okpernerlo uvamnut misiarutiginago uvlune ipkonane aglât, Antipase ataruilivlune uvamnik kigligiutsijok toᴋotaungmat ilipsingne, Sâtanasib ineᴋarviane.

Takotitaunermik 2:9

Piniarnitit ᴋaujimavakka, kappiasungnîllo aklunîllo (akluigalloartotit), mitautaunîllo oᴋartunut Jûdionermingnik taimainatiglo, Sâtanasible ajoᴋertuivinganut ilingavut.